AI ഒഴിവാക്കിക്കൊണ്ട് ഇനിയൊരു ജീവിതം നടക്കില്ല – ഫൈസൽ കാച്ചപ്പള്ളി

AI ഒഴിവാക്കിക്കൊണ്ട് ഇനിയൊരു ജീവിതം നടക്കില്ല-എങ്ങിനെ ഇതിനെ വെച്ച് ജീവിക്കാം എന്ന് പഠിക്കാം എന്നെ വഴി ഉളളൂ

പണ്ടൊക്കെ മാസത്തിൽ ഒരു സ്റ്റേബിൾ ടെക് സൊല്യൂഷൻ പുറത്തു വരുന്നിടത്ത്, ഇന്ന് ഒരൊ ദിവസവും എണീക്കുന്നതു തന്നെ ഞെട്ടിക്കുന്ന AI അപ്ഡേറ്റോടു കൂടിയാണ്

ഒരു ചോദ്യത്തിന് ഒരു ഉത്തരം എന്ന് പറഞ്ഞിടത്തു നിന്ന്, ഓരോ ആവശ്യത്തിന് ഒരു ഏജന്റ് എന്ന നിലയിൽ എത്തി, ഇന്ന് ഇതൊന്നും സിലിക്കൺ വാലിയിൽ ഉള്ളവർക്ക് മാത്രമല്ല, ഏതൊരാളുടെയും വിരൽ തുമ്പിൽ കിട്ടും

ഇത്രയും കാലം data privacy യെ കുറിച്ച് ഘോര ഘോരം പ്രസംഗിച്ചവർ പലരും ഇന്ന് അതെല്ലാം മറന്ന് AI ടൂളുകൾ വ്യാപകമായി ഉപയോഗിക്കാൻ തുടങ്ങിക്കഴിഞ്ഞു.

മുമ്പ് നമ്മൾ ഗൂഗിളിൽ എന്തെങ്കിലും സെർച്ച് ചെയ്താൽ, നമ്മൾ അന്വേഷിച്ച കാര്യങ്ങളുമായി ബന്ധപ്പെട്ട കുറച്ച് ഡാറ്റ മാത്രമാണ് ടെക് കമ്പനികൾക്ക് ലഭിച്ചിരുന്നത്. പക്ഷേ ഇന്ന് അവസ്ഥ വളരെ വ്യത്യസ്തമാണ്. ഒരാൾ കുറച്ചു ദിവസം ചാറ്റ് AI ഉപയോഗിച്ചാൽ, അവരുടെ ചിന്താഗതിയും താൽപര്യങ്ങളും പ്രശ്നങ്ങൾ പരിഹരിക്കുന്ന രീതിയും വരെ മനസ്സിലാക്കാൻ കഴിയുന്നത്ര കോൺടെക്സ്റ്റ് AIക്ക് ലഭിക്കുന്നു.

അതായത്, ഇന്ന് നമ്മൾ AIയോട് ചോദിക്കുന്ന ഓരോ ചോദ്യവും, പറയുന്ന ഓരോ കാര്യവും, നമ്മുടെ വ്യക്തിത്വത്തെയും പെരുമാറ്റ രീതികളും AIക്ക് കിട്ടും, അതികം താമസിയാതെ നമ്മൾക്ക് നമ്മളെ തന്നെ clone ചെയ്യാൻ പറ്റും.

എല്ലാറ്റിനും അടിസ്ഥാനം ഡാറ്റയാണ്. ഒരു ചെറിയ സ്ക്രിപ്റ്റും ഏതെങ്കിലും ഓപ്പൺ സോഴ്‌സ് AI മോഡലും ഉണ്ടായാൽ, ഇന്ന് ആരെയും ഏത് ലക്ഷ്യത്തോടെയും ട്രാക്ക് ചെയ്യാൻ കഴിയുന്ന അവസ്ഥയിലേക്ക് കാര്യങ്ങൾ എത്തിയിട്ടുണ്ട്. ഒരാളുടെ സോഷ്യൽ മീഡിയ പോസ്റ്റുകൾ മാത്രം ശേഖരിച്ചു വിശകലനം ചെയ്താലും, അവരുടെ കോൺടെക്സ്റ്റ്, സ്വഭാവരീതി, പെരുമാറ്റ പാറ്റേണുകൾ എന്നിവ വരെ മനസ്സിലാക്കാൻ സാധിക്കും.

എന്നെപോലെ ഉള്ള ചെറിയ ബിസിനസ്സിൽ പോലും multiple AI ഏജന്റ്സ് വെച്ചാണ് വർക്ക് ചെയ്യുന്നത്. അപ്പൊ വലിയ കമ്പനികളും പ്രസ്ഥാനങ്ങളും എത്രത്തോളം ഉപയോഗിക്കുന്നുണ്ടാകും എന്ന് ചിന്തിച്ചാൽ മതി.

ഈ അടുത്തകാലം വരെ ഏറ്റവും കൂടുതലായി നടന്ന ചർച്ച ഡെവലപ്പേഴ്സിന്റെ ജോലികൾ AI എടുത്തുകളയും എന്നതായിരുന്നു. 2023 മുതൽ ഞാനിതിന്റെ പുറകെ ഉണ്ട്, സത്യത്തിൽ ഒരുപാട് മേഖലകളിൽ AI വന്ന് പൊളിച്ചടുക്കാൻ പോകുന്നേ ഉള്ളൂ. അക്കൗണ്ടിംഗ്, ബുക്ക്കീപ്പിംഗ്, സർവീസ് ഡെസ്ക്, കസ്റ്റമർ സപ്പോർട്ട്, ഓഡിറ്റിംഗ്, ഗ്രാഫിക് ഡിസൈൻ, ലീഗൽ റിസർച്ച്, മെഡിക്കൽ സപ്പോർട്ട്, മാർക്കറ്റ് റിസർച്ച്, HR തുടങ്ങിയ അനവധി മേഖലകളിൽ ഇന്ന് ആളുകൾ ചെയ്യുന്ന പല ജോലികളും AI കൊണ്ട് ഓട്ടോമേറ്റ് ചെയ്യാൻ കഴിയുന്ന അവസ്ഥയിലേക്ക് ലോകം വളരെ വേഗത്തിൽ മാറിക്കൊണ്ടിരിക്കുന്നു.

പക്ഷേ എന്റെ കാഴ്ചപ്പാടിൽ, ഡെവലപ്പേഴ്സിനാണ് യഥാർത്ഥത്തിൽ Endless അവസരങ്ങൾ വന്നിരിക്കുന്നത്. imagine ഇന്ന് നിലവിലുള്ള എല്ലാ സോഫ്റ്റ്‌വെയറുകളിലും AI ഇന്റഗ്രേറ്റ് ചെയ്യുകയാണെകിൽ? ഇന്ന് exist ചെയ്യുന്ന എല്ലാ software ലും നല്ല പണി വേണ്ടി വരും. കൂടാതെ പുതിയ ഇന്നോവേഷൻസ് ആൻഡ് etc, നല്ല തന്മയത്തത്തോടെ പഠിച്ച് കണ്ട് അറിഞ്ഞ് ഇറങ്ങിയാൽ ഡെവലപ്പേഴ്സിന് ചാകരയാണ്

ഇന്ന് ബിസിനസ്സുകളുടെ നേച്ചർ തന്നെ മാറുകയാണ്. അത് പ്രോഡക്റ്റ് ആയാലും സർവീസ് ആയാലും. AI ഏറ്റവും efficient ആയി ഉപയോഗിച്ച് ഓപ്പറേഷൻസ് ഓട്ടോമേറ്റ് ചെയ്ത് ഡാറ്റയെ അടിസ്ഥാനമാക്കി തീരുമാനങ്ങൾ എടുക്കാൻ കഴിയുന്നവരുടെ കയ്യിലാണ് ഭാവിയിലെ ബിസിനസ്സുകളുടെ സ്റ്റീയറിങ് ഇരിക്കുന്നത്.

കഴിഞ്ഞ ദിവസം ഞാൻ കണ്ട ഒരു സ്റ്റാറ്റിസ്റ്റിക്‌സ് സത്യത്തിൽ എന്നെ ഞെട്ടിച്ചു 😮 ലോകത്ത് ഏകദേശം 8.1 ബില്യൺ ആളുകൾ ഉണ്ടെങ്കിലും, അതിൽ വെറും 1.3 ബില്യൺ ആളുകൾ മാത്രമാണ് ഇന്ന് AI ഉപയോഗിക്കുന്നത്, ഫ്രീ ആയാലും പെയ്ഡ് ആയാലും. അതിൽ ഏകദേശം 20 മില്യൺ ആളുകൾ മാത്രം പെയ്ഡ് AI ടൂളുകൾ ഉപയോഗിക്കുന്നു. ഇതിലും കൂടുതൽ ഞെട്ടിക്കുന്ന കാര്യം എന്താന്ന് വെച്ചാൽ, ആ 20 മില്യണിൽ പോലും ഏകദേശം 2.5 മില്യൺ ആളുകൾ മാത്രമാണ് AI വളരെ efficient ഉപയോഗിക്കുന്നത്. ബാക്കി വരുന്ന ഏകദേശം 6.8 ബില്യൺ ആളുകൾക്ക് ഇന്നും AI കുറിച്ച് അറിയില്ല അല്ലങ്കിൽ വിശ്വാസമായീട്ടില്ല, വഴിയേ പഠിച്ചോളും 😜

ഇനി unlock ചെയ്യാൻ ബാക്കിയുള്ള രണ്ട് പ്രധാന ഘട്ടങ്ങളാണ് AGI (Artificial General Intelligence – മനുഷ്യരെ പോലെ ഏത് പ്രശ്നങ്ങളും മനസ്സിലാക്കി പരിഹരിക്കാൻ കഴിയുന്ന ഒരു അവസ്ഥ)യും ASI (Artificial Super Intelligence – മനുഷ്യരേക്കാൾ നന്നായി ഏത് പ്രശ്നങ്ങളും മനസ്സിലാക്കി ചിന്തിക്കുകയും പുതിയ കണ്ടെത്തലുകൾ നടത്തുകയും ചെയ്യാൻ കഴിയുന്ന ഒരു അവസ്ഥ)യും. അത് കൂടി unlock ചെയ്താൽ, മനുഷ്യചരിത്രം ഇതുവരെ കണ്ടതിൽ വെച്ച് ഏറ്റവും വലിയ ടെക്‌നോളജിക്കൽ വിപ്ലവം ഈ ലോകം കാണും.

അതുകൊണ്ട് ഒറ്റ വഴിയേ ഉള്ളൂ, പഠിച്ചുകൊണ്ടിരിക്കുക.
Keep “Learning”… until the “L” becomes silent.