ചെക്ക് റിപ്പബ്ലിക്കിലെ പ്രാഗിലെ ചാള്സ് സര്വകലാശാലയില് നടന്ന വെടിവെപ്പില് 11 പേര് കൊല്ലപ്പെട്ടു. നിരവധി പേര്ക്ക് പരുക്കേറ്റു. അക്രമിയെ ഏറ്റുമുട്ടലിലൂടെ കൊലപ്പെടുത്തിയതായി ചെക്ക് പൊലീസ് അറിയിച്ചു. ജാന് പാലച്ച് സ്ക്വയറിലെ ആര്ട്ട് ഡിപ്പാര്ട്ട്മെന്റിലാണ് വെടിവയ്പ്പുണ്ടായത്. 11 പേര്ക്ക് ഗുരുതരമായി പരുക്കേറ്റതായി പ്രാഗ് എമര്ജന്സി സര്വീസ് വിഭാഗം സമൂഹമാധ്യമങ്ങളിലൂടെ അറിയിച്ചു. സഞ്ചാരികളുടെ പ്രീയപ്പെട്ടയിടമായ ഓള്ഡ് ടൗണ് സ്ക്വയറിലേക്ക് വിനോദസഞ്ചാരികള് എത്തുന്ന നഗരത്തിന്റെ തിരക്കുന്ന ഭാഗത്ത് സ്ഥിതിചെയ്യുന്ന ജാന് പാലച്ച് സ്ക്വയറും സമീപ കെട്ടിടങ്ങളും പൊലീസ് സീല് ചെയ്തു. തോക്കുധാരി പെട്ടെന്ന് സര്വകലാശാല കെട്ടിടത്തിലേക്ക് എത്തുകയും വെടിയുതിര്ക്കുകയുമായിരുന്നെന്ന് ആക്രമത്തെ അതിജീവിച്ച വിദ്യാര്ത്ഥികള് പറഞ്ഞു. നിരവധി വെടിയൊച്ചകള് കേട്ടതോടെ തങ്ങള് പരിഭ്രാന്തരായെന്നും ഇപ്പോഴും ആ നടുക്കത്തില് നിന്നും വിട്ടുമാറിയിട്ടില്ലെന്നും സര്വകലാശാല അധികൃതരും പറഞ്ഞു.അക്രമി സര്വകലാശാലയ്ക്കുള്ളില് കടന്നതായി അധികൃതര് വിദ്യാര്ത്ഥികളേയും സ്റ്റാഫിനേയും മെസേജുകളിലൂടെ അറിയിച്ചിരുന്നു. പൊലീസെത്തി ഏറ്റുമുട്ടലിലൂടെ അക്രമിയെ കീഴ്പ്പെടുത്തുകയും വധിക്കുകയുമായിരുന്നു. അപായമുന്നറിയിപ്പ് നല്കുന്നതിനായി സര്വകലാശാലയില് വലിയ ശബ്ദത്തോടെ സൈറണും മുഴങ്ങിയിരുന്നു. 25 പേരെങ്കിലും പരുക്കേറ്റ് ചികിത്സയില് കഴിയുന്നുണ്ടെന്ന് പൊലീസ് അറിയിച്ചു. അക്രമിയുടെ പ്രകോപനം എന്തെന്ന് വ്യക്തമായിട്ടില്ല.
Related News
ശ്രീലങ്കയുടെ ഇടക്കാല ബജറ്റ് പാര്ലമെന്റ് പാസാക്കി; എതിര്ത്തത് അഞ്ച് അംഗങ്ങള് മാത്രം
കടുത്ത സാമ്പത്തിക പ്രതിസന്ധിയില് നട്ടംതിരിയുന്ന ശ്രീലങ്കയുടെ ഇടക്കാല ബജറ്റ് പാര്ലമെന്റ് പാസാക്കി. ശ്രീലങ്കന് പ്രസിഡന്റ് റെനില് വിക്രമസിംഗെയാണ് ബജറ്റ് അവതരിപ്പിച്ചത്. 225 അംഗ നിയമസഭയില് 115 അംഗങ്ങള് അനുകൂലമായി വോട്ട് ചെയ്തപ്പോള് പ്രധാന പ്രതിപക്ഷമായ എസ്ജെബി വോട്ടെടുപ്പില് നിന്ന് വിട്ടുനിന്നു. അഞ്ച് അംഗങ്ങള് മാത്രമാണ് ഇടക്കാല ബജറ്റിന് എതിരായി വോട്ട് ചെയ്തത്. ജനതാ വിമുക്തി പെരമുനയുടെ (ജെവിപി) മൂന്ന് നിയമസഭാംഗങ്ങളും ഓള് സിലോണ് തമിഴ് കോണ്ഗ്രസിലെ രണ്ട് എംപിമാരുമാണ് ഇടക്കാല ബജറ്റിനെതിരെ വോട്ടുചെയ്തത്. ശ്രീലങ്കയില് സാമ്പത്തിക പ്രതിസന്ധി […]
നെതന്യാഹു ഹമാസിന് നേരെ കണ്ണടച്ചോ? ഇസ്രായേലില് വിമര്ശനം ശക്തം
കൂടാരപ്പെരുന്നാളിനോട് അനുബന്ധിച്ച് രാവും പകലും നീളുന്ന ഡാന്സും പാട്ടുമൊക്കെയുള്ള റേവ് പാര്ട്ടിയുടെ തിമിര്പ്പിലായിരുന്നു ഗാസയില് നിന്ന് 12 കിലോമീറ്റര് മാത്രം അലകെയുള്ള കിബുട്സ് റെയിം. ഗാസഇസ്രയേല് അതിര്ത്തിയിലെ ഈ ഗ്രാമപ്രദേശത്താണ് ഏഴാം തിയതി ആദ്യമായി സ്ഫോടനശബ്ദം കേള്ക്കുന്നത്. ട്രാന്സ് സംഗീതത്തിന്റെ ബീറ്റുകളില് സ്വയം മറന്ന പല നാടുകളില് നിന്ന് വന്ന പല യുവാക്കളും ആദ്യത്തെ സ്ഫോടന ശബ്ദം ശ്രദ്ധിച്ചില്ല. തുടര്ച്ചയായി ശബ്ദങ്ങള് കേട്ടപ്പോള് അന്തരീക്ഷം പെട്ടെന്ന് പകപ്പിന്റേതായി, അവിടേക്ക് ഭയവും സംഭ്രമവും ചേക്കേറി, എങ്ങോട്ട് ഓടിയൊളിക്കണമെന്നറിയാതെ ജനങ്ങള് […]
’81 കോടി ഇന്ത്യക്കാരുടെ സ്വകാര്യവിവരം ചോര്ന്നപ്പോള് കേരളത്തില് വിദ്വേഷ പ്രചാരണം നടത്തുകയാണ് കേന്ദ്രമന്ത്രി’; ജോണ് ബ്രിട്ടാസ് എം പി
കളമശേരി സ്ഫോടനത്തിന്റെ പശ്ചാത്തലത്തിൽ സാമൂഹമാധ്യമങ്ങളിലൂടെ വിദ്വേഷ പ്രചാരണം നടത്തിയതിന് കേന്ദ്രമന്ത്രി രാജീവ് ചന്ദ്രശേഖറിനെതിരെ ജോണ് ബ്രിട്ടാസ് എം പി. 81 കോടി ഇന്ത്യക്കാരുടെ വളരെ സെന്സിറ്റീവായ സ്വകാര്യ വിവരങ്ങല് നഷ്ടപ്പെട്ട സാഹചര്യത്തില് സാമുദായിക പൊരുത്തക്കേടും സാമൂഹിക മണ്ഡലവും മലിനമാക്കാന് കേരളത്തില് പര്യടനം നടത്തുകയാണോ കേന്ദ്ര ഐ ടി മന്ത്രി രാജീവ് ചന്ദ്രശേഖറെന്ന് ജോണ് ബ്രിട്ടാസ് എം പി ‘എക്സില്’ കുറിച്ചു. ജോണ് ബ്രിട്ടാസ് എം പി എക്സില് കുറിച്ചത് എന്താണ് ബഹു.മന്ത്രി രാജീവ് ചന്ദ്രശേഖര്? 81 കോടി […]