കോവിഡ് ചൈനയിലെ വുഹാന് ലാബില് നിന്നും ചോര്ന്നതാണെന്ന അഭ്യൂഹങ്ങള്ക്ക് ആക്കം കൂട്ടി വാള് സ്ട്രീറ്റ് ജേര്ണലിന്റെ റിപ്പോര്ട്ട്. കോവിഡ് വ്യാപനത്തിന് മുമ്പേ വുഹാന് ഇന്സ്റ്റിറ്റ്യൂട്ട് ഓഫ് വൈറോളജിയിലെ മൂന്ന് ഗവേഷകര് ആശുപത്രിയില് ചികിത്സ തേടിയെന്ന് യു.എസ് രഹസ്യാന്വേഷണ ഏജന്സിയെ ഉദ്ധരിച്ച് വാള് സ്ട്രീറ്റ് ജേര്ണല് റിപ്പോര്ട്ട് ചെയ്യുന്നു. 2019 നവംബറിലാണ് ഗവേഷകര് ചികിത്സ തേടിയത്. രോഗബാധിതരായ ഗവേഷകരുടെ എണ്ണം, രോഗബാധയുണ്ടായ സമയം, ആശുപത്രിയില് ചികിത്സ തേടിയതിന്റെ വിവരങ്ങള് തുടങ്ങിയ വിശദമായ റിപ്പോര്ട്ടാണ് പുറത്തുവന്നിരിക്കുന്നത്. കോവിഡിന്റെ ഉത്ഭവത്തെക്കുറിച്ച് ലോകാരോഗ്യ സംഘടന അടുത്ത ഘട്ടം അന്വേഷണത്തെക്കുറിച്ച് ആലോചിക്കാനുള്ള യോഗം നടക്കാനിരിക്കെയാണ് റിപ്പോര്ട്ട് പുറത്തുവന്നിരിക്കുന്നത്. എന്നാല് റിപ്പോര്ട്ടിനെക്കുറിച്ച് ദേശീയ സുരക്ഷ കൌണ്സില് വക്താവ് പ്രതികരിച്ചിട്ടില്ല. എന്നാല് കോവിഡിന്റെ തുടക്കം മുതല് തന്നെ ബൈഡന് ഭരണകൂടത്തിന് ചൈനക്കെതിരെ നിരവധി സംശയങ്ങളുണ്ടായിരുന്നുവെന്ന് വക്താവ് വ്യക്തമാക്കി. കോവിഡിന്റെ ഉറവിടത്തെക്കുറിച്ച് നടന്നുകൊണ്ടിരിക്കുന്ന ലോകാരോഗ്യസംഘടനയുടെ പഠനത്തെ സംബന്ധിക്കുന്ന പ്രസ്താവനകള് ഒന്നും നടത്തുന്നില്ലെന്നും നിലവില് അന്വേഷണവുമായി സഹകരിക്കുകയാണെന്നും അവര് കൂട്ടിച്ചേര്ത്തു. കോവിഡിന്റെ ഉറവിടത്തെക്കുറിച്ച ലോകാരോഗ്യ സംഘടന നടത്തുന്ന പഠനത്തില് നോര്വെ, കാനഡ, ബ്രിട്ടന് തുടങ്ങിയ രാജ്യങ്ങള് ആശങ്ക പ്രകടിപ്പിച്ചിരുന്നു. കൊവിഡ് വൈറസ് ചൈന വുഹാനിലെ ലാബില് നിര്മിച്ചതാണെന്ന തരത്തില് വാര്ത്തകള് വന്നിരുന്നു. വാര്ത്തയെ അനുകൂലിക്കുന്ന തരത്തില് കൊവിഡിനെ ചൈനീസ് വൈറസ് എന്നാണ് മുന് അമേരിക്കന് പ്രസിഡന്റ് ഡൊണാള്ഡ് ട്രംപ് വിശേഷിപ്പിച്ചത്. പകര്ച്ചവ്യാധിയെ രാഷ്ട്രീയവല്ക്കരിക്കുന്ന ട്രംപിന്റെ നടപടിയെ ചൈനയും ശക്തമായി വിമര്ശിച്ചിരുന്നു. കോവിഡിന്റെ പ്രഭവകേന്ദ്രം വുഹാനിലെ വൈറോളജി ലാബില് നിന്നല്ലെന്ന് കഴിഞ്ഞ മാര്ച്ചില് ലോകാരോഗ്യ സംഘടന വ്യക്തമാക്കിയിരുന്നു. വവ്വാലുകളില്നിന്നു മറ്റൊരു മൃഗത്തിലൂടെ മനുഷ്യരിലേക്കു വൈറസ് പകരുന്നതിനാണ് ഏറ്റവും സാധ്യതയെന്നാണ് ലോകാരോഗ്യ സംഘടന ചൈനയുമായി നടത്തിയ സംയുക്ത പഠനത്തില് വ്യക്തമാക്കിയത്.
Related News
അരനൂറ്റാണ്ടിന് ശേഷം മനുഷ്യനെ ചന്ദ്രനിലെത്തിക്കാൻ നാസ; ആർട്ടിമിസ് വൺ വിക്ഷേപണം ഇന്ന്
ആർട്ടിമിസ് വണ്ണിന്റെ വിക്ഷേപണം ഇന്ന്. കെന്നഡി സ്പേസ് സെന്ററിൽ നിന്ന് ഇന്ന് രാത്രി 11.47 ന് ആർട്ടിമിസ് വിക്ഷേപിക്കും. ഓഗസ്റ്റ് 29ന് നടത്താനിരുന്ന വിക്ഷേപണം ഫ്യുവൽ ലൈനിലെ ചോർച്ചയെ തുടർന്ന് ഇന്നത്തേക്ക് മാറ്റി വയ്ക്കുകയായിരുന്നു. കഴിഞ്ഞ ശനിയാഴ്ച കൗൺഡൗൺ ആരംഭിച്ചിരുന്നു. എന്നാൽ കാലാവസ്ഥയിലുണ്ടായ മാറ്റത്തെ തുടർന്ന് ഏഴ് ലക്ഷത്തോളം ഇന്ധനം വീണ്ടും നിറയ്ക്കേണ്ടി വന്നത്. ആ സമയത്താണ് ഫ്യുവൽ ലൈനിൽ പൊട്ടലുണ്ടലായി കണ്ടെത്തിയത്. തുടർന്ന് വിക്ഷേപണം മാറ്റി വയ്ക്കാൻ നാസ തീരുമാനമെടുത്തു. ലോകത്തിലെ തന്നെ ഏറ്റവും കരുത്തുറ്റ […]
ഇന്ന് കാർഗിൽ വിജയ് ദിവസ്
1999 മേയ് എട്ടു മുതൽ ജൂലൈ 26 വരെയായിരുന്നു കാർഗിൽ യുദ്ധം. തണുത്തുറഞ്ഞ കാർഗിലിലെ ഉയരമേറിയ കുന്നുകളിൽ ഒളിച്ചിരുന്ന നുഴഞ്ഞു കയറ്റക്കാരെ ധൈര്യം കവചമാക്കിയും ചങ്കൂറ്റം ആയുധമാക്കിയുമാണ് ഇന്ത്യൻ സൈനികർ നേരിട്ടത്. ആ ഐതിഹാസിക വിജയത്തിന്റെ ഓർമദിനമാണ് ഇന്ന്. ശ്രീനഗറിൽനിന്ന് 202 കിലോമീറ്ററുണ്ട് കാർഗിലിലേക്ക്. മൈനസ് 30 ഡിഗ്രി വരെ തണുപ്പു താഴുന്ന, ഹിമാലയൻ മലനിരകളാൽ ചുറ്റപ്പെട്ട തന്ത്രപ്രധാന പ്രദേശം.1999 ലെ മഞ്ഞുമൂടിയ മേയ് മാസത്തിലായിരുന്നു, കാർഗിലിൻറെ മണ്ണിലേക്ക് ചതിപ്രയോഗത്തിലൂടെയുള്ള അയൽക്കാരൻറെ കടന്നുകയറ്റം. പ്രദേശത്തെ ആട്ടിടയന്മാരാണ് ആയുധധാരികളായ […]
ശ്രീലങ്കയില് വീണ്ടും അടിയന്തരാവസ്ഥ; പ്രധാനമന്ത്രിയുടെ വസതിക്ക് മുന്നില് പ്രതിഷേധം
പ്രസിഡന്റ് ഗോതബയ രജപക്സെ രാജ്യം വിട്ടതിന് പിന്നാലെ ശ്രീലങ്കയില് അടിയന്തരാവസ്ഥ പ്രഖ്യാപിച്ചു. അനിശ്ചിത കാലത്തേക്ക് അടിയന്തരാവസ്ഥ പ്രഖ്യാപിക്കുന്നതായി പ്രധാനമന്ത്രി റെനില് വിക്രമസിംഗെയുടെ ഓഫിസ് അറിയിച്ചു. രജപക്സെ മാലിദ്വീപിലേക്ക് കടന്നെന്ന റിപ്പോര്ട്ടുകള് സ്ഥിരീകരിച്ചതിന് പിന്നാലെ പ്രതിഷേധക്കാര് പ്രധാനമന്ത്രിയുടെ ഓഫിസിന് മുന്നിലേക്ക് ഇരച്ചെത്തി. ഗോതബയ രജപക്സെ രാജിവക്കണമെന്നാണ് പ്രതിഷേധക്കാരുടെ ആവശ്യം. ബാരിക്കേഡ് തകര്ത്ത പ്രതിഷേധക്കാര്ക്ക് നേരെ പൊലീസ് കണ്ണീര്വാതകം പ്രയോഗിച്ചു. മാലിദ്വീപിലേക്ക് കടന്ന രജപക്സെയുടെ ഒപ്പം അദ്ദേഹത്തിന്റെ ഭാര്യയും സുരക്ഷാ ഉദ്യോഗസ്ഥരുമുണ്ട്. മാലിയില് വെലാന വിമാനത്താവളത്തിലെത്തിയ രജപക്സെയെ മാലിദ്വീപ് സര്ക്കാര് […]