മൊഹാലി: ശ്രീലങ്കയ്ക്കെതിരെ (IND vs SL) ഒന്നാം ടെസ്റ്റില് ഇന്ത്യ എട്ടിന് 574 എന്ന നിലയില് ഒന്നാം ഇന്നിംഗ്സ് ഡിക്ലയര് ചെയ്തു. 175 റണ്സുമായി പുറത്താവാതെ നിന്ന രവീന്ദ്ര ജഡേജയാണ് (Ravindra Jadeja) ഇന്ത്യയെ കൂറ്റന് സ്കോറിലേക്ക് നയിച്ചത്. അദ്ദേഹത്തോടൊപ്പം മുഹമ്മദ് ഷമിയും (19) പുറത്താവാതെ നിന്നു. ടെസ്റ്റ് കരിയറിലെ രണ്ടാം സെഞ്ചുറിയാണ് ജഡേജ സ്വന്തമാക്കിയത്. നേരത്തെ റിഷഭ് പന്തിന്റെ 96 റണ്സാണ് ഇന്ത്യയെ ആദ്യദിനം മികച്ച സ്കോറിലേക്ക് നയിച്ചത്. ആര് അശ്വിന് (61) ഹനുമാ വിഹാരി (58), വിരാട് കോലി (45) എന്നിവരും ഭേദപ്പെട്ട പ്രകടനം പുറത്തെടുത്തു. ലസിത് എംബുല്ഡെനിയ ശ്രീലങ്കയ്ക്കായി രണ്ട് വിക്കറ്റ് വീഴ്ത്തി. കരിയറിലെ നൂറാം ടെസ്റ്റ് കളിച്ച കോലി ഒരു നാഴികക്കല്ലും മറികടന്നു. ടെസ്റ്റ് മത്സരങ്ങളില് 8000 റണ്സ് സ്വന്തമാക്കിയിരിക്കുകയാണ് കോലി.
Related News
‘ടിം ഡേവിഡിനെ ഉടൻ ദേശീയ ടീമിൽ പരിഗണിക്കും’; ഓസീസ് ക്യാപ്റ്റൻ ആരോൻ ഫിഞ്ച്
ടിം ഡേവിഡിനെ ഉടൻ ദേശീയ ടീമിൽ പരിഗണിച്ചേക്കുമെന്ന് ഓസീസ് ക്യാപ്റ്റൻ ആരോൺ ഫിഞ്ച്. ഐപിഎലിൽ മുംബൈ ഇന്ത്യൻസിനു വേണ്ടി ഗംഭീര ഫോമിലായിരുന്ന ടിം ഡേവിഡ് ഏറെ വൈകാതെ ദേശീയ ടീമിലെത്തിയേക്കുമെന്ന് റിപ്പോർട്ടുകളുണ്ടായിരുന്നു. ഇതിനെ ശരിവച്ചുകൊണ്ടാണ് ക്യാപ്റ്റൻ രംഗത്തുവന്നത്. “കുറച്ചുനാളായി അദ്ദേഹം തകർപ്പൻ ഫോമിലാണ്. ഐപിഎലിലെ അവസാന മത്സരങ്ങളിൽ ടിം വളരെ മികച്ചുനിന്നു. ആദ്യ പന്തുമുതൽ ഷോട്ടുകൾ കളിക്കുക എന്നത് വളരെ സവിശേഷതയുള്ള ഒരു കഴിവാണ്. അത് ഏറെക്കാലമായി അദ്ദേഹം തുടരുന്നു. ഇക്കാര്യം കുറച്ച് കാലത്തിനുള്ളിൽ ഞങ്ങൾ പരിഗണിക്കും.”- […]
ഏകദിന ലോകകപ്പ്: ന്യൂസിലാൻഡിന് തിരിച്ചടി, കെയ്ൻ വില്യംസണിൻ്റെ തള്ളവിരലിന് പൊട്ടൽ
ഏകദിന ലോകകപ്പിൽ ന്യൂസിലൻഡിന് തിരിച്ചടി. കിവീസ് ക്യാപ്റ്റൻ കെയ്ൻ വില്യംസണ് വീണ്ടും പരിക്ക്. താരത്തിന്റെ ഇടത് തള്ളവിരലിന് പൊട്ടൽ. ഇന്നലെ ബംഗ്ലാദേശിനെതിരായ മത്സരത്തിലാണ് താരത്തിന് പരിക്കേറ്റത്. ഇതോടെ വില്യംസണ് ലോകകപ്പ് നഷ്ടമായേക്കും. കിവീസ് നായകൻ്റെ സ്കാനിംഗ് ഫലത്തിലാണ് പൊട്ടൽ കണ്ടെത്തിയത്. ഇതോടെ ഇന്ത്യക്കെതിരായ കളിയടക്കം അടുത്ത മൂന്ന് മത്സരങ്ങളെങ്കിലും താരത്തിന് നഷ്ടമാകും. ടോം ബ്ലണ്ടലിനെ ഇന്ത്യയിലേക്ക് വിളിച്ചിട്ടുണ്ട്. ലോകകപ്പിലെ ലീഗ് മത്സരങ്ങളുടെ അവസാന പാദത്തിൽ വില്യംസൺ സുഖം പ്രാപിക്കുമെന്ന ആത്മവിശ്വാസത്തിലാണ് ന്യൂസിലൻഡ് ടീം മാനേജ്മെന്റ്.
പരസ്യമായി വെല്ലുവിളിച്ച സരീനെ ഇടിച്ചിട്ട് മേരികോം
ആറ് തവണ ലോക ചാമ്പ്യനും ഒളിംപിക്സ് വെങ്കല മെഡല് ജേതാവുമായ മേരി കോം ബോക്സിംങ് റിംങിലെ അനുഭവസമ്പത്ത് പുറത്തെടുത്തപ്പോള് നിഖാത്ത് സരീന് തോല്വി. ലോക യൂത്ത് ചാമ്പ്യന് നിഖാത്ത് സരീനെ 9-1ന് തോല്പിച്ചാണ് 51 കിലോഗ്രാം വിഭാഗത്തില് മേരികോം ടോക്യോ ഒളിംപിക്സ് യോഗ്യതക്ക് മത്സരിക്കാന് ഇന്ത്യയെ പ്രതിനിധീകരിക്കാനായി തെരഞ്ഞെടുക്കപ്പെട്ടത്. സെലക്ഷന് ട്രയല്സിലെ ആദ്യ മത്സരത്തില് മേരി കോം റിതു ഗ്രേവാളിനേയും സരീന് ജ്യോതി ഗുലിയയേയും തോല്പിച്ചതോടെയാണ് ഇരുവരും തമ്മില് മത്സരത്തിന് അരങ്ങൊരുങ്ങിയത്. ഇന്ത്യന് വനിതാ ബോക്സിംങിലെ താരമായ […]