നവകേരളയാത്രക്കിടെ ഇടുക്കിയില് മാധ്യമ പ്രവര്ത്തകന് മര്ദനം. മുഖ്യമന്ത്രിയുടെ സുരക്ഷാ ഉദ്യോഗസ്ഥനാണ് മാധ്യമപ്രവര്ത്തകനെ മര്ദിച്ചത്. മംഗളം ഫോട്ടോഗ്രാഫര് എയ്ഞ്ചല് അടിമാലിക്കാണ് മര്ദനമേറ്റത്.ഉടുമ്പന്ചോല മണ്ഡലത്തിലെ നവകേരള സദസ് വേദിയിലായിരുന്നു സംഭവം. വാഹനത്തില് നിന്നിറങ്ങിയ മുഖ്യമന്ത്രിയെ എം.എം.മണി എം.എല്.എ പൂച്ചെണ്ട് നല്കി സ്വീകരിക്കുന്ന ചിത്രം പകര്ത്തുന്നതിനിടെയാണ് സംഭവം. പെട്ടെന്ന് പ്രകോപനമെന്തെന്ന് വ്യക്തമാകുന്നതിന് മുന്പ് അപ്രതീക്ഷിതമായി സുരക്ഷാ ഉദ്യോഗസ്ഥര് മാധ്യമപ്രവര്ത്തകന്റെ കഴുത്തിന് കയറി പിടിക്കുകയായിരുന്നു. മന്ത്രിമാരടക്കം ഒന്നും ചെയ്യരുതെന്ന് പറഞ്ഞിട്ടും സുരക്ഷാ ഉദ്യോഗസ്ഥന് വിടാന് തയ്യാറായില്ലെന്നും പരാതിയുണ്ട്. എന്തിനാണ് സുരക്ഷാ ഉദ്യോഗസ്ഥന് തന്നെ കയ്യേറ്റം ചെയ്തതെന്ന് അറിയില്ലെന്ന് എയ്ഞ്ചല് അടിമാലി ട്വന്റിഫോറിനോട് പറഞ്ഞു. ഒരു പ്രകോപനവുമില്ലാതെ മര്ദിക്കുന്നത് കണ്ട് മന്ത്രി റോഷി അഗസ്റ്റിന് തടയാന് ശ്രമിച്ചെന്നും എയ്ഞ്ചല് ട്വന്റിഫോറിനോട് പറഞ്ഞു. മുഖ്യമന്ത്രിയും മന്ത്രിമാരും പോകുന്ന വഴിയ്ക്ക് സമീപം നിന്ന് ഫോട്ടോയെടുത്തപ്പോള് ആദ്യം ഉദ്യോഗസ്ഥന് മാറി നില്ക്കാന് പറഞ്ഞെന്നും പിന്നീട് പിടിച്ചുതള്ളിയെന്നും പുറത്തെത്തിയ ദൃശ്യങ്ങള് തെളിയിക്കുന്നുണ്ട്. മുഖ്യമന്ത്രിയുടെ കണ്മുന്നില് വച്ചാണ് സംഭവം നടന്നത്.സംഭവത്തില് കേരള പത്രപ്രവര്ത്തക യൂനിയന് ഇടുക്കി ജില്ലാ ഘടകം പ്രതിഷേധിച്ചു. എല് ഡി എഫ് ജില്ലാ നേതൃത്വത്തിന്റെയും ജില്ലാ ഭരണകൂടത്തിന്റെയും ക്ഷണപ്രകാരമാണ് നവകേരള സദസ് റിപ്പോര്ട്ട് ചെയ്യുന്നതിനായി മാധ്യമ സംഘം സഞ്ചരിച്ചുകൊണ്ടിരിക്കുന്നത്. പത്ര ഫോട്ടോഗ്രാഫറാണെന്ന് അറിയാതെ അല്ല സുരക്ഷ ഉദ്യോഗസ്ഥന് എയ്ഞ്ചല് അടിമാലിയെ മര്ദിച്ചത്. തൊടുപുഴയിലും ചെറുതോണിയിലും അടിമാലിയിലും എയ്ഞ്ചല് മുഖ്യമന്ത്രിയുടെ അടക്കം ചിത്രങ്ങള് വേദിയില് കയറി പകര്ത്തിയത് സുരക്ഷാ ഉദ്യോഗസ്ഥരുടെ സാന്നിധ്യത്തിലാണ്. ഈ ഉദ്യോഗസ്ഥന് മനപൂര്വം പ്രകോപനം ഉണ്ടാക്കുകയായിരുന്നു എന്നത് വ്യക്തമാണ്. മന്ത്രിമാരും എം എം മണി എം എല് എയും സി വി വര്ഗീസും അടക്കമുളള സി പി എം നേതാക്കളും ഇടപെട്ടിട്ടും ഇയാള് അതിക്രമം തുടരുകയായിരുന്നു. ഇയാളെ മാറ്റി നിര്ത്തി അന്വേഷണം നടത്താന് മുഖ്യമന്ത്രി തയ്യാറാകണമെന്നും മാധ്യമ പ്രവര്ത്തകര്ക്ക് സുരക്ഷിതമായും സ്വതന്ത്രമായും ജോലി ചെയ്യാനുളള അവസരം ഒരുക്കണമെന്നും ഇടുക്കി പ്രസ് ക്ലബ് പ്രസിഡന്റ് സോജന് സ്വരാജും സെക്രട്ടറി ജെയ്സ് വാട്ടപ്പിളളിലും ആവശ്യപ്പെട്ടു.
Related News
പരസ്യ പ്രതികരണം ഒഴിവാക്കേണ്ടതായിരുന്നു’; തോമസ് ഐസക്കിനെ തള്ളി സിപിഎം സെക്രട്ടേറിയറ്റ്
കെഎസ്എഫ്ഇയിലെ വിജിലന്സ് റെയ്ഡില് ധനമന്ത്രി തോമസ് ഐസകിനെ തള്ളി സിപിഎം. തോമസ് ഐസകിന്റെ പരസ്യ പ്രതികരണം അനവസരത്തിലുള്ളതാണെന്നും വിജിലന്സിന്റെ വിശ്വാസ്യത തകർക്കുന്നതാണെന്നും സെക്രട്ടേറിയറ്റില് വിമർശനം ഉയർന്നു. മുഖ്യമന്ത്രിയുടെ വിശദീകരണം പൂർണമായും അംഗീകരിച്ച സിപിഎം സെക്രട്ടേറിയറ്റ്, പരസ്യ പ്രതികരണം തെറ്റായ വ്യാഖ്യാനങ്ങള്ക്ക് വഴിവെച്ചുവെന്നും ഒഴിവാക്കേണ്ടതായിരുന്നുവെന്നും പ്രസ്താവന ഇറക്കി. സിപിഎം പ്രസ്താവനയുടെ പൂര്ണരൂപം കെഎസ്എഫ്ഇയിലെ വിജിലന്സ് പരിശോധനയുടെ പശ്ചാത്തലത്തില് സിപിഐ (എം)ലും സര്ക്കാരിലും വ്യത്യസ്ത അഭിപ്രായമുണ്ടെന്ന പ്രചാരവേല അടിസ്ഥാനരഹിതവും ആശയ കുഴപ്പം സൃഷ്ടിക്കാനുമുള്ള രാഷ്ട്രീയ എതിരാളികളുടെ വ്യഥാ ശ്രമവുമാണ്. കെഎസ്എഫ്ഇ […]
തന്റെ സ്ഥാനാര്ഥിത്വം തീരുമാനിച്ചിട്ടില്ലെന്ന് തുഷാര്
ലോകസഭാ തെരഞ്ഞെടുപ്പില് തന്റെ സ്ഥാനാര്ത്ഥിത്വത്തിന്റെ കാര്യത്തില് അന്തിമതീരുമാനമെടുത്തിട്ടില്ലെന്ന് തുഷാര് വെള്ളാപ്പള്ളി. എസ്.എന്.ഡി.പി ഉപാധ്യക്ഷ സ്ഥാനം ആവശ്യമെങ്കില് രാജിവെക്കും. കേരളത്തില് ചര്ച്ച നടത്തിയ ശേഷമേ തീരുമാനിക്കൂ. ബി.ഡി.ജെ.എസ് എസ്.എന്.ഡി.പിയുടെ ബി ടീമാണെന്ന് വിചാരിക്കരുതെന്നും തുഷാര് വെള്ളാപ്പള്ളി പറഞ്ഞു.
മൊബൈല് ഫോണ് ചാര്ജ് ചെയ്യുന്നതിനിടെ പൊട്ടിത്തെറിച്ച് യുവാവ് മരിച്ചു
ഒഡീഷയില് മൊബൈല് ഫോണ് ചാര്ജ് ചെയ്യുന്നതിനിടെ പൊട്ടിത്തെറിച്ച് യുവാവ് മരിച്ചു. 22 വയസ്സുകാരനായ ഗുണ പ്രധാന് ആണ് മരിച്ചത്. പരദിപില് ഞായറാഴ്ച രാത്രിയാണ് സംഭവം നയാഗഡ് ജില്ലയിലെ റാന്പുര് സ്വദേശിയാണ് മരിച്ച യുവാവ്. ട്രക്ക് ഉടമകളുടെ സംഘടന നിര്മ്മിക്കുന്ന ക്ഷേത്രത്തിന്റെ നിര്മാണ ജോലികള്ക്കാണ് യുവാവ് വന്നത്. ഫോണ് ചാര്ജ് ചെയ്യാന് വെച്ച ശേഷം കിടന്നുറങ്ങുമ്പോഴാണ് അപകടമുണ്ടായതെന്ന് കൂടെയുണ്ടായിരുന്നവര് പറയുന്നു. മുറിയില് നിന്ന് പുക ഉയരുന്നതുകണ്ടാണ് പോയിനോക്കിയതെന്നും അവര് പറഞ്ഞു. പൊള്ളലേറ്റ നിലയിലാണ് മൃതദേഹം കണ്ടത്. മൃതദേഹം പോസ്റ്റുമോര്ട്ടത്തിന് […]