റിയാദ്: സൗദി അറേബ്യയില് (Saudi Arabia) വിവിധ കച്ചവട സ്ഥാപനങ്ങളില് പ്രവേശിക്കാന് കൊവിഡ് വാക്സിന് ബൂസ്റ്റര് ഡോസ് (Covid vaccine booster dose) എടുക്കല് നിര്ബന്ധമായി. വിവിധ കച്ചവട സ്ഥാപനങ്ങള്, ഭക്ഷണശാലകള്, കോഫി ഷോപ്പുകള് എന്നിവിടങ്ങിലെ പ്രവേശനത്തിന് ചൊവ്വാഴ്ച മുതല് ബൂസ്റ്റര് ഡോസ് നിര്ബന്ധമാക്കിയതായി വാണിജ്യ മന്ത്രാലയം വ്യക്തമാക്കി. രണ്ടാം ഡോസ് വാക്സിന് സ്വീകരിച്ച് എട്ടു മാസവും അതില് കൂടുതലും പിന്നിട്ട, പതിനെട്ട് വയസ്സില് കൂടുതലും പ്രായമുള്ള എല്ലാവരും ബൂസ്റ്റര് ഡോസ് എടുത്തിരിക്കണം. ബൂസ്റ്റര് ഡോസ് എടുത്ത് തവക്കല്നാ ആപ്ലിക്കേഷനില് ഇമ്യൂണ് സ്റ്റാറ്റസ് കാണിച്ചിരിക്കണം. വാക്സിനെടുക്കുന്നതില് നിന്ന് ഒഴിവാക്കിയ വിഭാഗത്തില്പ്പെടുന്നവര്ക്ക് പുതിയ തീരുമാനം ബാധകല്ലെന്ന് വാണിജ്യ മന്ത്രാലയം അറിയിച്ചു. സൗദി അറേബ്യയില് കഴിഞ്ഞ 24 മണിക്കൂറിനിടയില് 3,861 പേര്ക്ക് പുതുതായി കൊവിഡ് സ്ഥിരീകരിച്ചു. നിലവിലെ രോഗികളില് 5,162 പേര് സുഖം പ്രാപിച്ചു. ചികിത്സയിലുള്ളവരില് ഒരാള് മരിച്ചതായും ആരോഗ്യ മന്ത്രാലയം അറിയിച്ചു. ഇതുവരെ റിപ്പോര്ട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 6,91,125 ഉം രോഗമുക്തരുടെ എണ്ണം 6,44,730 ഉം ആയി. ആകെ മരണസംഖ്യ 8,941 ആയി. ആകെ 37,454 കോവിഡ് ബാധിതരാണ് രാജ്യത്താകെ ചികിത്സയിലുള്ളത്. ഇതില് 981 പേരാണ് ഗുരുതരനിലയില്. ഇവര് രാജ്യത്തെ വിവിധ ആശുപത്രികളില് തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. രാജ്യത്തെ കൊവിഡ് മുക്തി നിരക്ക് 93.28 ശതമാനവും മരണനിരക്ക് 1.29 ശതമാനവുമായി. 24 മണിക്കൂറിനിടെ 145,535 ആര്ടിപിസിആര് പരിശോധനകള് നടത്തി.
Related News
മായാപുരത്തെ വിറപ്പിച്ച് വീണ്ടും പി.ടി 7 ഇറങ്ങി
പാലക്കാട് ധോണി മായാപുരത്തു വീണ്ടും പി.ടി 7 ഇറങ്ങി. ജനവാസ മേഖലയിലൂടെ പതിവ് സഞ്ചാരമാണ് പി.ടി 7 നടത്തുന്നത്. വനംവകുപ്പ് ജീവനക്കാർ എത്തി ആനയെ ജനവാസ മേഖലയിൽ നിന്ന് അക്കറ്റാൻ ശ്രമിച്ചു. ആനയെ പിടികൂടാൻ എന്താണ് തടസ്സമെന്ന് ചേദിച്ച് നാട്ടുകാർ പ്രദേശത്ത് പ്രതിഷേധിച്ചു. വനംവകുപ്പ് വാഹനം തടഞ്ഞും പ്രതിഷേധമുണ്ട്. അതേസമയം, പി.ടി സെവൻ എന്ന കൊമ്പനെ ഉടൻ പിടികൂടുമെന്ന് വനംവകുപ്പ് അറിയിച്ചു. കൊമ്പനെ മയക്കുവെടിവെച്ച് വീഴ്ത്തി മുത്തങ്ങയിലേക്ക് മാറ്റാനുളള എല്ലാ നടപടികളും പൂർത്തിയാക്കി. ഇന്നലേയും ജനവാസമേഖലകളിലേക്ക് കൊമ്പൻ […]
യു.ഡി.എഫ് വിട്ടുനില്ക്കും; കോട്ടയം ജില്ല പഞ്ചായത്ത് പ്രസിഡന്റ് തെരഞ്ഞെടുപ്പ് ഇന്ന് നടക്കില്ല
കോട്ടയം ജില്ല പഞ്ചായത്ത് പ്രസിഡന്റ് തെരഞ്ഞെടുപ്പില് അനിശ്ചിതത്വം തുടരുന്നു. കേരള കോണ്ഗ്രസിലെ തര്ക്കം പരിഹരിക്കാന് സാധിക്കാതെ വന്നതോടെ യു.ഡി.എഫ് തെരഞ്ഞെടുപ്പില് നിന്നും വിട്ട് നിന്നു. ഇതോടെ തെരഞ്ഞെടുപ്പ് നാളത്തേക്ക് മാറ്റി. ജോസ് വിഭാഗവും ജോസഫ് വിഭാഗവും നിലപാടില് ഉറച്ച് നിന്നതോടെ യു.ഡി.എഫ് കടുത്ത പ്രതിസന്ധിയിലാണ്. ഇരു വിഭാഗവും പ്രഖ്യാപിച്ച സ്ഥാനാര്ഥികളെ പിന്വലിക്കാന് തയ്യാറാകാതെ വന്നതോടെയാണ് വിട്ട് നില്ക്കാനുള്ള തീരുമാനം യു.ഡി.എഫ് എടുത്തത്. യു.ഡി.എഫ് അംഗങ്ങള് ഹാജരാകാതെ വന്നതോടെ തെരഞ്ഞെടുപ്പ് നാളത്തേക്ക് മാറ്റിവെച്ചതായി വരണാധികാരി പ്രഖ്യാപിച്ചു. ഔദ്യോഗിക പക്ഷം […]
ബിനീഷ് കോടിയേരിക്കെതിരെ ഇ.ഡി കേസെടുത്തു
ബിനീഷ് കോടിയേരിയുടെ മുഴുന് ആസ്തികളും കണ്ടെത്താന് ഫോഴ്സ്മെന്റ് ഡയറക്ടറേറ്റ് നിര്ദേശം. രജിസ്ട്രേഷന് വകുപ്പിനാണ് ഇ.ഡി നിര്ദേശം നല്കിയത്. അനുമതിയില്ലാതെ സ്വത്ത് കൈമാറ്റം പാടില്ലെന്നും ഇഡിയുടെ നിര്ദേശം ബംഗളുരു മയക്കുമരുന്ന് കേസുമായി ബന്ധപ്പെട്ട് നേരത്തെ ബിനീഷ് കോടിയേരിയെ ഇഡി ചോദ്യം ചെയ്തിരുന്നു. സ്വർണക്കള്ളക്കടത്ത് സംഘത്തിന് ഫണ്ട് കണ്ടെത്താൻ ബംഗളൂരുവിലെ മയക്കുമരുന്ന് മാഫിയയുടെ സഹായം തേടിയതായി അന്വേഷണ ഏജൻസികൾക്ക് വിവരം ലഭിച്ചിരുന്നു. മുഖ്യസൂത്രധാരനായ കെ.ടി റമീസ് വഴിയായിരുന്നു ഈ മയക്കുമരുന്നു മാഫിയയുമായി ബന്ധപ്പെട്ടത്. കൊച്ചി സ്വദേശിയായ അനൂപ് മുഹമ്മദ് ഉൾപ്പെട്ട […]