ഗസ്സയില് ഹമാസിന്റെ ഏറ്റവും വലിയ തുരങ്കം കണ്ടെത്തിയെന്ന അവകാശവാദവുമായി ഇസ്രയേല് സൈന്യം. തുരങ്കത്തിന്റെ ചിത്രങ്ങളും സൈന്യം പുറത്തുവിട്ടു. ദശലക്ഷക്കണക്കിന് ഡോളര് ചെലവഴിച്ചുള്ള തുരങ്കമാണിതെന്നും നിര്മാണത്തിന് വര്ഷങ്ങള് എടുത്തിട്ടുണ്ടെന്നുമാണ് സൈന്യം പറയുന്നത്. വെടിനിര്ത്തലിന് വേണ്ടിയുള്ള അന്താരാഷ്ട്ര സമ്മര്ദങ്ങളെ അവഗണിച്ച് യുദ്ധം തുടരുന്നതിനിടെയാണ് പുതിയ തുരങ്കം ഇസ്രയേല് കണ്ടെത്തിയിരിക്കുന്നത്.ഇതുവരെ ഹമാസിന്റേതായി കണ്ടെത്തിയതില് വച്ച് ഏറ്റവും വലിയ തുരങ്കമാണ് ഗസ്സയിലെ ഈ തുരങ്കം. ഈറസിലെ അതിര്ത്തിയോട് ചേര്ന്നാണ് ഇത് സ്ഥിതി ചെയ്യുന്നത്. ചെറിയ വാഹനങ്ങള്ക്ക് ഉപയോഗിക്കാവുന്ന അത്രയും വലുപ്പമുള്ള തുരങ്കമാണിത്. റെയിലുകള്, വൈദ്യുതി, ഡ്രെയിനേജ് എന്നിവ ഉള്പ്പെടുന്നതാണ് തുരങ്കം.നാല് കിലോമീറ്ററില് അധികം നീണ്ടുകിടക്കുന്ന തുരങ്കത്തിന്റെ കവാടം ഈറസ് ക്രോസില് നിന്ന് 400 മീറ്റര് മാത്രം അകലെയാണ്. ഹമാസ് നേതാവ് യഹ്യ സിന്വാറിന്റെ സഹോദരനും ഹമാസിന്റെ ഖാന് യൂനിസ് ബറ്റാലിയന് കമാന്ഡറുമായ മുഹമ്മദ് സിന്വാറിന്റെ നേതൃത്വത്തിലുള്ള പദ്ധതിയായിരുന്നു ഈ തുരങ്ക സംവിധാനമെന്ന് ഇസ്രായേല് പറഞ്ഞു.
Related News
വിഡിയോകള് ‘അശ്ലീല’മെന്ന് വ്യാപക പരാതി; ടിക്ടോക് താരത്തെ തടവിലാക്കി ഈജിപ്ത്യന് കോടതി
ഷോര്ട്ട് വിഡിയോ ഷെയറിംഗ് പ്ലാറ്റ്ഫോമായ ടിക്ടോകില് പങ്കുവയ്ക്കുന്ന ഡാന്സ് വിഡിയോ അശ്ലീലമെന്ന് നിരവധി പേര് പരാതിപ്പെട്ടതിന്റെ അടിസ്ഥാനത്തില് ഈജിപ്തിലെ പ്രശസ്ത ടിക്ടോക് താരത്തിന് തടവ് ശിക്ഷ വിധിച്ച് കോടതി. സോഷ്യല് മിഡിയയില് മോച്ച ഹിജാസി എന്നറിയപ്പെടുന്ന പെണ്കുട്ടിയെയാണ് ഈജിപ്തിലെ ചൈല്ഡ് ജുവനൈല് കോടതി ഒരു വര്ഷം തടവ് ശിക്ഷയ്ക്ക് വിധിച്ചത്. മാന്യമല്ലാത്ത സ്വന്തം വിഡിയോകള് നിര്മിക്കുകയും സോഷ്യല് മിഡിയയില് പോസ്റ്റ് ചെയ്യുകയും ചെയ്തു എന്ന് ചൂണ്ടിക്കാട്ടിയാണ് മോച്ചയ്ക്ക് കോടതി ശിക്ഷ വിധിച്ചത്. മോച്ചയുടെ ഡാന്സ് വിഡിയോകള് ചൂണ്ടിക്കാട്ടി […]
ലോകത്തെ അപൂര്വ്വങ്ങളില് അപൂര്വ്വമായ വെള്ള ജിറാഫുകളെ വെടിവെച്ചു കൊന്നു
ലോകത്തെ അപൂര്വ്വങ്ങളില് അപൂര്വ്വമായ വെള്ള ജിറാഫുകളെ വേട്ടക്കാര് വെടിവെച്ചു കൊന്നു. വടക്കുകിഴക്കന് കെനിയയിലെ പ്രത്യേക സംരക്ഷണ മേഖലയില് കഴിഞ്ഞിരുന്ന മൂന്ന് ജിറാഫുകളില് രണ്ടെണ്ണത്തിനെയാണ് വേട്ടക്കാര് വെടിവെച്ചു കൊന്നത്. വെള്ള ജിറാഫുകളില് ഇനി ലോകത്ത് ആകെ അവശേഷിക്കുന്നത് ഒരൊറ്റയെണ്ണമാണ് എന്നത് ആശങ്കയുണ്ടാക്കുന്നതാണ്. 2017ല് വെള്ള ജിറാഫുകളുടെ ഫോട്ടോ വ്യാപകമായി പ്രചരിച്ചതോടെയാണ് ലോക പ്രശസ്തമാകുന്നത്. 2016 ല് താന്സാനിയക്കടുത്ത് വെച്ചാണ് വെള്ള ജിറാഫുകളെ ആദ്യമായി ശ്രദ്ധിക്കുന്നത്. ലൂക്കിസം എന്ന ശാരീരിക അവസ്ഥയാണ് ഈ ജിറാഫുകളെ വെളുത്തതാക്കുന്നത്. ലൂക്കിസം സ്വഭാവമുള്ള മൃഗങ്ങള്ക്ക് […]
കൊവിഡ് ഇനി മഹാമാരിയല്ല; ആരോഗ്യ അടിയന്തരാവസ്ഥ പിൻവലിച്ച് ലോകാരോഗ്യ സംഘടന
നാല് വർഷത്തോളമായി ലോകത്തെ അലട്ടിക്കൊണ്ടിരിക്കുന്ന കൊറോണയെ ആഗോള ആരോഗ്യ അടിയന്തരാവസ്ഥയുടെ പരിധിയിൽ നിന്ന് ലോകാരോഗ്യ സംഘടന നീക്കം ചെയ്തു. ഇനി ലോകത്ത് കൊവിഡ് 19 ഒരു മഹാമാരി ആയിരിക്കില്ലെന്നും, ആരോഗ്യ അടിയന്തരാവസ്ഥ പിന്വലിക്കുന്നെന്നും ഡബ്ലൂഎച്ച്ഒ അധ്യക്ഷന് ടെഡ്രോസ് അഥാനോം പറഞ്ഞു. അടിയന്തര സമിതിയുടെ 15-ാമത് യോഗത്തിലാണ് ഇത് സംബന്ധിച്ച് തീരുമാനമെടുത്തത്. ആഗോള ആരോഗ്യ അടിയന്തരാവസ്ഥ പിൻവലിച്ചെങ്കിലും കൊറോണ വൈറസ് ഇപ്പോഴും ഭീഷണിയാണെന്ന് ലോകാരോഗ്യ സംഘടന വ്യക്തമാക്കി. 2021 ജനുവരിയിൽ 100,000-ത്തിലധികമായിരുന്നു മരണനിരക്ക്. ഏപ്രിൽ 24 എത്തിയപ്പോഴേക്കും ഇത് […]