പുതിയ തൊഴില് വിസകള് നല്കുന്നത് കോവിഡ് സാഹചര്യത്തില് ഖത്തര് നിര്ത്തിവെച്ചിരുന്നു. എന്നാല് വിവിധ മേഖലകളില് വിദഗ്ദ്ധ ജോലിക്കാരുടെ ആവശ്യം കൂടിയ പശ്ചാത്തലത്തിലും ഖത്തറില് കോവിഡ് വ്യാപനം കുറഞ്ഞ സാഹചര്യത്തിലുമാണ് പുതിയ വിസകള് അനുവദിച്ചു തുടങ്ങിയത്. അതെ സമയം ആഫ്രിക്കന് രാജ്യങ്ങളില് നിന്ന് മാത്രമാണ് ഇപ്പോള് പുതിയ റിക്രൂട്ട്മെന്റ് അനുവദിച്ചിട്ടുള്ളത്. കെനിയയില് നിന്നുള്ള മുപ്പത് പേരടങ്ങുന്ന പുതിയ ജോലിക്കാരുടെ സംഘം കഴിഞ്ഞ ദിവസം ദോഹയിലെത്തി. കെനിയക്ക് പുറമെ മറ്റ് ചില ആഫ്രിക്കന് രാജ്യങ്ങളില് നിന്നും പുതിയ വിസക്കാരെ അനുവദിച്ചിട്ടുണ്ട്. മുന്നൂറ് പുതിയ വിസകള് ഇതിനകം വിവിധ ആഫ്രിക്കന് രാജ്യങ്ങളില് നിന്ന് അനുദിച്ചതായി പ്രമുഖ മാന്പവര് റിക്രൂട്ട്മെന്റ് കമ്പനി പ്രതിനിധി ഖത്തര് ട്രിബ്യൂണിനോട് പറഞ്ഞു. ഇത്രയും ജോലിക്കാര് ഈ മാസത്തോടെ തന്നെ ഖത്തറിലെത്തി ജോലിയില് പ്രവേശിക്കും. അതെ സമയം ഏഷ്യന് രാജ്യങ്ങളില് നിന്ന് ഇതുവരെ പുതിയ വിസകള് അനുവദിച്ചു തുടങ്ങിയിട്ടില്ല. ഇന്ത്യയുള്പ്പെടെയുള്ള രാജ്യങ്ങളില് കോവിഡ് വ്യാപനത്തോത് കുറഞ്ഞുതുടങ്ങുന്ന പക്ഷം മാത്രമേ പുതിയ റിക്രൂട്ട്മെന്റ് ആരംഭിക്കുകയുള്ളൂവെന്നാണ് ഈ മേഖലയിലെ വിദഗദ്ധര് പറയുന്നത്.
Related News
ആപ്പിള് ചൈനയില് നിന്ന് ഇന്ത്യയിലേക്ക് മാറുന്നു; ലക്ഷ്യം 4000 കോടി ഡോളറിന്റെ കയറ്റുമതി
കൊറോണ വൈറസ് പ്രതിസന്ധി കാരണം, നിരവധി കമ്പനികൾ ചൈനയില് നിന്ന് ഘട്ടംഘട്ടമായി പുറത്തുകടക്കാന് ശ്രമം തുടങ്ങിയിട്ടുണ്ട്. വുഹാനിൽ നിന്ന് ഉത്ഭവിച്ച കൊറോണ വൈറസ് ലോകം മുഴുവന് മരണംവിതക്കുമ്പോള്, നിരവധി ആഗോള കമ്പനികൾ ചൈനയിൽ നിന്ന് കളംമാറ്റി ചവിട്ടാന് ഒരുങ്ങുന്നു. ടെക് ഭീമനായ ആപ്പിളാണ് ഇതില് മുന്നില്. ഉത്പാദന ശേഷിയുടെ അഞ്ചിലൊന്ന് ചൈനയിൽ നിന്ന് ഇന്ത്യയിലേക്ക് മാറ്റാനാണ് ആപ്പിള് ഒരുങ്ങുന്നത്. ആപ്പിളിന്റെ മുതിർന്ന എക്സിക്യൂട്ടീവുകളും ഇന്ത്യൻ സർക്കാരിലെ ഉന്നത ഉദ്യോഗസ്ഥരും കഴിഞ്ഞ കുറച്ച് ദിവസങ്ങളായി ഈ നീക്കം സംബന്ധിച്ച് […]
കുവൈത്തിൽ 562 പേർക്ക് കൂടി കോവിഡ്; 1473 പേർക്ക് രോഗമുക്തി
24 മണിക്കൂറിനുള്ളിൽ 6 മരണം; ഇത് വരെ മരിച്ചത് 236 പേർ കഴിഞ്ഞ 24 മണിക്കൂറിനുള്ളിൽ 2721 പേരെയാണ് കോവിഡ് ടെസ്റ്റിന് വിധേയമാക്കിയത്. ഇതിൽ 562 പേർക്കാണ് രോഗം സ്ഥിരീകരിച്ചത്. ഇതോടെ രാജ്യത്തെ കോവിഡ് കേസുകളുടെ ആകെ എണ്ണം 29921 ആയി. പുതിയ രോഗികളിൽ 99 പേർ ഇന്ത്യക്കാർ ആണ്. ഇതോടെ കുവൈത്തിൽ കോവിഡ് സ്ഥിരീകരിച്ച ഇന്ത്യക്കാരുടെ എണ്ണം 8889 ആയി. 24 മണിക്കൂറിനിടെ 6 പേരാണ് കുവൈത്തിൽ കോവിഡ് ബാധിച്ചു മരിച്ചത്. ഇതോടെ രാജ്യത്ത് കോവിഡ് […]
ഇസ്രായേലുമായുള്ള യു.എ.ഇ,ബഹ്റൈൻ ചരിത്ര കരാർ ഇന്ന് ഒപ്പുവെക്കും
ഇസ്രായേലുമായുള്ള യു.എ.ഇ,ബഹ്റൈൻ ചരിത്ര കരാർ ഇന്ന് ഒപ്പുവെക്കും. വൈറ്റ് ഹൗസിൽ നടക്കുന്ന ചടങ്ങിൽ യു.എസ് പ്രസിഡന്റ് ഡൊണാൾഡ് ട്രംപിന്റെ മധ്യസ്ഥതയിലാണ് കരാർ പിറക്കുക. കൂടുതൽ അറബ് രാജ്യങ്ങൾ മാറ്റത്തിന് തയാറാകുമെന്ന പ്രതീക്ഷയിലാണ് അമേരിക്കയും ഇസ്രായേലും. യു.എ.ഇ വിദേശകാര്യ മന്ത്രി ശൈഖ് അബ്ദുല്ല ബിൻ സായിദ് ആൽ നഹ്യാൻ, ബഹ്റൈന് വിദേശകാര്യ മന്ത്രി ഡോ. അബ്ദുല്ല ലത്തീഫ് ബിന് റാഷിദ് അല് സയാനി എന്നിവർ ഇസ്രയേൽ പ്രധാനമന്ത്രി ബെന്യമിൻ നെതന്യാഹുവുമായാണ് കരാർ ഒപ്പുവെക്കുക. ഗൾഫ് രാജ്യങ്ങൾ ഇതാദ്യമായാണ് ഇസ്രായേലുമായി […]