എഴുത്തുകാരൻ എന്.പി. മുരളീകൃഷ്ണന്റെ സിനിമാപഠന ഗ്രന്ഥമായ ‘പ്രതിനായകരും ഉത്തമപുരുഷന്മാരും: സിനിമയിലെ ദേശം, ഭാഷ, രുചി, തൊഴിലിടങ്ങള്’ പ്രകാശനം ചെയ്തു. കേരള രാജ്യാന്തര ചലച്ചിത്ര മേളയിലെ ഓപ്പണ് ഫോറത്തില് ചലച്ചിത്ര നിരൂപകരായ വി.കെ ജോസഫും ജി.പി രാമചന്ദ്രനും ചേര്ന്നാണ് പ്രകാശനം നിര്വ്വഹിച്ചത്.തെരഞ്ഞെടുത്ത 16 സിനിമാ പഠനങ്ങളുടെ സമാഹാരമാണ് ‘പ്രതിനായകരും ഉത്തമപുരുഷന്മാരും: സിനിമയിലെ ദേശം, ഭാഷ, രുചി, തൊഴിലിടങ്ങള്’ എന്ന ബാക്ക്ലാഷ് പബ്ലിക്ക പ്രസിദ്ധീകരിച്ച ഈ പുസ്തകം. സിനിമയിലെ ദേശങ്ങളും കവലകളും ഭാഷയും രുചിയും തൊഴിലിടങ്ങളും കേരളീയ കലകളും ഇതിൽ പഠനവിധേയമാക്കുന്നുണ്ട്.വെള്ളിത്തിരയില് കാണികള് അനുഭവിച്ച പ്രണയവും വിരഹവും ഭയവും ജാതിചിന്തയും നായക, പ്രതിനായക സങ്കൽപ്പങ്ങളും പുസ്തകം ചർച്ചചെയ്യുന്നു. സംവിധായകർ ശ്യാമപ്രസാദും നോവലിസ്റ്റും തിരക്കഥാകൃത്തുമായ ജി.ആർ ഇന്ദുഗോപനുമാണ് പുസ്തകത്തിനായി കുറിപ്പുകൾ എഴുതിയിട്ടുള്ളത്. എൻ.പി.മുരളീകൃഷ്ണന്റെ മൂന്നാമത്തെ പുസ്തകമാണിത്. ഉച്ചപ്പടം, സിനിമാ ടാക്കീസ് മേലഴിയം ടു മജീദ് മജീദി എന്നിവയാണ് മറ്റ് പുസ്തകങ്ങൾ.
Related News
28ാമത് ഐ.എഫ്.എഫ്.കെ; കണ്ട്രി ഫോക്കസ് വിഭാഗത്തില് ആറ് ക്യൂബന് ചിത്രങ്ങള്
കേരള സംസ്ഥാന ചലച്ചിത്ര അക്കാദമി 2023 ഡിസംബര് എട്ടു മുതല് 15 വരെ തിരുവനന്തപുരത്ത് സംഘടിപ്പിക്കുന്ന 28ാമത് ഐ.എഫ്.എഫ്.കെയുടെ കണ്ട്രി ഫോക്കസ് വിഭാഗത്തില് ആറ് ക്യൂബന് ചിത്രങ്ങള് പ്രദര്ശിപ്പിക്കും. എല് ബെന്നി, ഇന്നസെന്സ്, മാര്ത്തി ദ ഐ ഓഫ് ദ കാനറി, ദ മേയര്, സിറ്റി ഇന് റെഡ്, വിത്ത് യു ബ്രെഡ് ആന്റ് ഒനിയന്സ് എന്നീ ചിത്രങ്ങളാണ് പ്രദര്ശിപ്പിക്കുന്നത്. സംവിധായകരായ ഹോര്ഹെ ലൂയി സാഞ്ചസ്, അലെഹാന്ദ്രോ ഗില്, നിര്മ്മാതാവ് റോസ മരിയ വാല്ഡസ് എന്നിവര് മേളയില് […]
ഹോം ബെയ്സ്ഡ് കോമ്പ്രിഹെന്സീവ് ചൈല്ഡ് കെയര് പദ്ധതി നടപ്പിലാക്കും: ആരോഗ്യമന്ത്രി
സംസ്ഥാനത്ത് ഹോം ബെയ്സ്ഡ് കോമ്പ്രിഹെന്സീവ് ചൈല്ഡ് കെയര് പദ്ധതി നടപ്പിലാക്കുമെന്ന് ആരോഗ്യമന്ത്രി വീണാ ജോര്ജ്. പദ്ധതി വഴി സംസ്ഥാനത്തെ ആശ പ്രവര്ത്തകര് വീടുകളിലെത്തി ആദ്യ ആഴ്ച മുതല് ഒന്നര വയസുവരെ എല്ലാ കുഞ്ഞുങ്ങളുടെയും ക്ഷേമം ഉറപ്പുവരുത്തുന്നു. പ്രതിരോധ കുത്തിവയ്പ്പുകള് കുഞ്ഞിന്റെ വളര്ച്ച, അമ്മയുടെ ആരോഗ്യം, ക്ഷേമപദ്ധതികള് ആനുകൂല്യങ്ങള് എന്നിവ ആശപ്രവര്ത്തകര് ഉറപ്പുവരുത്തുമെന്നും മന്ത്രി വ്യക്തമാക്കി. നവജാത ശിശു സംരക്ഷണ വാരാചരണം സംസ്ഥാനതല ഉദ്ഘാടനം തിരുവനന്തപുരം മെഡിക്കല് കോളജില് നിര്വഹിക്കുകയായിരുന്നു മന്ത്രി. കുഞ്ഞുങ്ങളുടെ ആരോഗ്യത്തിന്റെ കാര്യത്തില് ലോക രാജ്യങ്ങള്ക്ക് […]
വയനാട് മേപ്പാടിയില് ഉരുള്പൊട്ടല്; രണ്ട് പാലങ്ങളും ആറു വീടുകളും തകര്ന്നു
വയനാട് മേപ്പാടിയില് ഉരുള്പൊട്ടല്. രണ്ട് പാലങ്ങളും ആറ് വീടുകളും ഒരു റിസോര്ട്ടും തകര്ന്നു. റാന്നിമല മേഖലയില് നിരവധി കുടുംബങ്ങള് കുടുങ്ങിക്കിടക്കുകയാണ്. മേപ്പാടി പുഞ്ചിരിമട്ടത്ത് എന്ന പ്രദേശത്താണ് ചെറിയ ഉരുൾ പൊട്ടൽ ഉണ്ടായത്. ആളപായം ഒന്നുമില്ല. എല്ലാ സന്നാഹങ്ങളും സന്നദ്ധ പ്രവർത്തകരും സംഭവ സ്ഥലത്ത് എത്തി രക്ഷാ പ്രവർത്തനം നടത്തുന്നുണ്ട്. പൊതു ജനങ്ങൾ കഴിവതും ദുരന്ത സ്ഥലത്തേയ്ക്ക് പോകരുതെന്നും ജാഗ്രത പാലിക്കണമെന്നും വയനാട് കലക്ടര് അറിയിച്ചു.