കൊവിഡ് വ്യാപനത്തിന്റെ പശ്ചാത്തലത്തില് ബംഗാളിലെ തെരഞ്ഞെടുപ്പ് പ്രചാരണത്തിന് തെരഞ്ഞെടുപ്പ് കമ്മീഷന് നിയന്ത്രണം ഏര്പ്പെടുത്തി. റാലികള്, പൊതുസമ്മേളനങ്ങള് എന്നിവ രാത്രി ഏഴ് മണി മുതല് രാവിലെ 10 മണി വരെ തെരഞ്ഞെടുപ്പ് കമ്മീഷന് വിലക്കി. ബംഗാളിലെ ബാക്കിയുള്ള മൂന്നു ഘട്ട പ്രചാരണങ്ങളില് നിശബ്ദ പ്രചരണ സമയം 72 മണിക്കൂര് ആയി വര്ധിപ്പിക്കാനും തെരഞ്ഞെടുപ്പ് കമ്മീഷന് നിര്ദേശം നല്കി. കഴിഞ്ഞ ദിവസമാണ് ഒറ്റ ഘട്ടമായി തെരഞ്ഞെടുപ്പ് നടത്താനുള്ള മുഖ്യമന്ത്രി മമത ബാനര്ജിയുടെ ആവശ്യം തെരഞ്ഞെടുപ്പ് കമ്മീഷന് തള്ളിയത്. ഇനിയും മൂന്ന് ഘട്ടം തെരഞ്ഞെടുപ്പ് നടത്താനുണ്ട്. ബംഗാളിലെ ടെസ്റ്റ് പോസിറ്റിവിറ്റി നിരക്ക് ഇന്ത്യയിലെ തന്നെ ഏഴാം സ്ഥാനത്തേക്കാണ് ദിവസങ്ങള്ക്കുള്ളില് ഉയര്ന്നിരിക്കുന്നത്. കൊവിഡ് ബാധിച്ച് കോണ്ഗ്രസ് സ്ഥാനാര്ത്ഥി റെസൗല് ഹഖ് മരിച്ചതിന് പിന്നാലെ കൂടുതല് സ്ഥാനാര്ത്ഥികള്ക്ക് രോഗം സ്ഥിരീകരിച്ചു. മുര്ഷിദാബാദിലെ സംഷര്ഗഞ്ച് നിയമസഭാ മണ്ഡലത്തിലെ കോണ്ഗ്രസ് സ്ഥാനാര്ത്ഥി റെസൗല് ഹക്ക് കഴിഞ്ഞ ദിവസമാണ് കൊവിഡ് ബാധിച്ച് മരിച്ചത്. മുര്ഷിദാബാദിലെ തന്നെ ജാന്കി പൂര് നിയമസഭാ മണ്ഡലത്തിലെ ഇടത് സ്ഥാനാര്ത്ഥി ആര്.എസ്.പിയിലെ പ്രദീപ് നന്ദി, ഗോള്പോഖര് മണ്ഡലത്തിലെ തൃണമൂല് കോണ്ഗ്രസ് സ്ഥാനാര്ത്ഥി ഗുലാം റബ്ബാനി, ജല്പാല്ഗുരിയിലെ സ്ഥാനാര്ത്ഥി പി കെ ബുര്മ അങ്ങനെ നീളുന്നു കൊവിഡ് പോസിറ്റിവ് ആയ സ്ഥാനാര്ത്ഥികളുടെ പട്ടിക.
Related News
കോവിഡ്; കേരളത്തിൽ ഒരാൾകൂടി രോഗമുക്തനായി
കേരളത്തിൽ കോവിഡ് ബാധിച്ച ഒരാളുടെ പരിശോധനാഫലം നെഗറ്റീവായി. കണ്ണൂരിൽ കോവിഡ് സ്ഥിരീകരിച്ചയാളുടെ നാലാമത്തെ പരിശോധനാ ഫലവും നെഗറ്റീവാകുകയായിരുന്നു. പരിയാരത്ത് ചികിത്സയിലുള്ള ഇയാളെ ഇന്ന് ഡിസ്ചാർജ് ചെയ്യും. ഇദ്ദേഹത്തോട് പതിനാല് ദിവസം വീട്ടിൽ നിരീക്ഷണത്തിൽ തുടരാൻ നിർദേശിച്ചിട്ടുണ്ട്. കണ്ണൂരിൽ ഇതുവരെയായി രോഗം സ്ഥിരീകരിച്ച ഏക കേസായിരുന്നു ഇത്. ഈ മാസം പതിമൂന്നിന് ദുബെെയിൽ നിന്നും നാട്ടിലെത്തിയ ഇദ്ദേഹത്തിന്റെ ആദ്യ പരിശോധനാ ഫലം പോസിറ്റീവ് ആകുകയായിരുന്നു. കോഴിക്കോട് മെഡിക്കൽ കോളേജിലും വെെറോളജി ഇൻസ്റ്റിറ്റ്യൂട്ടിലും നടത്തിയ ഇദ്ദേഹത്തിന്റെ ഒടുവിലെ പരിശോധനാ ഫലങ്ങളാണ് […]
എടവണ്ണയിലെ ബയോഗ്യാസ് പ്ലാന്റില് അപകടം; മരണം മൂന്നായി
മലപ്പുറം എടവണ്ണയിലെ ബയോഗ്യാസ് പ്ലാന്റിലുണ്ടായ അപകടത്തില് മരിച്ചവരുടെ എണ്ണം മൂന്നായി. കോഴിക്കോട് മെഡിക്കല് കോളജ് ആശുപത്രിയില് ചികിത്സയിലുണ്ടായിരുന്ന വിനോദാണ് മരിച്ച മൂന്നാമന്. സംഭവസ്ഥലത്തുവെച്ച് ചുങ്കത്തറ സ്വദേശി ജോമോൻ, ബീഹാർ സ്വദേശി രാജ്കുമാർ എന്നിവരാണ് മരിച്ചിരുന്നു. എടവണ്ണ പത്തിപ്പിരിയം പെരുവിൽ കുണ്ടില് തിങ്കളാഴ്ച ഉച്ചയോടെയാണ് അപകടം നടന്നത്. റബർ ഷീറ്റുകൾ ഉണക്കുന്ന സ്ഥാപനത്തിലെ ബയോഗ്യാസിലാണ് അപകടം സംഭവിച്ചത്. ബയോഗ്യാസ് പ്ലാന്റ് വൃത്തിയാക്കുന്നതിനു വേണ്ടി പ്ലാന്റ് സ്ഥാപിച്ച സ്ഥാപനത്തിലെ ജീവനക്കാരാണ് അപകടത്തില്പെട്ടത്. ഒരാൾ സംഭരണിയിലേക്കു വീണപ്പോൾ, രക്ഷിക്കാനായി മറ്റു 2 […]
രാജ്യത്ത് 53,256 പുതിയ കൊവിഡ് കേസുകൾ; 1422 മരണം
24 മണിക്കൂറിനിടെ രാജ്യത്ത് 53,256 പേർക്ക് കൊവിഡ്. ഇത് ഏകദേശം മൂന്ന് മാസങ്ങൾക്കിടെയുള്ള ഏറ്റവും ഉയർന്ന പ്രതിദിന കണക്കാണ്. ഇതോടെ രാജ്യത്തെ ആകെ കൊവിഡ് കേസുകളുടെ എണ്ണം 3 കോടിക്കരികെ എത്തി. നിലവിൽ ആക്ടീവ് കേസുകൾ 7.02 ലക്ഷമാണ്. 78190 പേർ രോഗമുക്തരായി. 2.88 കോടി ആളുകൾ ആകെ കൊവിഡ് മുക്തരായിട്ടുണ്ട്. 24 മണിക്കൂറിനിടെ രാജ്യത്ത് 1422 പേരാണ് കൊവിഡ് ബാധിച്ച് മരണപ്പെട്ടത്. ഏപ്രിൽ 16നു ശേഷം രാജ്യത്ത് റിപ്പോർട്ട് ചെയ്യുന്ന ഏറ്റവും കുറഞ്ഞ മരണനിരക്കാണ് ഇത്. […]