ഗ്രാമീണ മേഖലയിലെ എല്ലാ കുടുംബങ്ങൾക്കും കുടിവെള്ള കണക്ഷൻ ഉറപ്പാക്കുന്ന ജലജീവൻ മിഷൻ പദ്ധതിക്ക് സംസ്ഥാന വിഹിതമായി 327.76 കോടി രൂപകൂടി അനുവദിച്ചതായി ധനമന്ത്രി കെ എൻ ബാലഗോപാൽ അറിയിച്ചു. ഇതോടെ പദ്ധതിക്ക് സംസ്ഥാനം രണ്ടുവർഷത്തിൽ 2824 കോടി രൂപയാണ് നൽകിയത്.ഈ വർഷം നേരത്തെ രണ്ടുതവണയായി 880 കോടി രൂപ അനുവദിച്ചിരുന്നു. കഴിഞ്ഞവർഷം 1616 കോടി രൂപയും നൽകി. ഗ്രാമീണ മേഖലയിൽ 2024ഓടെ എല്ലാ വീടുകളിലും ഗാർഹിക കുടിവെളള കണക്ഷനുകൾ ലഭ്യമാക്കാനായി നടപ്പിലാക്കുന്ന പദ്ധതിയാണ് ജലജീവൻ മിഷൻ. കേന്ദ്ര, സംസ്ഥാന സർക്കാരുകളുടെ പങ്കാളിത്തത്തോടെ മുന്നോട്ടുപോകുന്ന പദ്ധതിയുടെ കേരളത്തിലെ നടത്തിപ്പ് ചുമതല വാട്ടർ അതോറിട്ടിക്കാണ്.
Related News
വാളയാര് സംഭവം; ശക്തമായ സമരത്തിനൊരുങ്ങി യു.ഡി.എഫ്, നാളെ പാലക്കാട് ഹര്ത്താല്
വാളയാര് സംഭവം രാഷ്ട്രീയ വിഷയമായി മാറുന്നു. ശക്തമായ സമരത്തിനാണ് യു.ഡി.എഫ് ഒരുങ്ങുന്നത്. കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രന് ഇന്ന് ഉപവസിക്കും. വിശദീകരണ യോഗങ്ങള് നടത്തനാണ് സി.പി.എം തീരുമാനം. നാളെ പാലക്കാട് ജില്ലയില് യു.ഡി.എഫ് ഹര്ത്താല് പ്രഖ്യാപിച്ചിട്ടുണ്ട്. സി.പി.എം ഇടപെട്ടാണ് വാളയാ ര് കേസ് അട്ടിമറിച്ചതെന്നാണ് യു.ഡി.എഫ് വാദം.കെ.പി.സി. പ്രസിഡന്റ് മുല്ലപ്പള്ളി രാമചന്ദ്രന് രാവിലെ 9 മണി മുതല് വൈകുന്നേരം 6 മണി വരെ ഉപവസിക്കും.ഐ.ഐ.സി.സി ജനറല് സെക്രട്ടറി കെ.സി വേണുഗോപാല്,മുന് കെ.പി.സി.സി പ്രസിഡന്റ് വി.എം സുധീരന് അടക്കമുളള […]
അരിക്കൊമ്പനെ പറമ്പിക്കുളത്തേക്ക് മാറ്റുമ്പോള് വഴിയില് തടസങ്ങളുണ്ടാകരുത്; നിര്ദേശങ്ങളുമായി ഹൈക്കോടതി
അരിക്കൊമ്പനെ പറമ്പിക്കുളത്തേക്ക് മാറ്റുന്ന നടപടിയുമായി ബന്ധപ്പെട്ട് നിര്ദേശങ്ങളുമായി ഹൈക്കോടതി. അരിക്കൊമ്പനെ മാറ്റുമ്പോള് സഞ്ചാര പാതയിലടക്കം തടസങ്ങള് ഉണ്ടാകരുതെന്ന് ഹൈക്കോടതി നിര്ദേശിച്ചു. ഇതിനായി അതാത് ജില്ലാ കളക്ടര്മാര് മേല്നോട്ടം വഹിക്കണമെന്നും കോടതി ഉത്തരവിട്ടു. കാട്ടാനയെ പറമ്പിക്കുളത്തേക്ക് മാറ്റുമ്പോള് ജില്ലാ പൊലീസ് മേധാവിമാര് ആവശ്യമായ പൊലീസിനെ അകമ്പടിക്കായി നല്കണമെന്നും ഹൈക്കോടതിയുടെ നിര്ദേശമുണ്ട്. അരിക്കൊമ്പനെ പിടികൂടി പറമ്പികുളത്തെത്തിക്കാനുള്ള ചുമതല ചീഫ് ഫോറസ്റ്റ് കണ്സര്വേറ്റര് ഉള്പ്പെടുന്ന മൂന്നംഗ സംഘത്തിനെന്നും കോടതി ഉത്തരവില് പറയുന്നു. ആനയെ പിടികുടുന്നതും പറമ്പിക്കുളത്ത് എത്തിക്കുന്നതും വരെയുളള നടപടികള് പൊതുജനങ്ങള് […]
സുധാകരന് മാറിനില്ക്കാമെന്ന് പറഞ്ഞാലും പാര്ട്ടി സമ്മതിക്കില്ല, ചതിച്ച് ജയിലിലടയ്ക്കാന് നോക്കുമ്പോള് ഒരു കോണ്ഗ്രസുകാരനും പിന്നില് നിന്ന് കുത്തില്ല: വി ഡി സതീശന്
മോണ്സന് മാവുങ്കല് തട്ടിപ്പുകേസില് അറസ്റ്റ് ചെയ്യപ്പെട്ട പശ്ചാത്തലത്തില് കെ സുധാകരന് കെപിസിസി അധ്യക്ഷസ്ഥാനം രാജിവയ്ക്കുമോ എന്ന സംശയത്തെ മാധ്യമങ്ങള്ക്ക് മുന്നില് പൂര്ണമായി തള്ളി പ്രതിപക്ഷനേതാവ് വി ഡി സതീശന്. കെ സുധാകരന് കെപിസിസി അധ്യക്ഷ സ്ഥാനത്തുനിന്ന് മാറിനില്ക്കില്ലെന്ന് പ്രതിപക്ഷനേതാവ് വ്യക്തമാക്കി. കെ സുധാകരനെതിരായ കേസ് കെട്ടിച്ചമച്ചതാണെന്ന് അദ്ദേഹം വിശദീകരിച്ചു. പുതിയ അന്വേഷണ ഉദ്യോഗസ്ഥനെ നിയമിച്ചപ്പോള് ലഭിച്ചത് കേസിന്റെ ആദ്യഘട്ടത്തില് ഇല്ലാത്ത മൊഴിയാണെന്നും അദ്ദേഹം കൂട്ടിച്ചേര്ത്തു. പരാതിക്കാര് തെറ്റായ പശ്ചാത്തലമുള്ളവരാണെന്നാണ് വി ഡി സതീശന് പറഞ്ഞു. ആര് മൊഴി […]