റിലീസ് ചെയ്തത് മുതൽ ഏറെ ചർച്ച ചെയ്യപ്പെട്ട ചിത്രമാണ് ബ്രയാന്‍ സിംഗര്‍ സംവിധാനം ചെയ്ത ‘ബൊഹീമിയന്‍ റാപ്സഡി’. ജനപ്രിയ ബ്രിട്ടീഷ്
ഗായകൻ ഫ്രെഡി മെർക്കുറിയുടെയും, അദ്ദേഹത്തിന്റെ ക്വീൻ ബാൻഡിന്റെയും കഥ പറഞ്ഞ റാപ്സഡി ആകെ നാല് ഓസ്കറുകളാണ് ഇത്തവണ വാരിക്കൂട്ടിയത്. ചിത്രത്തിൽ ഫ്രെഡി മെർക്കുറിയായി വേഷമിട്ട റാമി മാലെക്കിനാണ് മികച്ച നടനുള്ള പുരസ്കാരം ലഭിച്ചത്.
ആന്റണി മക് കാര്‍ട്ടന്റെ തിരക്കഥയില്‍ ഒരുങ്ങിയ ബ്രയാൻ സിംഗർ ചിത്രത്തിൽ റാമി മാലെക്, ലൂക്കി ബോയ്ന്റണ്‍, ഗ്വലിയം ലീ, ബെന്‍ ഹാര്‍ഡി തുടങ്ങിയവരായിരുന്നു മുഖ്യ വേഷങ്ങളിലെത്തിയത്. മികച്ച നടന് പുറമെ ശബ്ദമിശ്രണം, ശബ്ദ ലേഖനം, എഡിറ്റിംഗ് എന്നിവയിലും റാപ്സഡി ഓസ്കർ കരസ്ഥമാക്കി.
പതിറ്റാണ്ടുകള്‍ക്ക് ശേഷം, അതേ പേരിൽ തന്നെ പുറത്തിറങ്ങിയ ഫ്രെഡി മെർക്കുറിയുടെയും സംഘത്തിന്റെയും കഥ പറഞ്ഞ ചിത്രം കഴിഞ്ഞ വർഷം തീയറ്ററുകളിലെത്തിയപ്പോള്‍, തങ്ങളുടെ പ്രിയ കലാകാരന്റെ ജീവിതം ഇരു കയ്യും നീട്ടി സ്വീകരിക്കാതിരിക്കാൻ പ്രേക്ഷകർക്കാകുമായിരുന്നില്ല.
