ഇനി ലോകേഷ് ചിത്രത്തില് അഭിനയിക്കില്ലെന്ന് നടൻ മന്സൂര് അലി ഖാന്. ലീഡ് റോളില് വിളിച്ചാല് മാത്രമേ ലോകേഷ് ചിത്രത്തില് അഭിനയിക്കാന് പോകൂവെന്നും മന്സൂര് അലി ഖാന് വാര്ത്ത സമ്മേളനത്തില് പറഞ്ഞു. സംഭവത്തില് തനിക്കെതിരെ ലോകേഷ് പ്രസ്താവന ഇറക്കിയത് തന്നോട് ഒരു വാക്ക് ചോദിക്കാതെയാണ്. അതില് നിരാശയുണ്ടെന്നും മന്സൂര് അലി ഖാന് വാര്ത്ത സമ്മേളനത്തില് പറഞ്ഞു.ചെന്നൈയില് വിളിച്ചുചേര്ത്ത വാര്ത്ത സമ്മേളനത്തിലാണ് മന്സൂറിന്റെ പ്രസ്താവന. നാല് മണിക്കൂറിനുള്ളില് തനിക്കെതിരായ നോട്ടീസ് പിന്വലിക്കണമെന്നും മന്സൂര് ആവശ്യപ്പെട്ടു. ഇല്ലെങ്കില് താന് നിയമ നപടിയിലേക്ക് കടക്കുമെന്നും നടന് പറഞ്ഞത്. തൃഷയ്ക്കെതിരായ മോശം പരാമര്ശത്തില് മാപ്പു പറയില്ലെന്ന് കഴിഞ്ഞ ദിവസമാണ് നടന് മന്സൂര് അലി ഖാന് വ്യക്തമാക്കിയത്. മാപ്പു പറയാൻ തന്നോട് ആവശ്യപ്പെട്ടത് വിശദീകരണം ചോദിക്കാതെയാണെന്ന് മന്സൂര് ആരോപിച്ചു.അതേ സമയം സ്ത്രീവിരുദ്ധ പരാമർശത്തില് മൻസൂർ അലി ഖാനെതിരെ ചെന്നൈ പൊലീസ് കേസെടുത്തു. സ്ത്രീത്വത്തെ അപമാനിക്കുക, ലൈംഗിക ചുവയോടെ സംസാരിക്കുക എന്നീ വകുപ്പുകൾ ചുമതിയാണ് കേസെടുത്തത്. നടനെതിരെ കേസെടുക്കാൻ ദേശീയ വനിത കമ്മീഷൻ, തമിഴ്നാട് ഡിജിപിക്ക് നിർദേശം നൽകിയിരുന്നു.
Related News
മുരളി ഗോപിയുടെ തിരക്കഥയില് മമ്മൂട്ടി നായകന്; ബിഗ് ബജറ്റ് ചിത്രമൊരുക്കുന്നത് വിജയ് ബാബു
ഫ്രൈഡെ ഫിലിംഹൗസ് സിനിമാസിന്റെ ബാനറില് മുരളിഗോപി തിരക്കഥയെഴുതുന്ന ചിത്രത്തില് മമ്മൂട്ടി നായകനാകുന്നു. ഫ്രൈഡെ ഫിലിംഹൗസിന്റെ ബാനറില് വിജയ്ബാബുവാണ് ചിത്രമൊരുക്കുന്നത്. നവാഗതനായ ഷിബു ബഷീര് ആണ് ചിത്രം സംവിധാനം ചെയ്യുന്നത്. ഫേസ്ബുക്ക് പേജിലൂടെ മുരളിഗോപിയും വിജയ്ബാബുവും ഇക്കാര്യം അറിയിച്ചത്. ചിത്രത്തിന്റെ മറ്റു വിശദാംശങ്ങള് പുറത്തുവിട്ടിട്ടില്ല. വമ്പന് ചിത്രമാണ് അണിയറയില് ഒരുങ്ങുന്നതെന്നാണ് റിപ്പോര്ട്ടുകള്. അടുത്ത വര്ഷം ചിത്രീകരണം തുടങ്ങാനാണ് പദ്ധതി. മുരളി ഗോപിയുടെ സ്വപ്ന പദ്ധതിയാണിത്. മമ്മൂട്ടിയുമായി ഒരു സിനിമ ചെയ്യണമെന്നത് വലിയൊരു ആഗ്രഹമാണ്. ആ ആഗ്രഹത്തിലാണ് കോട്ടയം കുഞ്ഞച്ചന്റെ […]
ഛായാഗ്രാഹകന് എം.ജെ രാധാകൃഷ്ണന് അന്തരിച്ചു
ഛായാഗ്രാഹകന് എം.ജെ രാധാകൃഷ്ണന് അന്തരിച്ചു. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. ഹൃദയാഘാതമാണ് മരണ കാരണം. ഏഴ് തവണ സംസ്ഥാന ചലച്ചിത്ര പുരസ്കാരം നേടിയിട്ടുണ്ട്. സമാന്തര ചിത്രങ്ങളിലൂടെ സഞ്ചരിച്ച അതുല്യ പ്രതിഭയാണ് വിട്ടുപിരിഞ്ഞത്. വീട്ടിലേക്കുള്ള വഴി, ദേശാടനം, ആകാശത്തിന്റെ നിറം, കാട് പൂക്കുന്ന നേരം, അടയാളങ്ങള്, ഒറ്റക്കയ്യന്, ബയോസ്കോപ് എന്നിവയാണ് പ്രധാന ചിത്രങ്ങള്.
‘ഹിന്ദുവിരുദ്ധ ഉള്ളടക്കം’; നെറ്റ്ഫ്ലിക്സ് നിരോധിക്കാന് ട്വിറ്ററില് സംഘപരിവാര് ക്യാംപയിന്
ഹിന്ദുവിരുദ്ധ ഉള്ളടക്കം പുറത്തുവിടുന്നു എന്നാരോപിച്ച് ആഗോള സ്ട്രീമിങ് വീഡിയോ കമ്പനിയായ നെറ്റ്ഫ്ലിക്സിനെതിരെ ബഹിഷ്ക്കരണ നിരോധനാഹ്വാനവുമായി സംഘപരിവാര് പ്രവര്ത്തകര്. ഇന്ത്യയെയും ഹിന്ദുക്കളെയും മോശക്കാരായി ചിത്രീകരിക്കുന്നു എന്നാരോപിച്ച് ശിവസേനാ പ്രവര്ത്തകനും ഹിന്ദു ആക്ടിവിസ്റ്റുമായ രമേശ് സോളങ്കി മുബൈ എല്.ടി മാര്ഗ് പൊലീസില് പരാതി നല്കിയതിന് ശേഷമാണ് ട്വിറ്ററിലും മറ്റു സമൂഹ മാധ്യമങ്ങളിലും നെറ്റ്ഫ്ലിക്സ് നിരോധിക്കാന് ആഹ്വാനം ചെയ്ത് സംഘ് അനുകൂല പ്രവര്ത്തകര് രംഗത്തു വന്നത്. അമേരിക്കന് ആഗോള സ്ട്രീമിങ് ഭീമന് ഹിന്ദുക്കളെ ക്കുറിച്ചും ഇന്ത്യയെക്കുറിച്ചും ശരിയല്ലാത്ത ചിത്രമാണ് പുറത്തുവിട്ടു കൊണ്ടിരിക്കുന്നത്. […]