കരുതലോടെ, കരുണയോടെ നാടിനെ സ്നേഹിച്ച മാണി സാർ യാ​ത്ര​യാ​യി​ട്ട് ഒരു വർഷം – ജെയിംസ് തെക്കേമുറി

സ്നേഹം കൊണ്ടും, കരുതൽ കൊണ്ടും ഒരു ജനതയുടെ ഹൃദയങ്ങളിൽ ചിരപ്രതിഷ്‌o നേടിയ വ്യക്തിയാണ് കെ. എം. മാണിസാർ. ഒരു രാഷ്ട്രീയ നേതാവ്‌ എന്നതിനപ്പുറം വരും തലമുറ‌ പഠന വിഷയമാക്കേണ്ട ഒരു തുറന്ന പുസ്തകമായിരുന്നു അദേഹത്തിന്റെ രാഷ്ട്രീയ ജീവിതം. പല വൻ വൃക്ഷങ്ങളെയും ബാലറ്റ്‌ എന്ന വജ്രായുധം കൊണ്ട്‌ ജനം മര്യാദ പഠിപ്പിച്ച ഇൻഡ്യാ മഹാരാജ്യത്ത്‌ ഒരു നിയോജക മണ്ഡലം രുപം കൊണ്ട അന്നു മുതൽ നീണ്ട അമ്പത്തിനാല് വർഷം പ്രതിനിധീകരിക്കാൻ കഴിയുക എന്നു പറഞ്ഞാൽ അതൊരു ലോക ചരിത്രം ആണ്.മാണിസാറിന്റെ ജീവിതം പoന വിധേയമാക്കുമ്പോൾ എറ്റവും ആദ്യം നാം എത്തിച്ചേരേണ്ടത്‌, പ്രതിസന്ധികളിൽ അടിപതറാത്ത അദേഹത്തിന്റെ ആത്മധൈര്യം ആണ്. മാണിസാറിന്റെ ഭാഷയിൽ പറഞ്ഞാൽ വളരും തോറും പിളരുകയും പിളരും തോറും വളരുകയും ചെയ്യുന്ന കേരാളാ കോൺഗ്രസിന്റെ എല്ലാ പിളർപ്പുകളിലും പ്രധാന പങ്ക്‌ അദേഹത്തോടൊപ്പം ആയിരുന്നു.

മരങ്ങാട്ടുപിള്ളിയിൽ 1933 ജനുവരി 30-ന് കർഷക ദമ്പതികളായ മാണിയുടെയും ഏലിയാമ്മയുടെയും മകനായാണ് അദ്ദേഹം ജനിച്ചത്. കുറവിലങ്ങാട് സെന്റ് മേരീസ് ബോയ്സ് ഹൈസ്ക്കൂളിൽ ഹൈസ്‌കൂൾ ക്ലാസുകളിൽ വിദ്യാഭ്യാസം നടത്തി. 1946-’48 കാലഘട്ടത്തിൽ 8, 9 ക്ലാസ്സുകളിലാണ് അദ്ദേഹം കുറവിലങ്ങാട് സെന്റ് മേരീസ് ബോയ്സ് ഹൈസ്ക്കൂളിൽ പഠിച്ചിരുന്നത്. തുടർന്ന് പാലായിൽ സ്‌കൂൾ വിദ്യാഭ്യാസം പൂർത്തിയാക്കി. തുടർന്ന് തൃശിനാപ്പള്ളി സെന്‍റ് ജോസഫ് കോളജ്, മദ്രാസ് ലോ കോളജ് എന്നിവടങ്ങളിൽ വിദ്യാഭ്യാസം പൂർത്തിയാക്കിയ കെ എം മാണി 1955-ൽ അഭിഭാഷക ജോലിയിൽ പ്രവേശിച്ചു. പിന്നീട് രാഷ്ട്രീയത്തിൽ പ്രവേശിച്ച അദ്ദേഹം 1959-ൽ കെപിസിസിയിൽ അംഗമായി. കോട്ടയം ഡിസിസി സെക്രട്ടറിയായിരിക്കുമ്പോഴാണ് 1964-ൽ കേരള കോണ്‍ഗ്രസ് രൂപീകൃതമാകുന്നത്. പിന്നീട് കേരള കോണ്‍ഗ്രസ് നേതൃനിരയിലേക്കും കേരള രാഷ്ട്രീയത്തിലെ അതികായൻ എന്ന നിലയിലേക്കും പാലാക്കാരുടെ സ്വന്തം മാണിസാർ വളരുകയായിരുന്നു.

1964-ൽ കേരള കോൺഗ്രസ് രൂപീകൃതമായപ്പോൾ മുതൽ കരിങ്ങോഴയ്ക്കൽ മാണി മകൻ മാണി, അഥവാ കെ.എം.മാണിക്ക് കേരള രാഷ്ട്രീയത്തിൽ തിരിഞ്ഞുനോക്കേണ്ടി വന്നിട്ടില്ല. 1965-ലെ തെരഞ്ഞെടുപ്പിൽ പാലായിൽ നിന്നും ആദ്യമായി വിജയം നേടിയ മാണിസാർ പിന്നെ മരണം വരെ എംഎൽഎയായി തുടർന്നുവെന്നത് അത്യപൂർവമായ റിക്കാർഡാണ്. തുടർച്ചയായി 13 തവണയാണ് മാണിസാർ പാലായിൽ നിന്നും നിയമസഭാംഗമായത്. നിയമസഭാ സാമാജികൻ എന്ന നിലയിൽ 50 വർഷം പൂർത്തിയാക്കിയ അദ്ദേഹത്തെ 2017-ൽ നിയമസഭ ആദരിക്കുകയും ചെയ്തിരുന്നു.
1965-ൽ ആണ് മാണിസാർ ആദ്യ വിജയം നേടിയതെങ്കിലും ആർക്കും ഭൂരിപക്ഷമില്ലാത്തതിനാൽ സഭ ചേർന്നില്ല. പിന്നീട് 67-ലെ തെരഞ്ഞെടുപ്പിൽ വിജയം ആവർത്തിച്ച മാണിസാർ നിയമസഭാംഗമായി സത്യപ്രതിജ്ഞ ചെയ്തു. പിന്നീട് മരണംവരെ അദ്ദേഹം എംഎൽഎ എന്ന പദവിയിലല്ലാതെ ജീവിച്ചിട്ടില്ല.

ഏറ്റവും കൂടുതൽ കാലം മന്ത്രിസ്ഥാനം വഹിച്ചയാൾ, കൂടുതൽ ബജറ്റ് അവതരിപ്പിച്ച ധനമന്ത്രി (13), ഏറ്റവും അധികം മന്ത്രിസഭകളിൽ അംഗം (12), ഏറ്റവും അധികം കാലം ധന-നിയമ വകുപ്പുകൾ കൈകാര്യം ചെയ്ത മന്ത്രി എന്നീ റിക്കാർഡുകളെല്ലാം അദ്ദേഹം സ്വന്തം പേരിൽ ചേർത്തു.

മാ​ണി​സാ​ർ എ​ന്ന ഓ​മ​ന​പ്പേ​ര് ഭ​ര​ണ​പ്ര​തി​പ​ക്ഷ​മി​ല്ലാ​തെ അം​ഗീ​കാ​ര​ത്തി​ന്‍റെ ആ​മു​ഖ​വാ​ക്കാ​ണ്. വി​ന​യാ​ന്വി​ത​നാ​യി നി​ന്നാ​ണ് മാ​ണി സാർ കേ​ര​ള​രാ​ഷ്ട്രീ​യ​ത്തി​ൽ ഉ​യ​ർ​ന്നു​വ​ന്ന​ത്. എതി​രാ​ളി​ക​ളെ​പ്പോ​ലും മോ​ശ​മാ​യ പ​ദ​ങ്ങ​ൾ​കൊ​ണ്ട് വി​മ​ർ​ശി​ച്ചി​ട്ടി​ല്ല. കേ​ര​ള കോൺഗ്രസ് എ​ന്ന രാ​ഷ്ട്രീ​യ പ്ര​സ്ഥാ​ന​ത്തി​ന്‍റെ സ്ഥാ​പ​നം മു​ത​ൽ ത​ല​ങ്ങും വി​ല​ങ്ങും വ​ന്ന രാ​ഷ്ട്രീ​യ സു​നാ​മി​ക​ളെ പ്ര​തി​രോ​ധി​ച്ചു പ്ര​സ്ഥാ​ന​ത്തെ ന​യി​ക്കുക​യും സം​ര​ക്ഷി​ക്കു​ക​യും ചെ​യ്ത നേ​താ​വാ​ണ് മാ​ണിസാ​ർ. ഭ​ര​ണ​പ​ക്ഷ​ത്താ​ണെ​ങ്കി​ൽ പ്ര​ഗ​ത്ഭ​നാ​യ ഭ​ര​ണാ​ധി​കാ​രി​യെ​ന്നും പ്ര​തി​പ​ക്ഷ​ത്തെ​ങ്കി​ൽ പ്ര​തി​രോ​ധ നി​ര​യി​ലെ പ്ര​ധാ​നി​യെ​ന്നും വി​ല​യി​രു​ത്ത​പ്പെ​ട്ടു. ക​ണ​ക്കും കാ​ര്യ​ങ്ങ​ളും ലോപോ​യി​ന്‍റു​ക​ളും നി​ര​ത്തി മാ​ണി സ​ഭ​യി​ലും സ​മൂ​ഹ​ത്തി​ലും ഒ​രു ഇ​തി​ഹാസ​മാ​യി മാ​റു​ക​യാ​ണു​ണ്ടാ​യ​ത്.

കേ​ര​ള കോൺഗ്രസുകാരനല്ലാതെ ദേ​ശീ​യ ​കോൺഗ്ര​സി​ലെ നേ​താ​വാ​യി​രു​ന്നു കെ എം മാ​ണി​യെ​ങ്കി​ൽ മു​ഖ്യ​മ​ന്ത്രി​ക്കും കേ​ന്ദ്ര കാ​ബി​ന​റ്റ് മ​ന്ത്രി​ക്കും മു​ക​ളി​ൽ എ​ത്ര​യോ വ​ലി​യ പ​ദ​വി​യി​ലെ​ത്താ​നു​ള്ള ക​രു​ത്തും കാ​ര്യ​ശേ​ഷി​യും അ​ദ്ദേ​ഹ​ത്തി​നു​ണ്ടെ​ന്ന് ആ​ദ്യ കാ​ലം മു​ത​ലേ രാ​ഷ്ട്രീ​യ നി​രീ​ക്ഷ​ക​ർ വി​ല​യി​രു​ത്തി​യി​രു​ന്നു. നി​യ​മ​സ​ഭാം​ഗം, മ​ന്ത്രി എ​ന്നീ നി​ല​ക​ളി​ൽ ത​ക​ർ​ക്കാ​നാ​വാ​ത്ത റി​ക്കാ​ർ​ഡു​ക​ൾ​ക്കും ഉ​ട​മ​യാ​ണ് അ​ദ്ദേ​ഹം. അ​ധ്വാ​ന​വ​ർ​ഗ സി​ദ്ധാ​ന്ത​വും ആ​ലു​വ സാ​മ്പത്തി​ക പ്ര​മേ​യ​വും കേ​ര​ള വി​ക​സ​ന മാ​സ്റ്റ​ർ​പ്ലാ​നും കേ​ര​ള​ത്തി​നു സ​മ്മാ​നി​ച്ച നേ​താ​വു​മാ​ണ്.

തൊ​ഴി​ലാ​ളി​വ​ർ​ഗ്ഗ സ​ർ​വാ​ധി​പ​ത്യ​ത്തി​ല​ല്ല, അ​ധ്വാ​ന​വ​ർ​ഗ്ഗ മേ​ധാ​വി​ത്ത​ത്തി​ലാ​ണ് ലോ​ക​ത്തി​ന്‍റെ ഭാ​വി​യെ​ന്നു പ്ര​വ​ചി​ക്കു​ക​യും പ്ര​ച​രി​പ്പി​ക്കു​ക​യും ചെ​യ്ത നേ​താ​വാ​യി​രു​ന്നു കെ.​എം മാ​ണി. മാ​ക്സി​ന്‍റെ​യും ഏം​ഗ​ൽ​സി​ന്‍റെ​യും തൊ​ഴി​ലാ​ളി​വ​ർ​ഗ്ഗ സ​ർ​വാ​ധി​പ​ത്യ സി​ദ്ധാ​ന്ത​ത്തി​നു മ​ല​യാ​ള​ത്തി​ൽ​നി​ന്നു​ള്ള സാ​മ്പ​ത്തി​ക ശാ​സ്ത്ര മ​റു​പ​ടി​യാ​യി​രു​ന്നു കെ.​എം മാ​ണി അ​വ​ത​രി​പ്പി​ച്ച അ​ധ്വാ​ന​വ​ർ​ഗ്ഗ സി​ദ്ധാ​ന്തം. കാ​ല​ഹ​ര​ണ​പ്പെ​ട്ട ക​മ്യൂ​ണി​സ​ത്തി​നും മു​ത​ലാ​ളി​ത്ത വ്യ​വ​സ്ഥി​തി​ക്കും പ​ക​രം അ​വ​ത​രി​പ്പി​ക്ക​പ്പെ​ടു​ന്ന ഒ​രു രാ​ഷ്ട്രീ​യ സാ​മ്പ​ത്തി​ക ദ​ർ​ശ​ന​മാ​ണ് അ​ധ്വാ​ന​വ​ർഗ്ഗ സിദ്ധാ​ന്തം അ​ഥ​വാ ജ​ന​കീ​യ സോ​ഷ്യ​ലി​സം എ​ന്നാ​ണ് അ​ദ്ദേ​ഹം അ​വ​കാ​ശ​പ്പെ​ട്ടി​രു​ന്ന​ത്. ജ​നാ​ധി​പ​ത്യ സം​വി​ധാ​ന​ത്തി​നു​ള്ളി​ലെ സോ​ഷ്യ​ലി​സ്റ്റ് വ്യ​വ​സ്ഥി​തി​യാ​യ ജ​നകീ​യ സോ​ഷ്യ​ലി​സം യാ​ഥാ​ർ​ഥ്യ​മാ​ക്കാ​നു​ള്ള മാ​ർ​ഗം കൂ​ടി​യാ​ണെ​ന്ന് അ​ദ്ദേ​ഹം പ​റ​യു​ന്നു.

ക​മ്യൂ​ണി​സ​ത്തി​ന്‍റെ​യും കാ​പ്പി​റ്റ​ലി​സ​ത്തി​ന്‍റെ​യും ദോ​ഷ​വ​ശ​ങ്ങ​ൾ നി​രാ​കരി​ച്ച് സാ​മൂ​ഹ്യ സാ​മ്പ​ത്തി​ക സം​വി​ധാ​ന​ങ്ങ​ളെ ഏ​കീ​ഭ​വി​പ്പി​ക്കു​ന്ന രാ​ഷ്ട്രീ​യ സാ​മ്പ​ത്തി​ക സി​ദ്ധാ​ന്തം എ​ന്ന​താ​ണ് അ​ധ്വാ​ന​വ​ർഗ്ഗ സി​ദ്ധാ​ന്ത​ത്തി​ന്‍റെ പ്ര​സ​ക്തി. എ​ല്ലാ മാ​ന​വ​പ്ര​ശ്ന​ങ്ങ​ൾ​ക്കു​മു​ള്ള ഒ​റ്റ​മൂ​ലി എ​ന്ന​നി​ല​യി​ൽ ക​മ്യൂ​ണി​സ​ത്തെ ക​ണ്ട എ​ല്ലാ രാ​ഷ്ട്ര​ങ്ങ​ളും മു​ക്കാ​ൽ നൂ​റ്റാ​ണ്ടു​തി​ക​യു​ന്ന​തി​നു മു​മ്പ​ത​ന്നെ അ​തു ത​ള്ളിക്ക​ള​ഞ്ഞു. ജ​നാ​ധി​പ​ത്യ​മി​ല്ലാ​ത്ത സോ​ഷ്യ​ലി​സം സ​ർ​വാ​ധി​പ​ത്യ​ത്തി​ലേ​ക്കു വ​ഴു​തി​വീ​ഴും. സോ​ഷ്യ​ലി​സ​മി​ല്ലാ​ത്ത ജ​നാ​ധി​പ​ത്യം, രാ​ഷ്ട്ര​സ​മ്പ​ത്ത് ചു​രു​ക്കം ചി​ല​രു​ടെ കൈ​ക​ളി​ൽ കേ​ന്ദ്രീ​ക​രി​ച്ചു​കൊ​ണ്ട് ഒ​രു അ​സ​ന്തു​ലി​ത സ​മൂ​ഹ​ത്തി​ന്‍റെ സൃ​ഷ്ടി​ക്കു കാ​ര​ണ​മാ​കും. എ​ന്നാ​ൽ ജ​നാ​ധി​പ​ത്യ​വ്യ​വ​സ്ഥി​തി​ക്കു​ള്ളി​ൽ ഒ​രു സോ​ഷ്യ​ലി​സ്റ്റ് സാ​മൂ​ഹ്യ​ക്ര​മാ​യി​രു​ന്നു കെ.​എം മാ​ണി മു​ന്നോ​ട്ടു​വ​ച്ച സാ​മ്പ​ത്തി​ക സി​ദ്ധാ​ന്ത​ത്തി​ന്‍റെ കാ​ത​ൽ. വി​കസ​ന​മേ​ഖ​ല​ക​ളു​ടെ വ​സ്തു​നി​ഷ്ഠ​മാ​യ മു​ൻ​ഗ​ണ​നാ​ക്ര​മം നി​ർ​ണ​യി​ക്കു​ന്ന​തി​നും അ​ധ്വാ​ന​വ​ർ​ഗ്ഗ​ത്തി​ന്‍റെ മേ​ൽ​ക്കോ​യ്മ ഉ​റ​പ്പി​ക്കു​ന്ന​തി​നും ക​മ്യൂ​ണി​സ​ത്തി​ന​പ്പു​റ​മു​ള്ള ഒ​രു സ​മ്പ​ദ്ക്ര​മ​മാ​ണ് അ​ദ്ദേ​ഹം ഇ​തി​ലൂ​ടെ തേ​ടി​യ​ത്. ഇ​നി​യും ആ​ഴ​ത്തി​ൽ പ​ഠി​ക്കേ​ണ്ട ദ​ർ​ശ​ന​ങ്ങ​ളാ​ണ് അ​ധ്വാ​ന​വ​ർ​ഗ്ഗ സി​ദ്ധാ​ന്ത​ത്തി​ലൂ​ടെ മാ​ണിസാർ മ​ല​യാ​ളി​ക്ക് ന​ൽ​കി​യ​ത്. 

രാഷ്ട്രീയ തന്ത്രങ്ങളുടെ കളിത്തോഴൻ ആയിരുന്നപ്പോഴും കർഷകരെയും ,കർഷക തൊഴിലാളികളെയും എന്നും തന്നോട്‌ അടുപ്പിച്ച്‌ നിർത്താൻ മാണിസാറിന്‌ കഴിഞ്ഞിരുന്നു. ഇതാകട്ടെ വെറും ചെപ്പടി വിദ്യകൾ കൊണ്ടല്ല മറിച്ച്‌ അവർക്ക്‌ അർഹതപ്പെട്ടത്‌ അർഹതപ്പെട്ട സമയത്ത്‌ നൽകികൊണ്ട്‌ തന്നെയാണ്.കർഷകർക്ക്‌ പെൻഷൻ പ്രഖ്യാപിച്ച മാണിസാർ ക്യാൻസർ രോഗികൾക്കായി ലോട്ടറി വകുപ്പുമായി ചേർന്ന് ക്യാൻസർ ചികിൽസാ പദ്ധതി പ്രഖ്യാപിച്ചപ്പോൾ കേരള ചരിത്രത്തിൽ അതൊരു പുതിയ അദ്ധ്യായമാകുകയായിരുന്നു.

റബ്ബറിന്റെ വിലയിടിവുകൊണ്ട്‌ നട്ടം തിരിയുന്ന കർഷകർക്ക്‌ ആശ്വാസമായി റബ്ബർ വില സ്ഥിരതാ ഫണ്ടും ,സബ്സിഡിയും നൽകിയ കെ. എം. മാണി ഒരു യഥാർത്ഥ കർഷക സ്നേഹിയായി മാറി. ഇതൊക്കെയാണു കെ. എം. മാണിയുടെ ഭൗതിക ശരീരം വഹിച്ചുകൊണ്ടുള്ള വിലാപയാത്ര കടന്നുപോകുന്ന വഴികളിലൊക്കെ പാതിരാത്രിയിലും സ്ത്രീകളും ,കുട്ടികളും ഉൾപ്പെടെയുള്ളവർ വാഹനം തടഞ്ഞ്‌ നിർത്തി പ്രിയ നേതാവിനെ അവസാനമായി ഒന്ന് കാണുവാൻ ശ്രമിച്ചതിന്റെ കാരണവും.
ആശയപരമായി എതിർക്കുമ്പോഴും വ്യക്തിബണ്ഡങ്ങൾ നഷ്ടപ്പെടാതെ സൂക്ഷിക്കാൻ എന്നും കെ. എം. മാണി ശ്രമിച്ചിരുന്നു. അതുകൊണ്ടാണ് അദേഹവുമായി പലപ്പോഴും ശക്തമായി കലഹിച്ചിരുന്ന പി. സി. ജോർജ് ഒരിക്കൽ പറഞ്ഞത്‌ കെ. എം. മാണി നാളിതുവരെ എന്നെ ചീത്ത വിളിച്ചിട്ടില്ലായെന്ന്. ഇതാണ് കെ. എം. മാണിയുടെ വ്യക്തിത്വം.

ചിരിയെന്ന ആയുധം കൊണ്ട്‌ എത്‌ അസംതൃപ്തനെയും ,എതിരാളിയെയും കീഴടക്കാനുള്ള കഴിവായിരുന്നു മാണിസാറിന്റെ കൈയ്മുതൽ. രാഷ്ട്രീയ പ്രസംഗങ്ങളെ ജനം പുച്‌ഛിച്ച്‌ തള്ളുന്ന ഇക്കാലത്തും മാണിസാറിന്റെ ഒരോ പ്രസംഗങ്ങളും ഒരോ പുസ്തകങ്ങൾ ആയിരുന്നു. ബുദ്ധി ജീവികൾക്ക്‌ പോലും പoന വിഷയമാക്കാൻ തക്കവിധത്തിൽ ആഴത്തിലുള്ള ആശയങ്ങൾ അദേഹത്തിന്റെ പ്രസംഗങ്ങളിൽ ഉണ്ടായിരുന്നു.
അദേഹത്തിന്റെ അദ്ധ്വാന വർഗ്ഗ സിദ്ധാന്തം കമ്മ്യൂണിസ്റ്റ്‌ ചിന്തകർ പോലും ഇന്ന് ആഴത്തിൽ പഠിക്കാറുണ്ടെന്നുള്ളതാണ് സത്യം.

എതായാലും കടന്നുപോയ ആ മഹാ നേതാവിന്റെ നഷ്ടം നികത്താൻ ഇനി ആർക്ക്‌ കഴിയും എന്നത്‌ ഒരു വലിയ ചോദ്യമാണ്. രാഷ്ട്രീയത്തിന് പുതിയ മാനങ്ങൾ നൽകിയ ആ പ്രിയ നേതാവ് ഓർമ്മയായിട്ട് ഇന്ന് ഒരു വർഷം പൂർത്തീകരിക്കുന്നു. ആ പ്രിയ നേതാവിന്റെ പാവനസ്മരണയ്ക്ക് മുമ്പിൽ ശിരസ്സ് നമിക്കുന്നു.