ഒരു യമണ്ടന്‍ പ്രേമകഥയുമായി ദുല്‍ക്കര്‍ സല്‍മാന്‍ നിങ്ങള്‍ക്കു മുന്നിലെത്തുന്നു. ചിത്രത്തിന്റെ റിലീസ് തിയതി ഇന്ന് പ്രഖ്യാപിക്കുമെന്ന് ദുല്‍ഖര്‍ പറയുന്നു. വൈകീട്ട് ഏഴ് മണിക്ക് ഫേസ്ബുക്ക് ലൈവിലൂടെയായിരിക്കും റിലീസ് തിയതി പ്രഖ്യാപിക്കുക.
സോളോ, ജോമോന്‍റെ സുവിശേഷങ്ങള്‍ തുടങ്ങിയ ഹിറ്റ് ചിത്രങ്ങള്‍ക്കു ശേഷവും കര്‍വാന്‍, മഹാനടി തുടങ്ങിയ മറു ഭാഷാ ചിത്രങ്ങള്‍ക്ക് ശേഷവുമാണ് ദുല്‍ഖര്‍ മലയാളത്തിലെത്തുന്നത്. ഇത് നിങ്ങള്‍ ഉദ്ദേശിച്ച കഥ തന്നെ എന്നാണ് ഈ ചിത്രത്തിന്റെ ടാഗ്‌ലൈന്‍.
നവാഗതനായ ബി.സി നൗഫല്‍ ആണ് ചിത്രം സംവിധാനം ചെയ്യുന്നത്. ഹിറ്റ് കൂട്ടുകെട്ടായ ബിബിന്‍ ജോര്‍ജ്-വിഷ്ണു ഉണ്ണിക്കൃഷ്ണന്‍ എന്നിവരാണ് ചിത്രത്തിന് വേണ്ടി തിരക്കഥയൊരുക്കുന്നത്. സൗബിന്‍ സാഹിര്‍, വിഷ്ണു ഉണ്ണിക്കൃഷ്ണന്‍, സലിംകുമാര്‍ എന്നിവരും അഭിനയിക്കുന്നു.
