മുഖ്യമന്ത്രിയുമായി നടത്തിയ ചര്ച്ചയില് സന്തുഷ്ടരെന്ന് വ്യപാരി വ്യവസായി ഏകോപന സമിതി. എല്ലാ കാര്യങ്ങളും മുഖ്യമന്ത്രിയെ ബോധ്യപ്പെടുത്തി. പ്രശ്നങ്ങൾ പരിഹരിക്കാമെന്ന് മുഖ്യമന്ത്രി ഉറപ്പ് നൽകിയെന്നും വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി.നസറുദ്ദീന് പറഞ്ഞു. അനുകൂല തീരുമാനമുണ്ടാകുമെന്നാണ് പ്രതീക്ഷയെന്നും പ്രത്യക്ഷ സമരത്തിനില്ലെന്നും വ്യാപാരികള് വ്യക്തമാക്കി. കടകൾ തുറക്കുന്നത് സംബന്ധിച്ച് മുഖ്യമന്ത്രിയുടെ പ്രഖ്യാപനമുണ്ടാകും. ഇതിനു ശേഷമാകും തുടര് നടപടികള് സ്വീകരിക്കുക. ബക്രീദിന് വ്യാപാരികൾക്ക് അനുകൂലമായ തീരുമാനമെടുക്കുമെന്ന് മുഖ്യമന്ത്രി പറഞ്ഞതായും വ്യാപാരികള് വാര്ത്താസമ്മേളനത്തില് പറഞ്ഞു. ഓണം വരെ കടകള് തുറന്ന് പ്രവര്ത്തിക്കാന് അനുമതി നല്കണമെന്ന ആവശ്യവും മുഖ്യമന്ത്രി അംഗീകരിച്ചു. വൈദ്യുതി ചാര്ജ്ജ്, സെയില്സ് ടാക്സി, ജി.എസ്.ടി അപാകതകള്, ക്ഷേമനിധി സംബന്ധിച്ച വിഷയങ്ങള് എന്നിവയില് പരിഹാരമുണ്ടാക്കുമെന്നും മുഖ്യമന്ത്രി ഉറപ്പു നല്കിയെന്ന് വ്യാപാരികള് അറിയിച്ചു. അതേസമയം, വ്യാപാരികളെ ഭീഷണിപ്പെടുത്തിയിട്ടില്ലെന്ന് മുഖ്യമന്ത്രി പറഞ്ഞതായും വ്യാപാരികള് കൂട്ടിച്ചേര്ത്തു. വ്യാപാരികളുടെ സെക്രട്ടേറിയറ്റ് യോഗം തിരുവനന്തപുരത്ത് പുരോഗമിക്കുകയാണ്. നിയന്ത്രണങ്ങള് ലംഘിച്ച് കടകള് തുറന്ന് പ്രവര്ത്തിക്കുമെന്ന് വ്യാപാരികള് നിലപാടെടുത്തതോടെ വ്യാപാരികളും സര്ക്കാരും തമ്മില് ഏറ്റുമുട്ടലിന്റെ വക്കിലെത്തിയിരുന്നു. ഇതിനു പിന്നാലെയാണ് പ്രശ്നപരിഹാരത്തിന്റെ ഭാഗമായി ചര്ച്ച നടന്നത്.
Related News
തോല്വിയുടെ പശ്ചാത്തലത്തില് തെറ്റ് തിരുത്തല് നടപടികളുമായി സി.പി.എം; പാര്ട്ടി പ്രവര്ത്തകര് ഗൃഹസന്ദര്ശനം നടത്തും
തെരഞ്ഞെടുപ്പ് തോല്വിയുടെ പശ്ചാത്തലത്തില് തെറ്റ് തിരുത്തല് നടപടികളുമായി സി.പി.എം. ജൂലൈ 22 മുതല് 28 വരെ പാര്ട്ടി പ്രവര്ത്തകര് ഗൃഹസന്ദര്ശനം നടത്തി ജനങ്ങള്ക്ക് പറയുള്ളത് കേട്ട്, കഴിഞ്ഞ കാല സംഭവങ്ങളുടെ വസ്തുത വീശദീകരിക്കുമെന്ന് സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു. തുടര്ച്ചയായ പ്രവര്ത്തനങ്ങളിലൂടെ ജനങ്ങള്ക്കുണ്ടായ തെറ്റിദ്ധാരണ മാറ്റുമെന്നും കോടിയേരി പറഞ്ഞു. ലോക്സഭ തെരഞ്ഞെടുപ്പിലെ കനത്ത തോല്വിയില് നിന്ന് കരകയറാന് വേണ്ടിയുള്ള തിരുത്തല് നടപടികളാണ് മൂന്ന് ദിവസം നീണ്ട് നിന്ന് നേതൃയോഗങ്ങള് തയ്യാറാക്കിയത്.ജൂലൈ 3,4,5 തിയതികളില് മൂന്ന് മേഖലയോഗങ്ങള് […]
തൃശൂർ പൂരം ചടങ്ങുകൾ മാത്രമായി നടത്തും
തൃശൂർ പൂരം ചടങ്ങുകൾ മാത്രമായി നടത്താൻ ധാരണ. പൂരത്തിൽ പൊതുജനങ്ങളെ പ്രവേശിപ്പിക്കില്ല. ചീഫ് സെക്രട്ടറിയുമായി നടന്ന യോഗത്തിലാണ് തീരുമാനം. ദേവസ്വം ഭാരവാഹികൾ ഈ നിർദ്ദേശം അംഗീകരിച്ചിട്ടുണ്ട്. ഘടക ക്ഷേത്രങ്ങളുടെ പൂരത്തിലും ചടങ്ങുകളിലും എത്ര പേരെ പങ്കെടുപ്പിക്കാം എന്നത് അടക്കമുള്ള കാര്യങ്ങളിൽ ഇനിയും വ്യക്തത വരേണ്ടതുണ്ട്. പൂരം നടത്തിപ്പുകാർ, സംഘാടകർ, ആന പാപ്പാന്മാർ തുടങ്ങിയ ആളുകൾക്കാവും പൂരപ്പറമ്പിലേക്ക് പ്രവേശനം ഉണ്ടാവുക. മറ്റാർക്കും പൂരപ്പറമ്പിലേക്ക് പ്രവേശനം ഉണ്ടാവില്ല. മാർഗനിർദ്ദേശങ്ങൾ സംബന്ധിച്ച അന്തിമ തീരുമാനം എടുക്കാൻ ഒരു മെഡിക്കൽ സംഘത്തെ ചീഫ് […]
സംസ്ഥാനത്ത് ഇന്ന് 2476 പേര്ക്ക് കോവിഡ് സ്ഥിരീകരിച്ചു
13 മരണങ്ങളാണ് ഇന്ന് കോവിഡ്-19 മൂലമാണെന്ന് സ്ഥിരീകരിച്ചത്. അതേസമയം രോഗം സ്ഥിരീകരിച്ച് ചികിത്സയിലായിരുന്ന 1351 പേരുടെ പരിശോധനാഫലം നെഗറ്റീവ് ആയി സംസ്ഥാനത്ത് ഇന്ന് 2476 പേര്ക്ക് കോവിഡ്-19 സ്ഥിരീകരിച്ചു. തിരുവനന്തപുരം ജില്ലയില് നിന്നുള്ള 461 പേര്ക്കും, മലപ്പുറം ജില്ലയില് നിന്നുള്ള 352 പേര്ക്കും, കോഴിക്കോട് ജില്ലയില് നിന്നുള്ള 215 പേര്ക്കും, തൃശൂര് ജില്ലയില് നിന്നുള്ള 204 പേര്ക്കും, ആലപ്പുഴ, എറണാകുളം ജില്ലകളില് നിന്നുള്ള 193 പേര്ക്ക് വീതവും, പത്തനംതിട്ട ജില്ലയില് നിന്നുള്ള 180 പേര്ക്കും, കോട്ടയം ജില്ലയില് […]