ഗോൾഡൻ ഡ്രീംസ് ഇവന്റസ് കമ്പനിയും, എഫ്.എം സ്റ്റുഡിയോ പ്രൊഡക്ഷൻസും ചേർന്ന് അവതരിപ്പിക്കുന്ന ””തിരുവോണപ്പുലരി” എന്ന ഓണം മ്യൂസിക് ആൽബം മലയാളത്തിന്റെ പ്രിയ താരം ജയസൂര്യ പ്രകാശനം ചെയ്തു.
പ്രശസ്ത ഗായകരായ അഫ്സൽ, രഞ്ജിനി ജോസ് , വൈഷ്ണവ് ഗിരീഷ് തുടങ്ങിയവർ ആലപിച്ച ഗാനത്തിന്റെ സംഗീത സംവിധാനം നിർവ്വഹിച്ചിരിക്കുന്നത് പ്രശസ്ത വയലിനിസ്റ്റും, സംഗീത സംവിധായകനുമായ ഫായിസ് മുഹമ്മദാണ്. രചന നിർവ്വഹിച്ചിരിക്കുന്നത് ശ്രീ രാജ് എ എസ് ആണ്. കൂടാതെ മലയാളത്തിലെ പ്രശസ്ത നടിയും നർത്തകിയുമായ രചന നാരായണൻ കുട്ടിയും വീഡിയോ ആൽബത്തിൽ പങ്കുചേർന്നിട്ടുണ്ട്.
ഈ വീഡിയോ ആൽബം നിർമ്മിച്ചിരിക്കുന്നത് സിൻജോ നെല്ലിശ്ശേരിയും, ജിയോ നെല്ലിശ്ശേരിയുമാണ്.ഛായാഗ്രഹണം ഫെബിൻ തോമസാണ് നിർവഹിച്ചിരിക്കുന്നത്.ആശയവും സംവിധാനവും ഫായിസ് മുഹമ്മദിന്റേതാണ്.ഇത്രയും കലാകാരന്മാരെ അണിനിരത്തിയുള്ള ഓണം മ്യൂസിക്കൽ ആൽബം മലയാളത്തിൽ ഒരു പുതിയനുഭവമായിരിക്കുമെന്ന് .പ്രൊജക്റ്റ് മാനേജർ ടോമി തൊണ്ടാംകുഴിയും പ്രൊജക്റ്റ് ഡിസൈനർ കൃഷ്ണദാസ് മേനോനും അഭിപ്രായപ്പെട്ടു
