ഇന്‍ഡോര്‍ ടെസ്റ്റ് ; ബംഗ്ലാദേശിനെതിരായ ടെസ്റ്റ് പരമ്ബരയിലെ ആദ്യ മത്സരത്തില്‍ ഇന്ത്യയ്ക്ക് ഒരു ഇന്നിങ്സിന്റെയും 130 റണ്‍സിന്റെയും തകര്‍പ്പന്‍ വിജയം. 343 റണ്‍സിന്റെ ലീഡ് വഴങ്ങി രണ്ടാം ഇന്നിങ്സില്‍ ബാറ്റിങിനിറങ്ങിയ ബംഗ്ലാദേശിന് 213 റണ്‍സ് എടുക്കുന്നതിനിടെ മുഴുവന്‍ വിക്കറ്റുകളും നഷ്ട്ടമായി. നാല് വിക്കറ്റ് നേടിയ മൊഹമ്മദ് ഷാമിയും മൂന്ന് വിക്കറ്റ് നേടിയ രവിചന്ദ്രന്‍ അശ്വിനുമാണ് ബംഗ്ലാദേശിനെ തകത്തത്. ഉമേഷ് യാദവ് രണ്ട് വിക്കറ്റും ഇഷാന്ത് ശര്‍മ്മ ഒരു വിക്കറ്റും നേടി.
64 റണ്‍സ് നേടിയ മുഷ്ഫിഖുര്‍ റഹിം മാത്രമാണ് ബംഗ്ലാദേശ് നിരയില്‍ ഭേദപ്പെട്ട പ്രകടനം കാഴ്ച്ചവെച്ചത്. വിക്കറ്റ് കീപ്പര്‍ ലിറ്റണ്‍ ദാസ് 35 റണ്‍സും മെഹിദി ഹസന്‍ 38 റണ്‍സും നേടി.
നേരത്തെ ആദ്യ ഇന്നിങ്സില്‍ ഇന്ത്യ 493 റണ്‍സ് നേടി ഡിക്ലയര്‍ ചെയ്തിരുന്നു. 243 റണ്‍സ് നേടിയ മായങ്ക് അഗര്‍വാള്‍, 86 റണ്‍സ് നേടിയ വൈസ് ക്യാപ്റ്റന്‍ അജിങ്ക്യ രഹാനെ, 60 റണ്‍സ് നേടിയ രവീന്ദ്ര ജഡേജ, 54 റണ്‍സ് നേടിയ ചേതേശ്വര്‍ പുജാര എന്നിവരാണ് ഇന്ത്യയെ മികച്ച സ്കോറില്‍ എത്തിച്ചത്.
