വെസ്റ്റിന്‍ഡീസിനെതിരായ രണ്ടാം ഏകദിനത്തില്‍ ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യ കൂറ്റന്‍ സ്‌കോറിലേക്ക്. 34 ഓവര്‍ പിന്നിടുമ്ബോള്‍ ഇന്ത്യ വിക്കറ്റ് നഷ്ടം കൂടാതെ 203 റണ്‍സെന്ന നിലയിലാണ്. രോഹിത് ശര്‍മ്മ സെഞ്ചുറി നേടിയപ്പോള്‍ 95 റണ്‍സുമായി കെ.എല്‍ രാഹുല്‍ ക്രീസിലുണ്ട്.രോഹിതിന്റെ കരിയറിലെ 28-ാം ഏകദിന സെഞ്ചുറിയാണിത്‌.
ശിവം ദുബെയ്ക്ക് പകരം ശര്‍ദ്ദുല്‍ ഠാക്കൂറാണ് ഇന്ത്യന്‍ നിരയില്‍ കളിക്കുന്നത്. ടോസ് നേടിയ വിന്‍ഡീസ് ഇന്ത്യയെ ബാറ്റിങ്ങിന് അയക്കുകയായിരുന്നു.
ആദ്യ ഏകദിനത്തില്‍ ഇന്ത്യ വിന്‍ഡീസിനോട് തോറ്റിരുന്നു. എട്ടു വിക്കറ്റിനായിരുന്നു വെസ്റ്റിന്‍ഡീസിന്റെ ജയം. ആദ്യം ബാറ്റുചെയ്ത ഇന്ത്യ 287 റണ്‍സടിച്ചിട്ടും വെസ്റ്റിന്‍ഡീസിന്റെ ജയം അനായാസമായിരുന്നു.
സ്വന്തം നാട്ടില്‍ ഇന്ത്യ അവസാനം കളിച്ച പരമ്ബരയില്‍, ഓസ്‌ട്രേലിയയോട് (3-2) തോറ്റിരുന്നു. നാട്ടില്‍ തുടര്‍ച്ചയായി രണ്ട് പരമ്ബരനഷ്ടം എന്ന നാണക്കേട് ഒഴിവാക്കാന്‍ കോലി പരമാവധി ശ്രമിക്കും.
