സാമൂഹ്യപ്രതിബന്ധതയുള്ള കേരളത്തിലെ ഏറ്റവും മികച്ച വ്യവസായിയും , അവയയദാനത്തിന്റെ മഹത്വം സ്വന്തം ജീവിതത്തിലൂടെ സമൂഹത്തിന് കാട്ടിക്കൊടുത്ത മനുഷ്യസ്നേഹിയുമായ ശ്രീ കൊച്ചൗസേഫ് ചിറ്റിലപ്പള്ളി ജൂൺ ഇരുപതു ശനിയാഴ്ച്ച യൂറോപ്പ് സമയം അഞ്ചുമണിക്ക് വേൾഡ് മലയാളീ കൗൺസിൽ സ്വിസ്സ് പ്രൊവിൻസിന്റെ ഫെയ്‌സ്ബുക്ക് പേജിൽ ലൈവായി എത്തുന്നു …
സ്വന്തം വൃക്ക ദാനം ചെയ്ത മനുഷ്യസ്നേഹി; സർക്കാറിലേക്ക് നികുതി അടയ്ക്കുന്നതിൽ വീഴ്ച്ച വരുത്താത്ത വ്യാവസായി; തെരുവുനായ ശല്യത്തിനെതിരെ ശക്തമായ ഇടപെടൽ നടത്തിയ സാമൂഹ്യപ്രവർത്തകൻ: കൊച്ചൗസേഫ് ചിറ്റിലപ്പള്ളിക്കാ
എല്ലാവരും വ്യവസായം ചെയ്യുന്നത് ലാഭം ലക്ഷ്യമിട്ട് തന്നെയാണ്. കൊച്ചൗസേഫ് ചിറ്റിലപള്ളിയും ഈ തത്വത്തിൽ തന്നെ വിശ്വസിക്കുന്ന വ്യക്തിയാണ്. എന്നാൽ, ഇതിനായി വളഞ്ഞ വഴി സഞ്ചരിക്കാനോ ക്രമക്കേടുകൾ നടത്താനോ നികുതി വെട്ടിക്കാനോ അദ്ദേഹവും അദ്ദേഹത്തിന്റെ പ്രസ്ഥാനമായ വീഗാർഡ്സും തയ്യാറല്ല. തങ്ങൾ വളരുമ്പോൾ അതിനൊപ്പം തങ്ങളുടെ സമൂഹവും വളരണം എന്ന ചിന്താഗതിയാണ് കൊച്ചൊസേഫ് ചിറ്റിലപ്പള്ളിയെന്ന വ്യവസായിയെ കേരള ജനതയുടെ പ്രിയങ്കരനാക്കിയത്. എന്നും തനിക്ക് ശരിയെന്ന് തോന്നുന്ന പക്ഷത്ത് അടിയുറച്ച് നിൽക്കുന്ന കൊച്ചൗസേഫ് ചിറ്റിലപ്പള്ളിയെ മലയാളികൾക്ക് പ്രത്യേകം പരിചയപ്പെടുത്തേണ്ട ആവശ്യമില്ല.
തൃശ്ശൂർ പറപ്പൂർ സ്വദേശിയയാണ് കൊച്ചൗസേഫ് ചിറ്റിലപ്പള്ളി. സാധാരണക്കാരനിൽ നിന്നും കഠിനാധ്വാനം കൊണ്ട് പടിപടിയായി ഉയർന്ന് ഇന്ന് കേരളത്തിലെ ഏറ്റവും മികച്ച കമ്പനിയുടെ ഉടമയായി മാറിയ വ്യക്തിയാണ് അദ്ദേഹം. 1970ൽ തൃശ്ശൂർ സെന്റ് തോമസ് കോളേജിൽ നിന്നു ഭൗതിക ശാസ്ത്രത്തിൽ ബിരുദാനന്തര ബിരുദം നേടി. ഇലക്ട്രോണിക് സ്റ്റബിലൈസറുകൾ നിർമ്മിക്കുന്ന ‘ടെലിക്സ്’ എന്ന കമ്പനിയിൽ സൂപ്പർവൈസർ ആയാണ് കൊച്ചൗസേഫ് ചിറ്റിലപ്പിള്ളി ഔദ്യോഗിക ജീവിതം ആരംഭിച്ചത്
1977 ൽ പിതാവിൽ നിന്ന് കടം വാങ്ങിയ ഒരു ലക്ഷം രൂപയും രണ്ടു തൊഴിലാളികളുമായി ഇലക്ട്രോണിക് സ്റ്റബിലൈസറുകൾ നിർമ്മിച്ച് വിപണനം ചെയ്യുന്നതിനായി ഒരു എസ്എസ്ഐ യൂണിറ്റ് ആരംഭിക്കുകയുണ്ടായി. അക്കാലയളവിൽ കേരളത്തിൽ ആരംഭിച്ച ടെലിവിഷൻ ബൂം, കടുത്ത വോൾട്ടേജ് ക്ഷാം എന്നിവ സ്റ്റബിലൈസറുകൾക്ക് മികച്ച വിപണി നേടികൊടുത്തു. ഇന്ന് അത് വിഗാർഡ് ഇൻഡസ്ട്രീസ് എന്ന 2000 ത്തിലേറെ തൊഴിലാളികളും 300 കോടിയിലധികം വിറ്റു വരവുമുള്ള ലിസ്റ്റഡ് കമ്പനിയായി മാറിയിരിക്കുന്നു. ഇലക്ട്രോണിക് സ്റ്റബിലൈസറുകൾക്ക് പുറമേ ഇലക്ട്രിക്ക് പമ്പ്, വാട്ടർ ഹീറ്ററുകൾ,കേബിളുകൾ, യു.പി.എസ്, ഫാനുകൾ തുടങ്ങിയവയും കമ്പനി ഉൽപ്പാദിപ്പിക്കുന്നു
ഇതിലുപരി സാമൂഹിക സേവന രംഗത്തും ചിറ്റിലപ്പള്ളി സജീവമാണ്. നോക്കുകൂലിയുമായി ബന്ധപ്പെട്ട് ചുമട്ടു തൊഴിലാളികളുടെ സഹായമില്ലാതെ കമ്പനിയിലേയ്ക്ക് സാധനങ്ങൾ സ്വയം ഇറക്കിയും തന്റെ വൃക്ക ദാനം ചെയ്തും മുല്ലപെരിയാർ അണക്കെട്ട് ബലപ്പെടുത്തുന്നതിനുള്ള നിർദ്ദേശങ്ങൾ മുന്നോട്ടുവച്ചും അതിനു പണം മാറ്റി വച്ചും കൊച്ചൗസേഫ് ചിറ്റിലപ്പിള്ളി വ്യാപക മാദ്ധ്യമ ശ്രദ്ധ നേടുകയുണ്ടായി. സ്വന്തം ഓഫീസിനെ ഹരിത സൗഹാർദ്ദമാക്കിയും കൈയടി നേടി. തെരുവ് നായ വിഷയത്തിലും സർക്കാരിനെതിരെ രംഗത്തുവന്നു. ചിറ്റലപ്പള്ളിയുടെ നിരാഹാര സത്യാഗ്രഹം ശ്രദ്ധിക്കപ്പെട്ടു.
അവയയദാനത്തിന്റെ മഹത്വം സ്വന്തം ജീവിതത്തിലൂടെ സമൂഹത്തിന് കാട്ടിക്കൊടുത്താണ് സാമൂഹ്യ സേവന രംഗത്തുകൊച്ചൗസേഫ് ചിറ്റിലപ്പള്ളി കൂടുതൽ ശ്രദ്ധ നേടിയത്. സ്വന്തം വൃക്ക ദാനം ചെയ്ത് മാതൃക കാട്ടിയ അദ്ദേഹത്തെ അന്ന് മലയാളികൾ അത്ഭുതത്തോടെയാണ് നോക്കിക്കണ്ടത്. കിഡ്നി വ്യാപാരത്തിലൂടെ ജീവൻ വിലക്ക് വാങ്ങിയും വിറ്റും കോടികളുടെ വരുമാനമുണ്ടാക്കുന്ന ഒരു മാഫിയ തന്നെ കേരളത്തിൽ ഉള്ളപ്പോഴാണ് കൊച്ചൗസേഫ് ചിറ്റിലപ്പള്ളി വൃക്ക ദാനം ചെയ്തത്. ട്രക്ക് ഡ്രൈവറായ ഈരാറ്റുപേട്ട സ്വദേശി ജോയിക്കാണ് വീ ഗാർഡ് ഉടമയുടെ കിഡ്നി ലഭിച്ചതും ജീവിതത്തിലേക്ക് തിരികെ കയറിയതും.
ഈ സംഭവത്തിന് ശേഷം അവയവദാനവുമായി ബന്ധപ്പെട്ട ബോധവൽക്കരണത്തിനായി ക്യാമറയ്ക്കു മുന്നിൽ ആദ്യമായി ചായംപൂശിയും അദ്ദേഹമെത്തി. നേത്രദാനത്തെക്കുറിച്ചുള്ള ഹ്രസ്വ ചിത്രത്തിൽ അഭിനയിക്കുകയായിരുന്നു അദ്ദേഹം. ഇത് കൂടാത കേരളത്തിലെ പല ദുഷ്പ്രവണതകൾക്ക് എതിരെയും കൊച്ചൗസേഫ് ചിറ്റിലപ്പള്ളി പ്രതികരിച്ചു. ഹർത്താലിനെതിരെ നിരന്തരം ശബ്ദമായുർത്തി അദ്ദേഹം. ഏറ്റവും ഒടുവിൽ ആക്രമണകാരികളായ തെരുവു നായ്ക്കളെ നിയന്ത്രിക്കാൻ അധികാരികൾ തയ്യാറാകണം എന്നാവശ്യപ്പെട്ടായിരുന്നു അദ്ദേഹത്തിന്റെ സമരം.
തെരുവുനായ വിമുക്ത കേരളം എന്ന മുദ്രാവാക്യമുയർത്തി സ്ട്രേ ഡോഗ് ഫ്രീ മൂവ്മെന്റിന്റെ നേതൃത്വത്തിൽ കൊച്ചൗസേപ്പ് ചിറ്റിലപ്പിള്ളി നടത്തുന്ന കൊച്ചിയിൽ 24 മണിക്കൂർ സൂചനാ നിരാഹാര സമരമാണ് നടത്തിയത്. മൃഗസ്നേഹി എന്നവകാശപ്പെടുന്ന മേനകാ ഗാന്ധിയുടേത് കപടമൃഗസ്നേഹമാണ്. പ്രതിമാസം കോടിക്കണക്കിന് രൂപയുടെ പേവിഷ മരുന്നുകൾ ഇന്ത്യയിൽ വിറ്റഴിയുന്നുണ്ട്. ഇതിന്റെ ഒരോഹരി മേനകാ ഗാന്ധിയുടെ പേരിലുള്ള ട്രസ്റ്റിൽ എത്തുന്നുണ്ടെന്നും ചിറ്റിലപ്പള്ളി ആരോപിച്ചു. രാഷ്ട്രീയക്കാർ പോലും മടിച്ചു നിന്നിടത്തായിരുന്നു കൊച്ചൗസേഫ് ചിറ്റിലപ്പള്ളി സഹായവുമായി എത്തിയത്.
മനുഷ്യത്വത്തിന് വിലകൽപ്പിക്കുന്ന ബിസിനസുകാരൻ എന്ന നിലയിലും ശ്രദ്ധേയനാണ് അദ്ദേഹം. കോഴിക്കോട് മാൻഹോളിൽ മരണപ്പെട്ട നൗഷാദിന് സഹായവുമായും കൊച്ചൗസേഫ് ചിറ്റിലപ്പള്ളിയെത്തി. സോഷ്യൽമീഡിയയിലും സജീവമാണ് അദ്ദേഹം. പലപ്പോഴും തെറ്റിനെതിരെ മുഖം നോക്കാതെ പ്രതികരിക്കുകയും ചെയത്ു ചിറ്റിലപ്പള്ളി.
