ന്യൂഡല്‍ഹി: കള്ളപ്പണം വെളുപ്പിക്കല്‍ കേസില്‍ അറസ്റ്റിലായ കോണ്ഗ്രസ് നേതാവ് ഡി.കെ ശിവകുമാറിനെ സോണിയ ഗാന്ധി സന്ദര്‍ശിച്ചു. മുതിര്‍ന്ന നേതാവ് അംബിക സോണിക്കൊപ്പമാണ് ബുധനാഴ്ച രാവിലെ സോണിയ ഗാന്ധി തിഹാര്‍ ജയലില്‍ എത്തി ശിവകുമാറിനെ സന്ദര്‍ശിച്ചത്. ശിവകുമാറിന്‍റെ സഹോദരന്‍ ഡി.കെ സുരേഷും ഇവര്‍ക്കൊപ്പമുണ്ടായിരുന്നു.
പാര്‍ട്ടി ശിവകുമാറിനൊപ്പമുണ്ടെന്നും എല്ലാ പിന്തുണയും അദ്ദേഹത്തിനുണ്ടാകുമെന്നും സോണിയ ഉറപ്പ് നല്‍കിയതായി സുരേഷ് മാധ്യമപ്രവര്‍ത്തകരോട് പറഞ്ഞു.
