കോഴിക്കോട്: ആധുനിക സൗകര്യങ്ങളോടെ നവീകരിച്ച കോഴിക്കോട് ലീഗ് ഹൗസ് ഉദ്ഘാടനവും മുസ്ലിം ലീഗ് സ്ഥാപക ദിനാഘോഷ സമ്മേളനവും ബുധനാഴ്ച രാവിലെ 10 മണിക്ക്. മുസ്ലിം ലീഗ് സംസ്ഥാന ആസ്ഥാന മന്ദിരത്തിന്റെ ഉദ്ഘാടനവും സ്ഥാപക ദിന പതാക ഉയർത്തലും പാണക്കാട് സയ്യിദ് ഹൈദരലി ശിഹാബ് തങ്ങൾ നിർവ്വഹിക്കും. സ്ഥാപക ദിന സമ്മേളനം ദേശീയ പ്രസിഡന്റ് പ്രൊഫ.കെ.എം ഖാദർ മൊയ്തീൻ ഉദ്ഘാടനം ചെയ്യും.
ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി മുഖ്യ പ്രഭാഷണം നിർവ്വഹിക്കും. തമിഴ്നാട് സംസ്ഥാന പ്രിൻസിപ്പൽ വൈസ് പ്രസിഡന്റും മുൻ എം.പിയുമായ അബ്ദുറഹിമാൻ ഖാഇദെമില്ലത്ത് അനുസ്മരണ പ്രഭാഷണം നിർവ്വഹിക്കും. ദേശീയ ഓർഗനൈസിംഗ് സെക്രട്ടറി ഇ.ടി മുഹമ്മദ് ബഷീർ എം.പി, ട്രഷറർ പി.വി അബ്ദുൽ വഹാബ് എം.പി, സംസ്ഥാന ജനറൽ സെക്രട്ടറി കെ.പി.എ മജീദ്, ഉന്നതാധികാര സമിതി അംഗം പാണക്കാട് സയ്യിദ് സാദിഖലി ശിഹാബ് തങ്ങൾ, എം.പി അബ്ദുസ്സമദ് സമദാനി, നിയമസഭാ പാർട്ടി ലീഡർ ഡോ.എം.കെ മുനീർ, പോഷക ഘടകം സംസ്ഥാന പ്രസിഡന്റുമാരായ പാണക്കാട് സയ്യിദ് മുനവ്വറലി ശിഹാബ് തങ്ങൾ, പി.കെ നവാസ്, സുഹ്റ മമ്പാട്, അഹമ്മദ് കുട്ടി ഉണ്ണിക്കുളം, യു.സി രാമൻ, കുറുക്കോളി മൊയ്തീൻ, ഹനീഫ മൂന്നിയൂർ, കെ.എം.സി.സി നേതാക്കൾ സംസാരിക്കും.
