ബിഎസ്എന്‍എല്‍ എഞ്ചിനിയേഴ്‌സ് സഹകരണ സംഘം തട്ടിപ്പിൽ നിക്ഷേപകരുടെ വിവരങ്ങൾ സംബന്ധിച്ച രേഖകളും രജിസ്റ്ററുമില്ല. ഇതോടെ നിക്ഷേപകരെ കണ്ടെത്താന്‍ പരസ്യം നല്‍കിയിരിക്കുകയാണ് അന്വേഷണ സംഘം.
ഇന്ന് മുതല്‍ 2023 ജനുവരി 23 വരെ നിക്ഷേപങ്ങളുടെ കണക്ക് അറിയിക്കാൻ ആവശ്യപ്പെട്ടാണ് പരസ്യം. നിക്ഷേപത്തിന്റേയും അംഗത്വത്തിന്റേയും അസല്‍ രേഖകളുമായി ഹാജരാകണം. നിക്ഷേപ രസീതും പാസ് ബുക്കും ഹാജരാക്കണം. ഇല്ലെങ്കില്‍ നിക്ഷേപത്തില്‍ കണക്കാക്കില്ലെന്നും അന്വേഷണ സംഘം പരസ്യത്തിൽ വ്യക്തമാക്കുന്നു.
