കഴിഞ്ഞ 24 മണിക്കൂറിനുള്ളില് ബിഹാറിലെ ദര്ഭംഗ മെഡിക്കല് കോളേജില് മരിച്ചത് നാല് കുഞ്ഞുങ്ങള്. ഇവരില് ഒരാള്ക്ക് കോവിഡ് സ്ഥിരീകരിച്ചുവെന്ന് ആശുപത്രി അധികൃതരെ ഉദ്ധരിച്ച് വാര്ത്താ ഏജന്സിയായ എ.എന്.ഐ റിപ്പോര്ട്ട് ചെയ്യുന്നു. കുട്ടികള്ക്ക് ശ്വാസതടസമുണ്ടാവുകയും ന്യൂമോണിയയുടെ ലക്ഷണങ്ങള് കാണിച്ചതായും ഡി.എം.സി.എച്ച് പ്രിന്സിപ്പാള് പറഞ്ഞു. നാല് പേരുടെയും നില ഗുരുതരമായിരുന്നുവെന്നും പ്രിന്സിപ്പാള് കൂട്ടിച്ചേര്ത്തു. വടക്കന് ബിഹാറിലെ ഏറ്റവും വലിയ ആശുപത്രികളിലൊന്നാണ് ദര്ഭംഗ മെഡിക്കല് കോളേജ്. എന്നാല് അടിസ്ഥാന സൌകര്യങ്ങളുടെ അപര്യാപ്തത മൂലം ആശുപത്രി ഈയിടെ വാര്ത്തകളില് ഇടംപിടിച്ചിരുന്നു. ”ലോകം മുഴുവൻ ഡി.എം.സി.എച്ചിന്റെ ദുരവസ്ഥ കാണുന്നു” എന്നും മുഖ്യമന്ത്രി നിതീഷ് കുമാര് മെഡിക്കല് കോളേജിന്റെ അവസ്ഥ കാണണമെന്നും ആര്.ജെ.ഡി നേതാവ് തേജസ്വി യാദവ് ട്വീറ്റിലൂടെ ആവശ്യപ്പെട്ടിരുന്നു.
Related News
നിയമവകുപ്പിലെ ലീഗൽ അസിസ്റ്റന്റ് ഒഴിവുകൾ റിപ്പോർട്ട് ചെയ്യാന് മുഖ്യമന്ത്രിയുടെ നിര്ദ്ദേശം
നിയമവകുപ്പിലെ ലീഗൽ അസിസ്റ്റന്ഡ് ഒഴിവുകൾ പരിശോധിച്ച് റിപ്പോർട്ട് നല്കാന് അഡ്മിനിസ്ട്രേറ്റീവ് വിജിലൻസ് വിഭാഗത്തോട് മുഖ്യമന്ത്രിയുടെ നിര്ദേശം. നിയമ വകുപ്പിലെ ലീഗല് അസിസ്റ്റന്റ് ഒഴിവുകൾ പി.എസ്.സിക്ക് റിപ്പോർട്ട് ചെയ്യാതെ പൂഴ്ത്തിവെക്കുന്നതായി മീഡിയവൺ റിപ്പോർട്ട് ചെയ്തിരുന്നു. മുഖ്യമന്ത്രിയുടെ നിർദ്ദേശപ്രകാരം നേരത്തെയും പരിശോധന നടത്തിയെങ്കിലും നിയമവകുപ്പ് പൂർണമായി വിവരങ്ങൾ കൈമാറിയിരുന്നില്ല.
ബജറ്റ് 2022: നികുതി ഇളവ് പ്രതീക്ഷിച്ച് ടെക് മേഖല
കേന്ദ്രബജറ്റ് അവതരണത്തിന് ഇനി ഏതാനും ദിവസങ്ങള് മാത്രമാണ് ബാക്കിയുള്ളത്. ബജറ്റിനെക്കുറിച്ചുള്ള പ്രതീക്ഷകളും കണക്കുകൂട്ടലുകളും വിപണി തകൃതിയായി നടത്തി വരികയാണ്. കൊവിഡ് മഹാമാരിയുടെ പശ്ചാത്തലത്തില് ലോകമെമ്പാടും ടെക്നോളജിയുടെ ഡിമാന്റ് വര്ധിച്ചതായി വാര്ത്തകള് വന്നിരുന്നു. ഇതിന്റെ കൂടി അടിസ്ഥാനത്തില് ഇത്തവണ ടെക് മേഖലയുടെ വികസനത്തിനായി നികുതി ഇളവ് ഉള്പ്പെടെയുള്ള കൈത്താങ്ങ് സര്ക്കാരിന്റെ ഭാഗത്തുനിന്നും ഉണ്ടാകുമെന്നാണ് ടെക് കമ്പനികളുടെ പ്രതീക്ഷ. ചൈന, തായ്ലന്ഡ് മുതലായ രാജ്യങ്ങളോട് കിടപിടിക്കും വിധത്തില് രാജ്യത്തിന്റെ ടെക് മേഖലയെ ഉയര്ത്തിക്കൊണ്ടുവരാനുള്ള ആലോചന ദീര്ഘകാലമായി നടന്നുവരികയായിരുന്നു. ഇതിന്റെ ഭാഗമായി […]
അതിർത്തിയിൽ ഇടറോഡുകൾ അടച്ച് തമിഴ്നാട്; പൊലീസ് പരിശോധന കർശനമാക്കി
തിരുവനന്തപുരം-കന്യാകുമാരി അതിർത്തിയിൽ ഇടറോഡുകൾ അടച്ച് തമിഴ്നാട്. കൊവിഡ് വ്യാപനം രൂക്ഷമായ സാഹചര്യത്തിലാണ് തമിഴ്നാട് സർക്കാരിന്റെ നടപടി. അതിർത്തിയിൽ പൊലീസ് പരിശോധന കർശനമാക്കിയിട്ടുണ്ട്. കേരളത്തിൽ നിന്ന് തമിഴ്നാട്ടിലേയ്ക്ക് വരുന്നവർക്ക് ഇ-പാസ് നിർബന്ധമാക്കി. കൊവിഡ് ജാഗ്രതാ പോർട്ടലിൽ രജിസ്റ്റർ ചെയ്ത് വേണം ഇ-പാസ് വാങ്ങാൻ. അതിർത്തിയിൽ എത്തുന്നവരുടെ സാംപിൾ കൊവിഡ് പരിശോധനയ്ക്ക് വിധേയമാക്കും. പരിശോധനാ ഫലം ലഭിക്കുന്നതുവരെ യാത്രക്കാർ കാത്തുനിൽക്കേണ്ടി സാഹചര്യമില്ല. സാംപിളിനൊപ്പം വിലാസവും ഫോൺ നമ്പറും നൽകി യാത്രക്കാർക്ക് പോകാം. പരിശോധനാ ഫലം ഫോണിലേയ്ക്ക് അയച്ചു നൽകുകയാണ് ചെയ്യുക.