ഷെയ്ന്‍ നിഗം നായകനാകുന്ന ഏറ്റവും പുതിയ ചിത്രമാണ് ‘ഇഷ്‌ക്’. പോസ്റ്റ്-പ്രൊഡക്ഷന്‍ പൂര്‍ത്തിയായ സിനിമ മെയ് 31-ന് പുറത്തിറങ്ങും. നവാഗതനായ അനുരാജ് മനോഹര്‍ സംവിധാനം ചെയ്യുന്ന ചിത്രത്തില്‍ ആന്‍ ശീതള്‍ നായികയാകുന്നു.
‘നോട്ട് എ ലവ് സ്റ്റോറി’ എന്ന ടാഗ് ലൈനോടെ എത്തുന്ന സിനിമയുടെ രചന നിര്‍വ്വഹിക്കുന്നത് രതീഷ് രവിയാണ്. ഷൈന്‍ ടോം ചാക്കോ, ലിയോണ ലിഷോയ് എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ഈണങ്ങളൊരുക്കുന്നത് ഷാന്‍ റഹ്മാന്‍. ഛായാഗ്രഹണം അന്‍സര്‍ ഷാ കൈകാര്യം ചെയ്യുന്നു. എഡിറ്റിംഗ് കിരണ്‍ ദാസ്. ഇ4 എന്റര്‍ടൈന്‍മെന്റ്‌സ്, എ. വി. എ പ്രൊഡക്ഷന്‍സ് എന്നിവയുടെ ബാനറില്‍ മുകേഷ്. ആര്‍. മേത്ത, എ. വി. അനൂപ്, സി. വി. സാരഥി എന്നിവര്‍ ചേര്‍ന്നാണ് നിര്‍മാണം. ഇ4 എന്റര്‍ടൈന്‍മെന്റ്‌സ് തന്നെ ചിത്രം പ്രദര്‍ശനത്തിന് എത്തിക്കുന്നു.
