അഞ്ച് വർഷത്തിനുള്ളിൽ ഒരുഇലക്ട്രിക് വാഹനങ്ങൾ വിറ്റഴിക്കുക എന്ന അവിശ്വസനീയമായ നേട്ടം സ്വന്തമാക്കി ടാറ്റ മോട്ടോഴ്‌സിന്റെ ഇലക്ട്രിക് ഡിവിഷൻ. 2019 ജൂണിൽ ലോഞ്ച് ചെയ്ത ടിഗോർ ഇവി ആയിരുന്നു കാർ നിർമ്മാതാവിന്റെ ആദ്യ ഇവി. എന്നാൽ അക്കാലത്ത് ഫ്ലീറ്റ് ഓപ്പറേറ്റർമാർക്ക് മാത്രമാണ് ഇത് ലഭ്യമാക്കിയിരുന്നത്. ഇലക്ട്രിക് കോംപാക്റ്റ് സെഡാൻ പിന്നീട് സ്വകാര്യ ഉപഭോക്താക്കൾക്കും ലഭ്യമാക്കി. എന്നാല്‍ 2020 ജനുവരിയിൽ ലോഞ്ച് ചെയ്ത നെക്‌സോൺ ഇവിയാണ് ടാറ്റയുടെ ഇവി ഗെയിംപ്ലാൻ ശരിക്കും മാറ്റിക്കളഞ്ഞത്.
ടിഗോര്‍ ഇവി, ടിയാഗോ ഇവി എന്നിവ നെക്‌സോൺ ഇവിയുടൊപ്പം ഉൽപ്പന്ന പോർട്ട്‌ഫോളിയോയിൽ ചേര്‍ന്നതോടെ ടാറ്റ മോട്ടോഴ്‌സിന് നിലവിൽ ഇന്ത്യൻ ഇലക്ട്രിക് കാർ രംഗത്ത് പ്രബലമായ കമ്പനിയാണ്. ഇതുവരെ, ഇന്ത്യയിലെ ഇലക്ട്രിക് കാർ മോഡലുകൾ മൊത്തം 1.4 ബില്യൺ കിലോമീറ്ററുകൾ സഞ്ചരിച്ചിട്ടുണ്ടെന്ന് കമ്പനി പറയുന്നു. ആദ്യത്തെ 10,000 വിൽപ്പനയ്ക്ക് കമ്പനി 44 മാസമെടുത്തു. അടുത്ത 40,000 വിൽപ്പനയ്ക്ക് 15 മാസമെടുത്തു, ബാക്കി 50,000 വിൽപ്പനയ്ക്ക് ഒമ്പത് മാസമെടുത്തു. നെക്‌സോൺ ഇവിയുടെഎക്‌സ്‌ഷോറൂം വില 14.49 ലക്ഷം രൂപയിൽ ആരംഭിക്കുന്നു. അതേസമയം ടിയാഗോ ഇവി നിലവിൽ ഏറ്റവും താങ്ങാനാവുന്ന ഇലക്ട്രിക് കാർ മോഡലുകളിൽ ഒന്നാണ്. 85 ശതമാനത്തിലധികം വിപണി വിഹിതവുമായി ടാറ്റ മോട്ടോഴ്‌സ് ഇവി വിപണിയിൽ ആധിപത്യം പുലർത്തുന്നു, അതിന്റെ ഏറ്റവും പുതിയ ഉൽപ്പന്നമായ ടിയാഗോ ഇവി അവതരിപ്പിച്ച് ഒരു വർഷത്തിനുള്ളിൽ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന ഇവി ആയി മാറി. 2023 ജനുവരിയില്‍ ഡെലിവറി ആരംഭിച്ചത് മുതൽ ടിയാഗോ ഇവിയുടെ 19,000 യൂണിറ്റുകൾ വിറ്റു.
ഈ ദശാബ്ദത്തിന്റെ അവസാനത്തോടെ രാജ്യത്തെ ഇലക്ട്രിക് വാഹന വിൽപ്പന 10 ലക്ഷം വാർഷിക വിൽപ്പനയിലെത്തുമെന്ന് പ്രതീക്ഷിക്കുന്നതായി ടാറ്റ മോട്ടോഴ്‌സ് പറയുന്നു. ആ കാലയളവിലെ മൊത്തം വിൽപ്പനയുടെ 50 ശതമാനവും ഹരിത വാഹനങ്ങളായിരിക്കുമെന്നും കമ്പനി പ്രതീക്ഷിക്കുന്നു. കമ്പനിയുടെ ഇലക്ട്രിക്ക് വാഹനങ്ങളെപ്പറ്റി കൂടുതല്‍ അറിയാം.
ടാറ്റയുടെ പണിപ്പുരയില്‍ ഇനി ‘ജീപ്പും’ പിറക്കും, നടുക്കം വിട്ടുമാറാതെ മഹീന്ദ്രയും ഥാറും!
ടാറ്റ നെക്‌സോൺ ഇവി
2020-ന്റെ തുടക്കത്തിൽ ടാറ്റയുടെ ആദ്യത്തെ ഓൾ-ഇലക്ട്രിക് ഓഫറായി നെക്സോണ്‍ ഇലക്ട്രിക് സബ്‌കോംപാക്റ്റ് എസ്യുവി വിപിണിയില്‍ എത്തി. 2023 ജൂണിൽ ഇത് 50,000 വിൽപ്പന നാഴികക്കല്ല് പിന്നിട്ടു , പ്രൈം, മാക്സ് എന്നീ രണ്ട് പതിപ്പുകളിലാണ് ടാറ്റ നെക്‌സോൺ ഇവി വിൽക്കുന്നത്. പ്രൈം സ്റ്റാൻഡേർഡ് പതിപ്പാണ്, അതേസമയം മാക്സ് ലോംഗ് റേഞ്ച് പതിപ്പാണ്. 14.49 ലക്ഷം രൂപ മുതൽ 17.19 ലക്ഷം രൂപ വരെയാണ് നെക്‌സോൺ ഇവി പ്രൈമിന്റെ വില . ഒറ്റ ചാർജിൽ 312 കിലോമീറ്റർ ഓടാൻ സാധിക്കും. നെക്‌സോൺ ഇവി മാക്‌സിന് 453 കിലോമീറ്റർ റേഞ്ച് ഉണ്ട്. ഇതിന്‍റെ വില 16.49 ലക്ഷം രൂപയിൽ തുടങ്ങി 19.54 ലക്ഷം രൂപ വരെ ഉയരുന്നു. എല്ലാ വിലകളും എക്സ്-ഷോറൂം വിലകള്‍ ആണ്.
ടാറ്റ ടിഗോർ ഇവി
നെക്‌സോൺ ഇവിക്ക് ശേഷം 2021ല്‍ പുറത്തിറക്കിയ പുതിയ ടിഗോർ ഇവി ഇന്ത്യൻ വിപണിയിലെ ഏക ഇലക്ട്രിക് കോംപാക്റ്റ് സെഡാനാണ്. ഇതിന്‍റെ വില 12.49 ലക്ഷം രൂപയിൽ തുടങ്ങി 13.75 ലക്ഷം രൂപ വരെ ഉയരുന്നു . രണ്ട് വിലകളും എക്സ്-ഷോറൂം ആണ്. ടിഗോർ ഇവിക്ക് എആർഎഐ അവകാശപ്പെടുന്ന 315 കിലോമീറ്റർ പരിധിയുണ്ട്.
ടിയാഗോ ഇവി
8.69 ലക്ഷം മുതൽ 12.04 ലക്ഷം വരെയാണ് ടിയാഗോ ഇവിയുടെ വില . രണ്ട് വിലകളും എക്സ്-ഷോറൂം ആണ്. XE , XT, XZ+, XZ+ ലക്സ് എന്നീ നാല് ട്രിമ്മുകളിലാണ് ഇത് വാഗ്ദാനം ചെയ്യുന്നത് ഇലക്ട്രിക് ഹാച്ച്ബാക്കിന് വേരിയന്റിനെ ആശ്രയിച്ച് 250 കിലോമീറ്റർ അല്ലെങ്കിൽ 315 കിലോമീറ്റർ വരെ സഞ്ചരിക്കും എന്ന് ടാറ്റ പറയുന്നു.
