കോവിഡ് പ്രതിസന്ധി ഘട്ടങ്ങളെ അതിജീവിച്ച് രാജ്യം വളര്ച്ച കൈവരിച്ചെന്ന് രാഷ്ട്രപതിയുടെ നയപ്രഖ്യാപന പ്രസംഗം. വരുന്ന 25വര്ഷത്തേക്കുള്ള വികസനമാണ് ലക്ഷ്യം. സ്ത്രീശാക്തീകരണത്തിന് മുഖ്യപ്രാധാന്യം നല്കുമെന്നും രാഷ്ട്രപതിയുടെ നയപ്രഖ്യാപന പ്രസംഗം വ്യക്തമാക്കുന്നു. കഴിഞ്ഞ ഒരു വര്ഷക്കാലത്തെ വികസന നേട്ടങ്ങളായിരുന്നു രാഷ്ട്രപതിയുടെ നയപ്രഖ്യാപന പ്രസംഗത്തിന്റെ കാതല്. കോവിഡിനെതിരായ പോരാട്ടം ചൂണ്ടിക്കാട്ടിയാണ് തുടങ്ങിയത്. 150 കോടി ഡോസ് വാക്സിന് വിതരണം ചെയ്തും, വാക്സിന് നിര്മാണത്തിലെ സ്വയംപര്യാപ്തത കൊണ്ടും രാജ്യം ലോക മാതൃകയായെന്ന് രാഷ്ട്രപതി പറഞ്ഞു. അംബേദ്ക്കറുടെ തുല്യതാ നയം പിന്തുടരുന്ന രാജ്യം കോവിഡ് കാലത്ത് 80 കോടിയിലധികം പാവപ്പെട്ടവര്ക്ക് ഭക്ഷണം നല്കി. സൗജന്യ ഭക്ഷ്യ വിതരണം മാര്ച്ച് 31 വരെ നീട്ടിയെന്നും രാഷ്ട്രപതി ചൂണ്ടിക്കാട്ടി. 2 കോടിയിലധികം ദരിദ്രര്ക്ക് വീട് നല്കി. എല്ലാ വീട്ടിലും കുടിവെള്ളം എത്തിക്കാനുള്ള നടപടി സ്വീകരിക്കുന്നു. കാര്ഷിക രംഗത്ത് വളര്ച്ചയുണ്ടാക്കി. കയറ്റുമതി കൂടി . നദീസംയോജന പദ്ധതിയുമായി മുന്നോട്ട് പോകും. സാമ്പത്തിക -തൊഴില് രംഗത്തെ പരിഷ്കാരം തുടരും. വനിതാ ശാക്തീകരണം രാജ്യത്തിന്റെ മുഖ്യനയമെന്ന് പറഞ്ഞ രാഷ്ട്രപതി മുത്തലാഖ് നിരോധന നിയമം ഈ രംഗത്ത് മുതല്ക്കൂട്ടായെന്ന് പറഞ്ഞു. പാര്ലമെന്റിന്റെ പരിഗണനക്ക് വരുന്ന വിവാഹ പ്രായം ഉയര്ത്തല് ബില് പരാമര്ശിച്ചായിരുന്നു വനിതാ ശാക്തീകരണം എടുത്തു പറഞ്ഞത്. ആയുഷ്മാന് ഭാരത്, ജന് ഔഷധി കേന്ദ്ര, ഗരീബ് കല്യാണ് യോജന, പി.എം സ്വനിധി യോജന തുടങ്ങിയ സര്ക്കാര് പദ്ധതികളുടെ പ്രവര്ത്തനങ്ങള് സംബന്ധിച്ചും പ്രസംഗത്തിലുണ്ടായിരുന്നു. ഇന്ത്യ വീണ്ടും വേഗത്തിൽ വികസിക്കുന്ന സമ്പദ് വ്യവസ്ഥകളിൽ ഒന്നായി മാറി. സാമ്പത്തിക , തൊഴിൽ രംഗത്തെ പരിഷ്ക്കരണം തുടരുമെന്നും രാഷ്ട്രപതി വ്യക്തമാക്കി.
Related News
എ.എ.പിയുമായി കോണ്ഗ്രസ് സഖ്യമുണ്ടാക്കുന്നതില് അന്തിമ തീരുമാനം ഇന്ന്
ആം ആദ്മി പാര്ട്ടിയുമായി കോണ്ഗ്രസ് സഖ്യമുണ്ടാക്കുന്നതില് അന്തിമ തീരുമാനം ഇന്നോ നാളെയോ ഉണ്ടാകും. കോണ്ഗ്രസ് പ്രവര്ത്തകര്ക്കിടയില് നടത്തിയ അഭിപ്രായ സര്വേ ആകും നിര്ണായകമാകുക. കോണ്ഗ്രസ് അധ്യക്ഷന് രാഹുല് ഗാന്ധി ഡല്ഹിയിലെ കോണ്ഗ്രസ് നേതാക്കളുമായി വൈകാതെ കൂടിക്കാഴ്ച നടത്തും. ഡല്ഹിയിലും ഹരിയാനയിലും സഖ്യമുണ്ടാക്കാന് നിരവധി തവണ എ.എ.പി ക്ഷണിച്ചെങ്കിലും കോണ്ഗ്രസ് വഴങ്ങിയിരുന്നില്ല. ഡല്ഹി പി.സി.സി പ്രസിഡന്റ് ഷീല ദീക്ഷിതാണ് ഏറ്റവും എതിര്പ്പ് പ്രകടിപ്പിച്ച ഒരാള്.നേരത്തെ തള്ളിയ തീരുമാനം ആണെങ്കിലും അത് പുനഃപരിശോധിക്കാന് കോണ്ഗ്രസ് അധ്യക്ഷന് രാഹുല് ഗാന്ധി തീരുമാനിച്ചതോടെയാണ് […]
റോയ് കൊലക്കേസിൽ ഭാര്യ ജോളിയടക്കമുള്ള പ്രതികളുടെ റിമാന്ഡ് കാലാവധി ഇന്ന് അവസാനിക്കും
പൊന്നാമറ്റം റോയ് കൊലക്കേസിൽ ഭാര്യ ജോളിയടക്കമുള്ള പ്രതികളുടെ റിമാന്ഡ് കാലാവധി ഇന്ന് അവസാനിക്കും. മൂന്ന് പ്രതികളെയും ഇന്ന് താമരശ്ശേരി കോടതിയിൽ ഹാജരാക്കുന്നുണ്ട്. ജാമ്യപേക്ഷയും കോടതി ഇന്ന് പരിഗണിക്കും. മണിക്കൂറോളം ചോദ്യം ചെയ്തതിന് ശേഷം ജോളിയുടെ സുഹൃത്ത് റാണിയെ അന്വേഷണ സംഘം ഇന്നലെ രാത്രി വിട്ടയിച്ചിരുന്നു. ഇന്നലെയാണ് ജോളിയുടെ കൂട്ടുകാരി റാണിയുടെ മൊഴിയെടുത്തത്. ജോളിയുടേയും റോയ് തോമസിന്റെയും മൂത്ത മകൻ റോമോയാണ് റാണിയിലേക്കുള്ള വഴി തുറന്നത്. അമ്മയുടെ ഫോണിലെ ഗ്യാലറിയിൽ റാണിയുമൊത്തുള്ള നിരവധി ഫോട്ടോകൾ കണ്ടെന്ന വിവരം റോമോ […]
കർഷകരുമായി ഇന്ന് എട്ടാംവട്ട ചർച്ച; നിയമം പിൻവലിക്കണമെന്നാവര്ത്തിച്ച് കര്ഷകര്
കർഷകരും കേന്ദ്ര സർക്കാരും തമ്മിലുള്ള എട്ടാം ഘട്ട ചർച്ച ഇന്ന് നടക്കും. മൂന്ന് കാർഷിക പരിഷ്കരണ നിയമങ്ങളും പിൻവലിക്കുന്ന കാര്യത്തിൽ ആദ്യം ചർച്ച വേണമെന്ന് കർഷകർ ആവശ്യപ്പെട്ടിട്ടുണ്ട്. അതേസമയം നിയമം നടപ്പിലാക്കുന്ന കാര്യം സംസ്ഥാനങ്ങൾക്ക് തീരുമാനിക്കാമെന്ന പുതിയ ഫോർമുല കേന്ദ്ര സർക്കാർ ഇന്ന് മുന്നോട്ട് വെക്കും. ഡൽഹിയുടെ വിവിധ അതിർത്തികളിൽ കർഷകരുടെ സമരം 44 ദിവസം പിന്നിടുന്ന ഘട്ടത്തിലാണ് സർക്കാരുമായുള്ള എട്ടാം വട്ട ചർച്ച. മൂന്ന് കാർഷിക പരിഷ്ക്കരണ നിയമങ്ങളും പിൻവലിക്കുന്ന കാര്യം ചർച്ചയുടെ ആദ്യ അജണ്ടയാക്കണമെന്ന് […]