ന്യൂഡൽഹി: കോവിഡ് വാക്സിൻ നയവുമായി ബന്ധപ്പെട്ട ഹർജികളിൽ കേന്ദ്രസർക്കാറിനെ രൂക്ഷമായി വിമർശിച്ച് സുപ്രിംകോടതി ജഡ്ജ് ജസ്റ്റിസ് ഡിവൈ ചന്ദ്രചൂഢ്. മഹാമാരിയുമായി ബന്ധപ്പെട്ട് പരമോന്നത കോടതിയിൽ നിന്ന് അടുത്തകാലത്ത് ആദ്യമായാണ് കേന്ദ്രം ഇത്രയും രൂക്ഷമായ വിമർശനങ്ങൾ കേൾക്കുന്നത്. വിമർശനങ്ങൾക്ക് പിന്നാലെ ജസ്റ്റിസ് ചന്ദ്രചൂഢ് എന്ന ഹാഷ്ടാഗ് ട്വിറ്ററിൽ ട്രൻഡിങ്ങായി. ജസ്റ്റിസ് ചന്ദ്രചൂഢിന്റെ നിരീക്ഷണങ്ങൾ; ഞങ്ങൾ (വാക്സിൻ) നയം മാറ്റാൻ ആവശ്യപ്പെടുന്നില്ല. ഉണരാനാണ് ഞങ്ങൾ അഭ്യർത്ഥിക്കുന്നത്. ഉണർന്ന് രാജ്യത്ത് എന്താണ് നടക്കുന്നത് എന്നു കാണൂ. ഞാൻ ഭരണഘടന വായിക്കുകയായിരുന്നു. ആർടിക്കിൾ ഒന്ന് പറയുന്നത് ഭാരതം സംസ്ഥാനങ്ങളുടെ യൂണിയനാണ് എന്നാണ്. ഭരണഘടന അതു പറയുമ്പോഴാണ് നമ്മൾ ഫെഡറൽ ഭരണസംവിധാനത്തെ പിന്തുടരുന്നത്. ഇന്ത്യാ ഗവൺമെന്റ് വാക്സിനുകൾ ശേഖരിച്ച് വിതരണം ചെയ്യണം. സംസ്ഥാനങ്ങളെ ആപത്ഘട്ടത്തിൽ സഹായിക്കാതെ ഉപേക്ഷിക്കരുത്. വാക്സിനുകൾക്ക് സംസ്ഥാനങ്ങൾ എന്തിന് ഉയർന്ന വില നൽകണം. രാജ്യത്തുടനീളം വാക്സിനുകൾക്ക് വില ഏകീകരിക്കണം. ഒരു വാർത്താ ചാനൽ മൃതദേഹങ്ങൾ പുഴയിൽ തള്ളുന്ന ദൃശ്യങ്ങൾ പ്രസിദ്ധീകരിച്ചതായി കണ്ടു. അത് കാണിച്ചതിന് വാർത്താ ചാനലുകൾക്കെതിരെ രാജ്യദ്രോഹത്തിന് കേസെടുത്തിട്ടുണ്ടോ എന്നെനിക്കറിയില്ല. സാഹചര്യങ്ങൾക്ക് മാറ്റം വരുന്നു എന്ന് നിങ്ങൾ പറയുന്നു. എന്നാൽ ചെവി മണ്ണിൽ വച്ചു നോക്കൂ. നിങ്ങൾ ഡിജിറ്റൽ ഇന്ത്യയെ കുറിച്ച് സംസാരിക്കുന്നു. എന്നാൽ യാഥാർത്ഥ്യങ്ങളെ കുറിച്ച് ബോധവാന്മാരല്ല. നിങ്ങൾക്ക് കോവിഡ് രജിസ്ട്രേഷൻ ആകാം. എന്നാൽ ഡിജിറ്റൽ ഡിവൈഡിനെ കുറിച്ച് നിങ്ങൾ എങ്ങനെ ഉത്തരം പറയും. ഒരു സംസ്ഥാനത്തു നിന്ന് മറ്റൊരിടത്തേക്ക് പോകുന്ന കുടിയേറ്റ തൊഴിലാളികളെ കുറിച്ചുള്ള ചോദ്യങ്ങൾക്ക് നിങ്ങൾ എന്ത് ഉത്തരം നൽകും. വിദൂര ഗ്രാമങ്ങളിലുള്ള ആളുകൾക്ക് കോവിഡ് വാക്സിൻ പോർട്ടലിൽ രജിസ്റ്റർ ചെയ്യുക സാധ്യമാണോ? ഒരു ജഡ്ജി എന്ന നിലയിലുള്ള അനുഭവത്തിൽ പറയട്ടെ. നിങ്ങൾ തെറ്റാണ് എന്ന് പറയാനുള്ള ശേഷി ദൗർബല്യത്തിന്റെ അടയാളമല്ല. ശക്തിയാണ്.
Related News
പാലക്കാട് മെഡിക്കൽ കോളജില് സ്ഥിരപ്പെടുത്തിയത് അര്ഹതയുള്ളവരെയെന്ന് മന്ത്രി
പാലക്കാട് മെഡിക്കൽ കോളജിലെ കരാർ നിയമനങ്ങൾ സ്ഥിരപ്പെടുത്തിയതില് വിശദീകരണവുമായി മന്ത്രി എ.കെ ബാലൻ രംഗത്ത്. എം.സി.ഐ മാനദണ്ഡ പ്രകാരം യോഗ്യതയുളളവരെയാണ് സ്ഥിരപ്പെടുത്തിയത്. പി.എസ്.സി നിയമനത്തിന് കാലതാമസമെടുക്കുമെന്നും ഇത് മെഡിക്കല് കോളജിന്റെ അംഗീകാരത്തിനെ വരെ ബാധിക്കുമെന്നും മന്ത്രി വിശദീകരിച്ചു. പാലക്കാട് മെഡിക്കൽ കോളജിലെ പ്രൊഫസർ, അധ്യാപക തസ്തികകൾ ഉൾപ്പെടെ 153 കരാർ നിയമനങ്ങൾ സ്ഥിരപ്പെടുത്താൻ കഴിഞ്ഞ മാസം 29 ചേർന്ന മന്ത്രിസഭാ യോഗമാണ് തീരുമാനമെടുത്തത്. സ്ഥിര നിയമനം നീളുന്ന സാഹചര്യത്തിൽ, എം.സി.ഐ നിഷ്കർഷിക്കുന്ന യോഗ്യതയുളളവരെ സ്ഥിരപ്പെടുത്താനാണ് സർക്കാർ തീരുമാനിച്ചത്. […]
കോവിഡ്; സംസ്ഥാനത്തെ മുഴുവന് പരീക്ഷകളും മാറ്റിവെച്ചു
കോവിഡ് ഭീതിക്കിടെ എസ്.എസ്.എൽ.എസ് പ്ലസ് ടു ഉൾപ്പടെ മുഴുവൻ പരീക്ഷകളും കേരളം മാറ്റിവെച്ചു. വെെറസ് ബാധ അടുത്ത ഘട്ടത്തിലേക്ക് പ്രവേശിക്കുന്നതിനിടെ കനത്ത ജാഗ്രത പുലർത്തുന്നതിന്റെ ഭാഗമായാണ് സർവകലാശാല പരീക്ഷകൾ ളൾപ്പടെ മാറ്റിവെച്ചത്. എട്ടാം ക്ലാസ് വരെയുള്ള പരീക്ഷകൾ നേരത്തെ മാറ്റിവെച്ചിരുന്നു. മാര്ച്ച് മുപ്പത്തിയൊന്ന് വരെ പരീക്ഷകള് ഒന്നും നടത്തുന്നതല്ല. മാറ്റിവെക്കുന്ന പരീക്ഷകള് എന്ന് നടത്തുന്നമെന്നതിനെ കുറിച്ചുള്ള ചര്ച്ചകള് പുരോഗമിക്കുകയാണ്. എസ്.എസ്.എൽ.സിയിൽ നാലു പരീക്ഷകളാണ് ബാക്കിയുള്ളത്. സർവകലാശാല പരീക്ഷകളും നടന്നുവരികയായിരുന്നു. നേരത്തെ യു.ജി.സിയും സി.ബി.എസ്.ഇയും പരീക്ഷകൾ മാറ്റിവെക്കുന്നതായി അറിയച്ചിരുന്നുവെങ്കിലും, […]
എയ്ഡഡ് സ്കൂള് അധ്യാപകര്ക്ക് തെരഞ്ഞെടുപ്പില് മത്സരിക്കാന് സാധിക്കില്ല; ഹൈക്കോടതി ഉത്തരവിന് സുപ്രിം കോടതി സ്റ്റേ
എയ്ഡഡ് സ്കൂള് അധ്യാപകര്ക്ക് തെരഞ്ഞെടുപ്പില് മത്സരിക്കാന് കഴിയില്ലെന്ന ഹൈക്കോടതി ഉത്തരവ് സുപ്രിം കോടതി സ്റ്റേ ചെയ്തു. സംസ്ഥാന സര്ക്കാര്, മുഖ്യ തെരഞ്ഞെടുപ്പ് കമ്മീഷന് അടക്കമുള്ള എതിര് കക്ഷികള്ക്ക് നോട്ടിസ് അയക്കാന് കോടതി ഉത്തരവിട്ടു. ചീഫ് ജസ്റ്റിസ് എസ് എ ബോബ്ഡെ അധ്യക്ഷനായ ബെഞ്ചാണ് ഉത്തരവിട്ടത്. പൊതുതാത്പര്യ ഹര്ജികളിലാണ് നടപടി. സര്ക്കാര് ഇതര വിദ്യാഭ്യാസ സ്ഥാപനങ്ങളിലെ അധ്യാപകര്ക്ക് തെരഞ്ഞെടുപ്പില് മത്സരിക്കാമെന്ന 1951ലെ നിയമസഭാ ചട്ടത്തിലെ വ്യവസ്ഥ കഴിഞ്ഞ മാസം 24ാം തിയതിയാണ് ഹൈക്കോടതി റദ്ദാക്കിയത്. വിദ്യാഭ്യാസ അവകാശ നിയമത്തിന് […]