കള്ളപ്പണകേസില്‍ തമിഴ്‌നാട് തൃശ്ശിനാപ്പള്ളി സെന്‍ട്രല്‍ ജയിലില്‍ തടവില്‍ കഴിയുന്ന ബള്‍ഗേറിയന്‍ പൗരന്‍ ജയില്‍ ചാടി. 2019ല്‍ കള്ളപ്പണ കേസുമായി ബന്ധപ്പെട്ട് ചെന്നൈ ക്രൈം ബ്രാഞ്ച് അറസ്റ്റ് ചെയ്ത ഇല്യാന്‍ മര്‍ക്കോവ് ആണ് ജയില്‍ ചാടിയത്.
നൂറിലധികം വിദേശ തടവുകാരുള്ള ജയിലിലെ സ്പെഷ്യല്‍ ക്യാമ്പില്‍ നിന്നാണ് മര്‍ക്കോവ് ചാടിപോയത്. കഴിഞ്ഞ ദിവസം സ്പെഷ്യല്‍ ക്യാമ്പില്‍ നിന്നും മര്‍കോവിനെ കാണാതായതിനെ തുടര്‍ന്ന് ജയില്‍ അധികൃതര്‍ പൊലീസില്‍ വിവരമറിയിക്കുകയായിരുന്നു.
സ്പെഷ്യല്‍ ക്യാമ്പില്‍ പ്രത്യേക സുരക്ഷാ സംവിധാനങ്ങള്‍ ഉണ്ടായിട്ടും അവ ബേധിച്ചാണ് മാര്‍കോവ് ജയില്‍ ചാടിയതെന്നും സെല്ലിലെ ജനല്‍ തകര്‍ത്ത നിലയിലാണെന്നും പൊലീസ് പറഞ്ഞു.
2019 ല്‍ വ്യാജ തിരിച്ചറിയല്‍ കേസില്‍ തടവില്‍ കഴിഞ്ഞിരുന്ന നൈജീരിയന്‍ തടവുകാരനും ട്രിച്ചി ജയില്‍ ചാടിയിരുന്നു.
