Football Sports

പ്രതിരോധം കടുപ്പിച്ച് മഞ്ഞപ്പട; സന്ദീപ് സിംഗ് ബ്ലാസ്റ്റേഴ്‌സിൽ

Posted on Author Malayalees Comments Off on പ്രതിരോധം കടുപ്പിച്ച് മഞ്ഞപ്പട; സന്ദീപ് സിംഗ് ബ്ലാസ്റ്റേഴ്‌സിൽ

മണിപ്പൂരിലെ ഇംഫാലിൽ നിന്നുള്ള 25കാരനായ പ്രതിരോധ താരമായ സന്ദീപ് ഷില്ലോംഗ് ലജോംഗ് അക്കാദമിയിൽ നിന്നാണ് ഫുട്ബോള്‍ യാത്ര ആരംഭിച്ചത്

ഇന്ത്യൻ സൂപ്പർ ലീഗിന്റെ ഏഴാം സീസണിൽ സന്ദീപ് സിംഗ് കേരള ബ്ലാസ്റ്റേഴ്സിനായി കളിക്കും. ഒരു വർഷത്തെ കരാറിലാണ് സന്ദീപ് എത്തുക. മണിപ്പൂരിലെ ഇംഫാലിൽ നിന്നുള്ള 25കാരനായ പ്രതിരോധ താരമായ സന്ദീപ് ഷില്ലോംഗ് ലജോംഗ് അക്കാദമിയിൽ നിന്ന് തന്റെ ഫുട്ബോൾ യാത്ര ആരംഭിക്കുകയും 2014 ൽ അവരുടെ സീനിയർ ടീമിലേക്ക് സ്ഥാനക്കയറ്റം നേടുകയും ചെയ്തു. 2015 ല്‍ പൂനെ എഫ്‌സിക്കെതിരെ സീനിയർ ടീമിൽ അരങ്ങേറ്റം കുറിച്ചു.

തുടർന്ന് 2018-19 ഐ.‌എസ്.‌എൽ സീസണിൽ എ.ടി.കെ എഫ്സിയിൽ എത്തുന്നതിനുമുൻപായി 2017-2018 സീസണിൽ ലാങ്‌സ്നിംഗ് എഫ്.സിയെ പ്രതിനിധീകരിച്ചു. കഴിഞ്ഞ ഐ-ലീഗ് സീസണിൽ (2019 -20) ട്രാവു എഫ്‌സിക്കായി 8 മത്സരങ്ങളിൽ ബൂട്ടണിഞ്ഞ വലം കാൽ പ്രതിരോധതാരമായ സന്ദീപ്, അവിടെ നിന്നാണ് കെ‌ബി‌എഫ്‌സിയിൽ എത്തിയത്.

“ഈ അഭിമാനകരമായ ക്ലബിന്റെ ഭാഗമാകാൻ കഴിഞ്ഞതിൽ എനിക്ക് അതിയായ സന്തോഷമുണ്ട്. എന്റെ പുതിയ ടീമിനെ കാണാനും വരാനിരിക്കുന്ന സീസണിൽ ഒരുമിച്ച് പ്രവർത്തിക്കാനും ഞാൻ ആകാംക്ഷയോടെ കാത്തിരിക്കുകയാണ്. കേരള ബ്ലാസ്റ്റേഴ്സിന്റെ ആരാധകർ എല്ലായ്പ്പോഴും ടീമിന് അപാരമായ പിന്തുണയാണ് നൽകുന്നത്. ആ പിന്തുണ നേടുവാനും അവർക്ക് അഭിമാനമേകുന്ന പ്രകടനം കാഴ്ചവെക്കുന്നതിനും സാധിക്കുമെന്ന് ഞാൻ പ്രതീക്ഷിക്കുന്നു”

കേരള ബ്ലാസ്റ്റേഴ്സുമായി കരാറിൽ ഏർപ്പെട്ടുകൊണ്ട് സന്ദീപ് സിംഗ് പറഞ്ഞു.

Malayalees
http://www.malayalees.ch

Related News
Football Sports

ഇറ്റാലിയൻ ലീഗിൽ പച്ച നിറമുള്ള ജഴ്സി നിരോധിച്ചു

Posted on Author Malayalees

ഇറ്റാലിയൻ ഫുട്ബോൾ ലീഗ് ആയ സീരി എയിൽ പച്ച നിറമുള്ള ജഴ്സി നിരോധിച്ചു. 2022-23 സീസൺ മുതലാണ് നിരോധനം നടപ്പിൽ വരിക. പിച്ചിൻ്റെ നിറം പച്ച ആയതിനാൽ അതേ നിറത്തിലുള്ള ജഴ്സി, മത്സരങ്ങൾ ടെലികാസ്റ്റ് ചെയ്യുമ്പോൾ കാഴ്ചക്ക് പ്രശ്നമുണ്ടാക്കിയിരുന്നു. ഇത് പരിഗണിച്ചാണ് പുതിയ തീരുമാനം. പച്ച പ്രധാന നിറമായി വരുന്ന ജഴ്സികൾക്കാണ് നിരോധനം. ഔട്ട്ഫീൽഡിൽ ഇറങ്ങുന്ന താരങ്ങളിൽ മാത്രമേ ഈ നിയമം ബാധകമാവൂ.
Cricket Sports

ഇംഗ്ലണ്ട്-ഇന്ത്യ വനിതാ ഏകദിന പരമ്പര; ഇന്ന് രണ്ടാം മത്സരം

Posted on Author Malayalees

ഇംഗ്ലണ്ട്-ഇന്ത്യ വനിതാ ഏകദിന പരമ്പരയിൽ ഇന്ന് രണ്ടാം മത്സരം. ഡേനൈറ്റ് മത്സരമാണ് ഇന്ന് നടക്കുക. ഇന്ത്യൻ സമയം വൈകിട്ട് 6.30ന് ടോൺടണിലെ കൂപ്പർ അസോസിയേറ്റ്സ് കൗണ്ടി ഗ്രൗണ്ടിലാണ് മത്സരം. ആദ്യ മത്സരത്തിൽ ദയനീയമായി പരാജയപ്പെട്ട ഇന്ത്യക്ക് ഈ മത്സരത്തിൽ ജയം അനിവാര്യമാണ്. ഈ കളി കൂടി പരാജയപ്പെട്ടാൽ ഇന്ത്യക്ക് പരമ്പര നഷ്ടമാവും. ആദ്യ മത്സരത്തിൽ ഇന്ത്യയുടെ മെല്ലെപ്പോക്ക് വലിയ ചർച്ച ആയിരുന്നു. ആദ്യം ബാറ്റ് ചെയ്ത് വെറും 201 റൺസ് മാത്രം സ്കോർ ചെയ്ത ഇന്ത്യ ഇന്ന് […]
Sports

ഐപിഎൽ ചരിത്രത്തിലെ ഏറ്റവും ഉയർന്ന വില സ്വന്തമാക്കി സാം കറൻ; തൊട്ടുപിന്നാലെ കാമറൂൺ ഗ്രീനും ബെൻ സ്റ്റോക്സും

Posted on Author Malayalees

ഐപിഎൽ ചരിത്രത്തിലെ തന്നെ ഏറ്റവും ഉയർന്ന ലേലത്തുക സ്വന്തമാക്കി ഇംഗ്ലണ്ട് ഓൾറൗണ്ടർ സാം കറൻ. ഇപ്പോൾ നടന്നുകൊണ്ടിരിക്കുന്ന മിനി ലേലത്തിൽ കറനെ 18.50 കോടി രൂപ മുടക്കി കിംഗ്സ് ഇലവൻ പഞ്ചാബാണ് ടീമിലെത്തിച്ചത്. 2 കോടി രൂപ അടിസ്ഥാനവിലയുണ്ടായിരുന്ന താരത്തിനായി മുംബൈ ഇന്ത്യൻസ്, റോയൽ ചലഞ്ചേഴ്സ് ബാംഗ്ലൂർ, രാജസ്ഥാൻ റോയൽസ്, ചെന്നൈ സൂപ്പർ കിംഗ്സ്, ലക്നൗ സൂപ്പർ ജയൻ്റ്സ് എന്നീ ടീമുകളും ആവേശത്തോടെ ലേലം വിളിച്ചു. എന്നാൽ, റെക്കോർഡ് തുകയ്ക്ക് പഞ്ചാബ് കറനെ സ്വന്തമാക്കുകയായിരുന്നു.  ഓസീസ് ഓൾറൗണ്ടർ […]