സംസ്ഥാന സ്‌കൂള്‍ കായികോത്സവത്തില്‍ പാലക്കാടിന് കിരീടം. 201 പോയിൻറുകളോടെയാണ് പാലക്കാട് ചാമ്പ്യൻമാരായത്. 2016ന് ശേഷം ആദ്യമായാണ് പാലക്കാട് കിരീടനേട്ടം സ്വന്തമാക്കുന്നത്. നിലവിലെ ചാമ്പ്യൻമാരായ എറണാകുളത്തിന് 157 പോയിൻറാണുള്ളത്.
സ്‌കൂളുകളില്‍ 62 പോയിൻറുകളോടെ എറണാകുളം മാര്‍ ബേസില്‍ ഒന്നാം സ്ഥാനത്തെത്തി. അഞ്ചാം തവണയാണ് മാർ ബേസിൽ ജേതാക്കളാവുന്നത്. 2017ലും മാർ ബേസിൽ തന്നെയായിരുന്നു കിരീടം സ്വന്തമാക്കിയത്. 58.5 പോയിൻറുകളോടെ പാലക്കാടിന്റെ കല്ലടി സ്കൂൾ രണ്ടാം സ്ഥാനത്തെത്തി. കല്ലടി, ബി.ഇ.എം സ്‌കൂളുകളുടെ പ്രകടനമാണ് കിരീടനേട്ടത്തില്‍ പാലക്കാടിന് നിര്‍ണായകമായത്.
