പെലെയുടെ റെക്കോര്‍ഡ് മറികടന്ന് യുവന്റസ് താരം ക്രിസ്റ്റ്യാനോ റൊണാള്‍ഡോ. പെലെ കരിയറില്‍ ആകെ അടിച്ച ഗോളുകളാണ് റൊണാള്‍ഡോ മറികടന്നത്.
പെലെ നേടിയ 757 ഗോളുകളെന്ന റെക്കോര്‍ഡ് സിരി എയില്‍ ഉഡിനീസിനെതിരെ നേടിയ ഇരട്ട ഗോളുകളോടെ ക്രിസ്റ്റ്യാനോ റൊണാള്‍ഡോ മറികടന്നു. ആദ്യ പകുതിയിലും രണ്ടാം പകുതിയിലും ഓരോ ഗോളുകളാണ് റൊണാൾഡോ നേടിയത്. യുവന്റസ് എതിരില്ലാത്ത മൂന്ന് ഗോളുകൾക്ക് ജയിക്കുകയും ചെയ്തു.
ഒരു ക്ലബ്ബിന് വേണ്ടി ഏറ്റവും കൂടുതൽ ഗോളടിക്കുന്ന ഫുട്ബോളർ എന്ന പെലെയുടെ റെക്കൊര്‍ഡ് ബാഴ്സലോണയുടെ അർജൻറീന താരം ലയണൽ മെസി മറികടന്നിരുന്നു. സാൻേറാസിന് വേണ്ടിയാണ് പെലെ 643 ഗോളുകൾ നേടിയിട്ടുള്ളത്. 665 മത്സരങ്ങളിൽ നിന്നായിരുന്നു പെലെ ഈ റെക്കോർഡ് സ്വന്തമാക്കിയത്. എന്നാൽ മെസിക്ക് 749 മത്സരങ്ങൾ വേണ്ടിവന്നു റെക്കോര്‍ഡ് മറികടക്കാന്‍.
