ഡല്‍ഹി കാപിറ്റല്‍സിനെതിരെ ഇന്നലെ നടന്ന മത്സരത്തില്‍ കിങ്‌സ് ഇലവന്‍ പഞ്ചാബിനെ വിജയത്തിലെത്തിക്കുന്നതില്‍ നിര്‍ണായകമായ പ്രകടനമാണ് ഇംഗ്ലണ്ട് താരം സാം കരണില്‍ നിന്നുണ്ടായത്. ഈ വര്‍ഷത്തെ ആദ്യ ഐ.പി.എല്‍ ഹാട്രിക്കിനുടമയായ കരണ്‍ നാല് വിക്കറ്റാണ് മത്സരത്തില്‍ നേടിയത്. വാലറ്റക്കാരെ മടക്കിയാണ് കരണ്‍ തന്റെ ഹാട്രിക്ക് സ്വന്തമാക്കിയത്. ബാറ്റിങിലും താരം മികവ് കാട്ടി.
എന്നാല്‍ തന്റെ ഹാട്രിക്കിനെക്കുറിച്ചൊന്നും സാം കരണിന് ഓര്‍മയില്ലെന്ന് തോന്നുന്നു. മത്സരശേഷം സഹതാരം മന്ദീപ് സിങുമായുള്ള ഇന്റര്‍വ്യൂവിനിടെയായിരുന്നു സംഭവം. നിങ്ങള്‍ നാലോ അല്ലെങ്കില്‍ അഞ്ച് വിക്കറ്റുകളാണോ എടുത്തത് എന്ന മന്ദീപിന്റെ ചോദ്യത്തിന് സത്യത്തില്‍ അതെനിക്ക് ഉറപ്പില്ലെന്നായിരുന്നു സാം കരണിന്റെ മറുപടി.
