വേൾഡ് മലയാളി കൗൺസിൽ (WMC) സ്വിസ് പ്രവിശ്യയുടെ വിമൺസ് ഫോറം അന്താരാഷ്ട്ര വനിതാദിനം ഹൃദയപൂർവ്വമായും ഓർമ്മപ്പെടുത്താവുന്ന രീതിയിലും സൂറിച്ചിൽ ആഘോഷിച്ചു.
ഫോറം പ്രസിഡന്റ് മിനി ബോസ് നടത്തിയ സ്വാഗത പ്രസംഗത്തോടെ പ്രോഗ്രാമുകൾ ആരംഭിച്ചു. തുടർന്ന് ഗ്രേസി ജോഷി വനിതാദിന സന്ദേശം നൽകി. സംഘടനയോടുള്ള സമർപ്പണവും പ്രചോദനാത്മകമായ പങ്കാളിത്തവും പരിഗണിച്ച് റോസമ്മ ഏഷ്ലിമാൻനെ ഫോറം ആദരിച്ചു.
ശ്രീമതി സെലിൻ കാക്കശേരിയുടെ ജന്മദിനാഘോഷത്തിന്റെ ഭാഗമായി കേക്ക് മുറിക്കൽ ചടങ്ങും നടത്തി. തുടർന്ന് പിൻവർഷകളിൽ WMC കേരളപ്പിറവി ആഘോഷങ്ങളിലെ ഡാൻസ് പ്രോഗ്രാമുകൾ അവിസ്മരണീയമാക്കിയ കൊറിയോഗ്രാഫർ ശ്രീ ദിലീപ് കുമാർ നയിച്ച ഒരു മണിക്കൂർ നീണ്ട ആവേശകരമായ ഡാൻസ് സെഷനും ഉണ്ടായിരുന്നു.
നെൻസിയും ഹണിയും ചേർന്ന് മാനസികാരോഗ്യം, സോഷ്യൽ മീഡിയയുടെ സ്വാധീനം, സ്ട്രെസ് മാനേജ്മെന്റ് എന്നിവയെക്കുറിച്ചുള്ള ഒരു സംവാദവും സംഘടിപ്പിച്ചു.
ട്രഷറർ കവിത സാമ്പത്തിക സംബന്ധമായ വിവരങ്ങൾ പങ്കുവെച്ചു. സെക്രട്ടറി നെൻസി നന്ദിപ്രസംഗം നടത്തി.
രുചികരമായ ഭക്ഷണവും ഡെസേർട്ടുകളും കാപ്പിയും പങ്കിട്ടതോടെ പരിപാടി സന്തോഷകരമായ ഫോട്ടോ സെഷനോടുകൂടി സമാപിച്ചു.
ഈ വനിതാദിനത്തിൽ, യുദ്ധത്തിന്റെ വേദന അനുഭവിക്കുന്ന എല്ലാവർക്കും സമാധാനവും ആശ്വാസവും ലഭിക്കട്ടെ എന്ന് ഫോറം അംഗങ്ങൾ പ്രത്യാശ പ്രകടിപ്പിച്ചു .
WMC വിമൺസ് ഫോറം കോർ ടീം
Mini Bose, Nency Sunil, Kavitha Arun.
