പതിനെട്ട് വയസ്സുകാരിയായ അനീറ്റ അഗസ്റ്റിന്‍ സംവിധാനം ചെയ്യുന്ന മൂരി എന്ന മലയാളം ചിത്രത്തിലൂടെയാണ് സ്വിസ്സ് മലയാളികളും ,കോതമംഗലം നിവാസികളുമായ ആന്റണി ,സോളി മേക്കുന്നേൽ ദമ്പതികളുടെ മോൻ ഫ്രിഡോൾ മേക്കുന്നേൽ നായക വേഷത്തിലെത്തിയിരിക്കുന്നതു.
തീയേറ്റര്‍ ആര്‍ട്‌സ്, സൈക്കോളജി, ഇംഗ്ലീഷ് ലിറ്ററേച്ചര്‍ ബിരുദ വിദ്യാര്‍ത്ഥിനി കൂടിയായ അനിറ്റയുടെ ആദ്യ ചിത്രമാണ് മൂരി. ചിത്രത്തിന് വേണ്ടി തിരക്കഥ എഴുതിയതും ഈ പതിനെട്ട് വയസ്സുകാരി തന്നെയാണ്.
പാവപെട്ട ജനങ്ങളെ പിഴിഞ്ഞ് ജീവിക്കുന്ന ബ്ലേഡ് മാഫിയ, കള്ള വാറ്റു സംഘങ്ങള്‍, കുട്ടികള്‍ക്കെതിരെ ലൈംഗിക അതിക്രമം നടത്തുന്ന പകല്‍ മാന്യര്‍ എന്നിവരുടെ കേന്ദ്രമാണ് ചെകുത്താന്‍ പാറ എന്നമലയോര ഗ്രാമം. പോലീസ് സ്റ്റേഷന്‍ ചാര്‍ജ് വഹിക്കുന്ന നിസ്സഹായനായ സബ് ഇന്‍സ്പെക്ടര്‍ മുഹമ്മദ് ഇസ്മായില്‍ സത്യസന്ധമായി ജോലി നോക്കുകയായിരുന്നു . ഒരു പ്രത്യേക സാഹചര്യത്തില്‍ മുഹമ്മദ് ഇസ്മായില്‍ കൊല്ലപ്പെടുന്നു. പിന്നീട് മകന്‍ മുഹമ്മദ് റിയാസ് പോലീസ് ഓഫീസര്‍ ആയി എത്തുന്നു. പിന്നീട് ചെകുത്താന്‍ പാറയില്‍ നടക്കുന്ന സംഭവവികസങ്ങള്‍ ആണ് മൂരി എന്ന ചിത്രം പറയുന്നത്.
ഫീമെയില്‍ ഉണ്ണികൃഷ്ണന്‍, ഡീസന്റ് പാര്‍ട്ടിസ് എന്നീ ചിത്രങ്ങള്‍ക്ക് ശേഷം മേക്കുന്നേല്‍ ഫിലിംസിന്റെ ബാനറില്‍ വിന്‍സെന്റ് മേക്കുന്നേല്‍ ആണ് ചിത്രം നിര്‍മിയ്ക്കുന്നത്. സാജന്‍ പിജെ ഛായാഗ്രഹണം നിര്‍വ്വഹിയ്ക്കുന്ന ചിത്രത്തിന് വേണ്ടി ചിത്രസംയോജനം നടത്തുന്നത് ലിന്റോ തോമസ് ആണ്. ജൂവന്‍ സോമന്‍ ആണ്‌സംഗീത സംവിധാനം നിര്‍വ്വഹിയ്ക്കുന്നത്.
സീമ ജി നായര്‍, സാംജി, അഗസ്റ്റിന്‍ വര്‍ഗീസ്, അര്‍ച്ചന, വിനീത, സജിത്ത് തോപ്പില്‍, വെങ്കിട്ട രാം, ജോസി, മാജേഷ് സന്ധ്യ, അനീറ്റ അഗസ്റ്റിന്‍, കുമാരി. മഹിമ മഹേഷ്, ഉദയ രാജ്, വിന്‍സെന്റ് മേക്കുന്നേല്‍, ഡയറക്ടര്‍ റോയ് പി, ഡോക്ടര്‍ ജാസ്മിന്‍, ഡോക്ടര്‍ അക്ഷയ, അഗസ്റ്റിന്‍ മേക്കുന്നേല്‍, ബിജു ഫ്രാന്‍സിസ്, ഡയറക്ടര്‍ ജോമോന്‍ ജോര്‍ജ്, റൂബി തോമസ് ( റൂബി ഫിലിംസ്) എന്നിവരെ കടാതെ തൊണ്ടി മുതലും ദൃക്സാക്ഷിയും ഫെയിം ഡി വൈ എസ് പി മധുസൂദനന്‍, ഡി വൈ എസ് പി സോമരാജന്‍ തുടങ്ങി വന്‍ താരനിര ഈ ചിത്രത്തില്‍ വേഷമിടുന്നു.
മാഫിയ ശശി വളരെ പ്രധാനപെട്ട രണ്ടു ആക്ഷന്‍ രംഗങ്ങള്‍ ഒരുക്കുന്ന ഈ ചിത്രം തമിഴിലും ചിത്രീകരിക്കുന്നു. പ്രൊഡക്ഷന്‍ കണ്‍ട്രോളര്‍ രാജേഷ് കളമശ്ശേരി. പ്രൊജക്റ്റ് ഡിസൈനര്‍ അഗസ്റ്റിന്‍ വര്‍ഗീസ്. പ്രൊഡക്ഷന്‍ എക്‌സിക്യൂട്ടീവ് ബിനീഷ് ബാബു. വസ്ത്രാലങ്കാരം മിനി. മേക്കപ്പ് പിയൂഷ് പുരുഷു. പി ആര്‍ ഒ എം കെ ഷെജിന്‍ ആലപ്പുഴ.
മുഹമ്മദ് റിയാസ് എന്ന കരുത്തുറ്റ പോലീസ് ഓഫീസറിന്റെ വേഷത്തിലെത്തുകയാണ് ഫ്രിഡോൾ മേക്കുന്നേൽ…മുന്നോട്ടുള്ള അഭിനയ ജീവിതത്തിന് ഫ്രിഡോളിനു എല്ലാവിധ ആശംസകളും നേരുന്നു ..
