എന്താണ് ഇയു കോവിഡ് സർട്ടിഫിക്കറ്റ്?
കോവിഡ് -19 പാൻഡെമിക് സമയത്ത് യൂറോപ്യൻ യൂണിയനിലെ പൗരന്മാർക്ക് സുരക്ഷിതമായി സഞ്ചരിക്കാൻ സഹായിക്കുന്ന ഒന്നാണ് ഇയു കോവിഡ് സർട്ടിഫിക്കറ്റ്. ഇത് കൈവശമുള്ളവർക്ക് ക്വാറന്റീൻ നടപടികളോ, യാത്രയ്ക്ക് മുമ്പോ ശേഷമോ കോവിഡ് ടെസ്റ്റുകൾ ചെയ്യേണ്ട ആവശ്യമോ ഇല്ല.പേപ്പർ രൂപത്തിലോ സ്മാർട്ട്‌ഫോണുകളിലോ നിങ്ങൾക്ക് ഇ സർട്ടിഫിക്കറ്റ് സൂക്ഷിക്കാം. ഇതിലുള്ള ഒരു ക്യൂആർ കോഡ്ആണ് നിങ്ങൾ അധികാരികളെ കാണിക്കേണ്ടത്.കോവിഡ് -19 നെതിരെ വാക്സിനേഷൻ നൽകി അടുത്തിടെ വൈറസിൽ നിന്ന് വീണ്ടെടുത്തവർ (ആ വ്യക്തിക്ക് അവരുടെ ശരീരത്തിൽ ആന്റിബോഡികളുണ്ടെന്നർത്ഥം) അടുത്തിടെ നെഗറ്റീവ് ഫലം ലഭിച്ചു എന്നിവർക്ക് ഈ സർട്ടിഫിക്കറ്റ് ലഭിക്കും.
അതിർത്തി പോലീസോ എയർലൈനോ റെയിൽവേ ഉദ്യോഗസ്ഥരോ ആവശ്യപ്പെടുന്നവർക്ക് ഈ തെളിവ് കാണിക്കാൻ കഴിയും. സർട്ടിഫിക്കറ്റുകൾ സൗജന്യമായി നിങ്ങൾക്ക് ലഭിക്കും.
യൂറോപ്യൻ യൂണിയനുള്ളിലെ യാത്രയ്ക്ക് കോവിഡ് സർട്ടിഫിക്കറ്റുകൾ നിർബന്ധിതമല്ലെന്നത് ശ്രദ്ധിക്കേണ്ടതാണ്. എന്നാൽ ഇത് കൂടാതെ യാത്ര ചെയ്യുന്നവർ ചില സാഹചര്യങ്ങളിൽ പരിശോധനയ്ക്കും ക്വാറന്റീനിനും വിധേയരാകേണ്ടി വന്നേക്കാം.
എപ്പോഴാണ് ഇത് ഉപയോഗത്തിൽ വരുന്നത്?
യൂറോപ്യൻ യൂണിയനിലുടനീളമുള്ള ചില രാജ്യങ്ങൾ ഇതിനകം തന്നെ സർട്ടിഫിക്കറ്റ് ഉപയോഗിക്കുന്നുണ്ട്. എന്നിരുന്നാലും ചില രാജ്യങ്ങളിലെ അതിർത്തി പോലീസ് ഇത് തിരിച്ചറിയുന്നതിൽ ആശയക്കുഴപ്പം ഉണ്ടായിട്ടുണ്ട്.ജൂലൈ 1 മുതൽ ഇത് യൂറോപ്യൻ യൂണിയനിലും ഷെഞ്ചൻ പ്രദേശങ്ങളിലും വ്യാപിപ്പിക്കും. അതിനുശേഷം യൂറോപ്യൻ യൂണിയൻ അല്ലാത്ത രാജ്യങ്ങളായ യുകെ, യുഎസ് എന്നിവയും ഇതിന്റെ ഭാഗമാകുമെന്ന് പ്രതീക്ഷിക്കുന്നു.
യൂറോപ്യൻ യൂണിയനിലെ എല്ലാ രാജ്യങ്ങൾക്കും പ്രവേശന നിയമങ്ങൾ ഒരുപോലെയാണെന്ന് ഇത് അർത്ഥമാക്കുമോ?
ഇല്ല.
യൂറോപ്യൻ യൂണിയൻ / ഷെഞ്ചൻ സോണിനുള്ളിൽ എവിടെയും പ്രവേശിക്കാനുള്ള അധികാരമാണ് പാസ് നൽകുന്നത്. ഈ പാസിലൂടെ അധികൃതർക്ക് നിങ്ങളുടെ വാക്സിനേഷൻ നിലയെക്കുറിച്ചും മറ്റും മനസിലാക്കാൻ സാധിക്കും. എന്നിരുന്നാലും, നിയന്ത്രണങ്ങൾ നിശ്ചയിക്കേണ്ടത് വ്യക്തിഗത രാജ്യങ്ങളാണ്ഉ ദാഹരണത്തിന്, നിങ്ങളുടെ രണ്ടാമത്തെ ഡോസ് സ്വീകരിച്ച് രണ്ടാഴ്ച കഴിഞ്ഞാണ് ചില രാജ്യങ്ങൾ നിങ്ങൾക്ക് “പൂർണ്ണമായി വാക്സിനേഷൻ” ലഭിച്ചതായ കണക്കാക്കുന്നത്.എന്നാൽ ചില രാജ്യങ്ങൾ ആദ്യ ഡോസ് എടുത്താൽ തന്നെ വാക്സിൻ പ്രൂഫ് സ്വീകരിക്കും.
ടെസ്റ്റിംഗിനെക്കുറിച്ച് പറയുകയാണെങ്കിൽ ചില രാജ്യങ്ങൾ മാത്രമേ സ്വയം പരിശോധനകൾ സ്വീകരിക്കുകയുള്ളു. ചില രാജ്യങ്ങളിൽ 72 മണിക്കൂറിനുള്ളിൽ നടത്തിയ ടെസ്റ്റുകളുടെ റിസൾട്ടുകൾ സ്വീകരിക്കും.ചില രാജ്യങ്ങളിൽ ഇത് 48 മണിക്കൂറാണ്.
അതിനാൽ നിങ്ങൾ യാത്ര ചെയ്യുന്ന രാജ്യത്തിന്റെ നിയമങ്ങൾ ഇടയ്ക്കിടെ പരിശോധിക്കേണ്ടതുണ്ട്.യൂറോപ്യൻ യൂണിയൻ താമസക്കാർക്ക് എങ്ങനെ സർട്ടിഫിക്കറ്റ് ലഭിക്കും?
സർട്ടിഫിക്കറ്റുകൾ നൽ‌കുന്നതിനുള്ള ചുമതല അംഗരാജ്യങ്ങൾ‌ക്കാണ്. അതിനാൽ ഓരോ രാജ്യത്തും സർട്ടിഫിക്കറ്റ് ലഭിക്കുന്നതിനുള്ള പ്രക്രിയ വ്യത്യസ്തമാണ്.
നിങ്ങൾ ഒരു യൂറോപ്യൻ യൂണിയൻ രാജ്യത്ത് താമസിക്കുകയും അവിടെ നിന്ന് വാക്സിനേഷൻ സ്വീകരിക്കുകയും ചെയ്തിട്ടുണ്ടെങ്കിൽ, അവിടെ നിന്ന് ലഭിച്ച സർട്ടിഫിക്കറ്റ് ഉപയോഗിച്ച് നിങ്ങൾക്ക് പാസ് ആക്സസ് ചെയ്യാൻ കഴിയും.മിക്ക രാജ്യങ്ങളും സർട്ടിഫിക്കറ്റുകൾ സൂക്ഷിക്കുന്നതിനായി സ്മാർട്ട്ഫോൺ ആപ്ലിക്കേഷനുകൾ വികസിപ്പിച്ചിട്ടുണ്ട്. ജൂലൈ 1 വരെ ക്യുആർ കോഡുകളുള്ള നെഗറ്റീവ് പരിശോധനാ ഫലങ്ങൾ മാത്രമേ യാത്രയ്ക്കായി സ്വീകരിക്കുകയുള്ളൂ. വാക്സിനേഷനുശേഷം ഇ-ഹെൽത്ത് പോർട്ടൽ വഴിയാണ് മിക്ക രാജ്യങ്ങളിലുള്ളവർക്കും സർട്ടിഫിക്കറ്റ് ലഭിക്കുന്നത
ഫ്രാൻസ് പോലുള്ള ചില രാജ്യങ്ങളിൽ, കുത്തിവയ്പ്പിനുശേഷം ആളുകൾക്ക് ക്യുആർ കോഡ് ഉള്ള ഒരു വാക്സിനേഷൻ സർട്ടിഫിക്കറ്റ് നൽകുന്നു. ഈ സർട്ടിഫിക്കറ്റുകൾ, ഇയു കോവിഡ് സർ‌ട്ടിഫിക്കറ്റായി മാറ്റേണ്ടതുണ്ട്.
