കോവിഡ് മാനദണ്ഡം ലംഘിച്ച് മദ്യവിരുന്നു സല്ക്കാരങ്ങള് നടത്തിയതിൽ ബ്രിട്ടീഷ് പ്രധാനമന്ത്രി ബോറിസ് ജോൺസണെതിരെ അന്വേഷണ റിപ്പോർട്ട് . .ലോക്ഡൗൺ കാലത്ത് ചടങ്ങ് നടത്തിയത് വലിയ വീഴ്ചയെന്നാണ് കാബിനറ്റ് സമിതി നടത്തിയ അന്വേഷണ റിപ്പോർട്ടിലുള്ളത്. റിപ്പോർട്ടിന് പിന്നാലെ സംഭവത്തിൽ മാപ്പ് പറഞ്ഞ് ബോറിസ് ജോൺസൺ രംഗത്തെത്തി. സ്യൂ ഗ്രേയുടെ നേതൃത്വത്തിലുള്ള കാബിനറ്റ് സമിതി നടത്തിയ അന്വേഷണത്തിലാണ് ബോറിസ് ജോൺസണെതിരായ ഗുരുതര കണ്ടെത്തലുകൾ. ലോക്ഡൗൺ നിലനിൽക്കെ പ്രധാനമന്ത്രി സത്കാരങ്ങൾ നടത്തിയത് ഗുരുതര വീഴ്ചയാണെന്നാണ് റിപ്പോർട്ടിലുള്ളത്. ഇതോടെ ബ്രിട്ടീഷ് പാർലമെന്റില് ബോറിസ് ജോൺസന്റെ രാജിയാവശ്യം ശക്തമായി.. സ്വന്തം പാർട്ടിയിലെ എം.പിമാരടക്കം രാജിയാവശ്യപ്പെട്ട് രംഗത്തെത്തി. എന്നാൽ രാജിയില്ലെന്ന് ബോറിസ് ജോണ്സൺ ആവര്ത്തിച്ചു. പകരം മാപ്പ് അപേക്ഷിക്കുന്നതായും വിഷയം കൈകാര്യം ചെയ്യുന്നതിൽ തെറ്റ് പറ്റിയെന്നും ബോറിസ് ജോൺസൺ പറഞ്ഞു. രാജി വയ്ക്കാത്ത പ്രധാനമന്ത്രിയുടെ നടപടി നാണം കെട്ടതാണെന്ന് പ്രതിപക്ഷം തുറന്നടിച്ചു. ബോറിസിന്റെ രാജി ആവശ്യപ്പെട്ടുള്ള ജനകീയ പ്രതിഷേധങ്ങളും ശക്തമാണ്. കഴിഞ്ഞ വർഷമാണ് ലോക്ഡൗൺ മാനദണ്ഡങ്ങൾ ലംഘിച്ച് പ്രധാനമന്ത്രിയുടെ ഔദ്യോഗിക വസതിയിലും സർക്കാർ മന്ദിരങ്ങളിലും നിരവധി പേർ പങ്കെടുത്ത 11ലധികം സത്കാര ചടങ്ങളുകൾ നടന്നത്.
Related News
മക്ക സ്മാര്ട്ടാകുന്നു
മക്ക നഗരത്തെ സ്മാർട്ട് സിറ്റിയാക്കി മാറ്റുന്നു. ഇതിന്റെ ഭാഗമായി ഗവൺമെന്റ് സേവനങ്ങൾ ഇ-നെറ്റ് വർക്കിലേക്ക് മാറ്റുന്നതിനുള്ള നടപടികളാരംഭിച്ചു. പദ്ധതിയുടെ ഭാഗമായി ഏഴായിരത്തോളം സ്വദേശികൾക്ക് തൊഴിൽ പരിശീലനം നൽകും. മക്കയേയും പുണ്യസ്ഥലങ്ങളേയും ബന്ധിപ്പിക്കുന്ന സ്മാര്ട്ട് മക്ക പദ്ധതി ആരംഭിക്കുമെന്ന് കഴിഞ്ഞ വർഷമാണ് മക്ക ഗവർണ്ണർ പറഞ്ഞത്. അത്യാധുനിക സംവിധാനങ്ങളോടെ മക്കയേയും പുണ്ണ്യസ്ഥലങ്ങളേയും ലോകോത്തര നിലവാരത്തിലേക്ക് പരിവര്ത്തിപ്പിക്കുന്നതാണ് സ്മാര്ട്ട് മക്ക പദ്ധതി. ഭാവിയില് പുണ്ണ്യസ്ഥലങ്ങളെ മുഴുവന് ഇ-സംവിധാനത്തില് പ്രവര്ത്തിക്കുന്ന രീതിയിലേക്ക് മാറ്റുകയാണ് ലക്ഷ്യം. പദ്ധതിയുടെ ഭാഗമായുള്ള ഇലക്ട്രിസിറ്റി പദ്ധതി നേരത്തെ […]
വരാനിരിക്കുന്നത് കൊറോണയേക്കാള് മാരകം; മുന്നറിയിപ്പുമായി അമേരിക്കന് ഡോക്ടര്
വരാനിരിക്കുന്ന മഹാമാരിയില് ലോകത്തെ പകുതി ജനസംഖ്യയും അപ്രത്യക്ഷമാകുമെന്നാണ് മുന്നറിയിപ്പ്… വരാനിരിക്കുന്നത് കോവിഡിനേക്കാള് മാരകമായ മഹാമാരിയെന്ന് അമേരിക്കന് ഗവേഷകനായ ഡോ. മൈക്കിള് ഗ്രെഗര്. കോവിഡ് 19നേക്കാള് മരണനിരക്ക് ഏറെ കൂടിയ മഹാമാരി വരുന്നതോടെ ലോകത്തെ ജനസംഖ്യയുടെ പകുതി ഇല്ലാതാകുമെന്നാണ് മുന്നറിയിപ്പ്. അദ്ദേഹം എഴുതിയ ‘ഹൗ ടു സര്വൈവ് എ പാന്ഡമിക് ‘ എന്ന പുസ്തകത്തിലാണ് വിവരങ്ങളുള്ളത് മൃഗങ്ങളുമായുള്ള മനുഷ്യന്റെ ഇടപഴകലും ക്രൂരതയുമാണ് രോഗങ്ങള്ക്ക് കാരണമാവുകയെന്നാണ് ഡോ. മൈക്കിള് ഗ്രെഗര് പറയുന്നത്. ഇതിന് മുന്കാല അനുഭവങ്ങളും അദ്ദേഹം നിരത്തുന്നുണ്ട്. ക്ഷയരോഗത്തിന് […]
സൗദിയില് നിന്നും നാട്ടില് പോയവരുടെ റീ എന്ട്രി നീട്ടാന് ഫീസടക്കണം; ഇഖാമ കാലാവധി അവസാനിച്ചവര്ക്ക് മൂന്ന് മാസം പുതുക്കി ലഭിച്ചു തുടങ്ങി
ഇതിനിടെ സൗദിയിലുള്ളവരുടെ ഇഖാമ കാലാവധി സൌജന്യമായി മൂന്ന് മാസത്തേക്ക് നീട്ടി നല്കുന്നുണ്ട് സൗദിയില് നിന്നും നാട്ടില് പോയി വിമാനങ്ങള് റദ്ദാക്കിയതോടെ തിരിച്ചു വരാനാകാത്ത വിദേശികളുടെ റീ എന്ട്രി ദീര്ഘിപ്പിക്കാന് സൌകര്യം ഒരുങ്ങി. തൊഴിലാളികളുടേയും അവരുടെ ആശ്രിതരുടേയും റീ എന്ട്രികള് അബ്ഷീര് വഴിയാണ് പുതുക്കി ലഭിക്കുക. രണ്ട് നിബന്ധനകളാണ് ഇപ്പോള് റീ എന്ട്രി പുതുക്കി ലഭിക്കാന് ഉള്ളത്: 1. ഇഖാമ കാലാവധിയുള്ളവര്ക്കാണ് ഇപ്പോള് റീ എന്ട്രി നീട്ടി ലഭിക്കുക. റീ എന്ട്രി ദീര്ഘിപ്പിക്കുന്ന കാലയളവ് വരെ ഇഖാമക്കും കാലാവധി ഉണ്ടായിരിക്കണം. […]