ന്യൂഡല്‍ഹി: കിഴക്കന്‍ ഡെല്‍ഹിയിലെ ത്രിലോക്പൂരില്‍ രണ്ട് പശുക്കളെ ചത്ത നിലയില്‍ കണ്ടെത്തിയതിനെ തുടര്‍ന്ന് പ്രദേശത്ത് സംഘര്‍ഷാവസ്ഥ. സ്ഥലത്ത് സംഘര്‍ഷാവസ്ഥ നിലനില്‍ക്കുന്നതിനാല്‍ മുന്‍കരുതല്‍ നടപടിയായി പോലീസിനെ വിന്യസിച്ചിട്ടുണ്ട്.
രണ്ട് പശുക്കള്‍ ചത്തുകിടക്കുന്നതായി പോലീസിന് അറിയിപ്പ് ലഭിച്ചു. സ്ഥലത്ത് എത്തിയ പോലീസ് അവയെ പോസ്റ്റ്മോര്‍ട്ടത്തിനായി കൊണ്ടുപോയി. സംഭവത്തില്‍ പങ്കുള്ളവര്‍ക്കായി അന്വേഷണം ആരംഭിച്ചതായി പോലീസ് അറിയിച്ചു. രണ്ടുപേരെ പ്രദേശത്ത്നിന്ന് കാണാതായതായും റിപ്പോര്‍ട്ടുണ്ട്.
