കേരളത്തിന് പിന്നാലെ പൗരത്വ നിയമ ഭേദഗതിക്കെതിരെ പ്രമേയം പാസാക്കാനൊരുങ്ങി പഞ്ചാബും. പ്രമേയം പാസാക്കുന്നതിനായി പഞ്ചാബ് സർക്കാർ മന്ത്രിസഭാ യോഗം വിളിച്ചു. പൗരത്വ നിയമ ഭേദഗതിക്കെതിരെ പിണറായി സര്‍ക്കാര്‍ സുപ്രിംകോടതിയെ സമീപിക്കുമ്പോഴാണ് പഞ്ചാബും കേരളത്തിന്റെ പാത പിന്തുടര്‍ന്ന് പ്രമേയം പാസാക്കാന്‍ ഒരുങ്ങുന്നത്. നിയമം ഭരണഘടനാവിരുദ്ധമായി പ്രഖ്യാപിക്കണമെന്നാണ് കേരളം ഹരജിയില്‍ ആവശ്യപ്പെടുന്നത്. കോടതിയെ സമീപിക്കണമെന്നത് പൊതു തീരുമാനമായിരുന്നുവെന്ന് നിയമമന്ത്രി എ.കെ ബാലന്‍ പ്രതികരിച്ചിരുന്നു.
