Cricket India Sports

ഗ്രാമത്തിൽ ക്രിക്കറ്റ് മൈതാനം ആരംഭിച്ച് ടി നടരാജൻ

Posted on Author Malayalees Comments Off on ഗ്രാമത്തിൽ ക്രിക്കറ്റ് മൈതാനം ആരംഭിച്ച് ടി നടരാജൻ

തൻ്റെ ഗ്രാമത്തിൽ ക്രിക്കറ്റ് മൈതാനം ആരംഭിച്ച് ഇന്ത്യൻ താരം ടി നടരാജൻ. നടരാജൻ ക്രിക്കറ്റ് ഗ്രൗണ്ട് എന്ന പേരിലാണ് താരം മൈതാനം ആരംഭിച്ചിരിക്കുന്നത്. തൻ്റെ ട്വിറ്റർ ഹാൻഡിലിലൂടെ നടരാജൻ തന്നെ ഇക്കാര്യം പങ്കുവച്ചു. എല്ലാ സൗകര്യങ്ങളുമുള്ള മൈതാനമാണ് പണികഴിപ്പിച്ചിരിക്കുന്നതെന്ന് നടരാജൻ കുറിച്ചു. (Natarajan Cricket Ground tamilnadu)

അതേസമയം, ദക്ഷിണാഫ്രിക്കൻ ഇതിഹാസ പേസർ ഡെയിൽ സ്റ്റെയ്ൻ സൺറൈസേഴ്സ് ഹൈദരാബാദ് ടീമിൻ്റെ ബൗളിംഗ് പരിശീലകനായേക്കും എന്ന് സൂചന. അടുത്ത ആഴ്ചയോടെ ഇക്കാര്യത്തിൽ സൺറൈസെഴ്സ് ഔദ്യോഗിക പ്രഖ്യാപനം നടത്തിയേക്കുമെന്നാണ് സൂചന. ഐപിഎലിൽ 95 മത്സരങ്ങൾ കളിച്ചിട്ടുള്ള താരമാണ് ഡെയിൽ സ്റ്റെയ്ൻ.

അതേസമയം, ട്രെവർ ബെയ്‌ലിസിനു പകരം ടോം മൂഡി സൺറൈസേഴ്സ് മുഖ്യ പരിശീലകനാവും. കഴിഞ്ഞ സീസണിൽ ഫ്രാഞ്ചൈസിയുടെ ഡയറക്ടർ ഓഫ് ക്രിക്കറ്റ് ആയിരുന്നു മൂഡി. മൂഡിക്കൊപ്പമാവും ബെയ്‌ലിസ് പ്രവർത്തിക്കുക. മുൻ ദേശീയ താരം ഹേമങ് ബദാനിയും സൺറൈസേഴ്സ് പരിശീലക സംഘത്തിൽ എത്തിയേക്കുമെന്ന് സൂചനയുണ്ട്.

ഡെക്കാൺ ചാർജേഴ്സ്, സൺറൈസേഴ്സ് ഹൈദരാബാദ്, ഗുജറാത്ത് ലയൺസ്, റോയൽ ചലഞ്ചേഴ്സ് ബാംഗ്ലൂർ എന്നീ ടീമുകൾക്കായാണ് സ്റ്റെയ്ൻ ഐപിഎൽ കളിച്ചിട്ടുള്ളത്.

അതേസമയം, ഐപിഎലിലെ പുതിയ ടീമുകളിൽ ഒന്നായ ലക്നൗ ഫ്രാഞ്ചൈസിയുടെ പരിശീലകനായി ആൻഡി ഫ്ലവറോ ഡാനിയൽ വെട്ടോറിയോ എത്തിയേക്കുമെന്ന് റിപ്പോർട്ടുണ്ട്. പഞ്ചാബ് കിംഗ്സിൻ്റെ സഹ പരിശീലകനും സിംബാബ്‌വെ മുൻ താരവുമായ ഫ്ലവറിന് സാധ്യത കൂടുതലുണ്ടെന്നാണ് സൂചന. പഞ്ചാബ് കിംഗ്സിൻ്റെ മുൻ ക്യാപ്റ്റൻ ലോകേഷ് രാഹുൽ ലക്നൗവിൻ്റെ ക്യാപ്റ്റനായേക്കുമെന്നും രാഹുലിന് ഫ്ലവറുമായി നല്ല ബന്ധമാണ് ഉള്ളതെന്നും റിപ്പോർട്ടുകൾ സൂചിപ്പിക്കുന്നു.

ന്യൂസീലൻഡിൻ്റെ മുൻ ക്യാപ്റ്റനായ ഡാനിയൽ വെട്ടോറി റോയൽ ചലഞ്ചേഴ്സ് ബാംഗ്ലൂരിൻ്റെ മുൻ പരിശീലകനായിരുന്നു. ബാർബഡോസ് റോയൽസിൻ്റെ നിലവിലെ പരിശീലകനും വെട്ടോറിയാണ്. ബംഗ്ലാദേശ് ദേശീയ ടീമിൻ്റെ സ്പിൻ പരിശീലകനായും താരം സേവനം അനുഷ്ടിച്ചിട്ടുണ്ട്. ഇരുവർക്കുമൊപ്പം സൺറൈസേഴ്സിൻ്റെ മുൻ പരിശീലകൻ ട്രെവർ ബെയ്‌ലിസ്, ഇന്ത്യൻ ടീം മുൻ പരിശീലകൻ ഗാരി കേർസ്റ്റൺ എന്നിവരും ലക്നൗ പരിശീലക സ്ഥാനത്ത് പരിഗണിക്കപ്പെടുന്നവരിൽ ഉൾപ്പെട്ടിട്ടുണ്ട്.

Malayalees
http://www.malayalees.ch

Related News
Cricket Sports

ദക്ഷിണാഫ്രിക്കന്‍ ക്രിക്കറ്റ് താരങ്ങളും നിരീക്ഷണത്തില്‍, ടീം തങ്ങിയത് കനിക കപൂര്‍ താമസിച്ച ഹോട്ടലില്‍

Posted on Author Malayalees

ഇന്ത്യയിലേക്ക് മൂന്ന് മത്സരങ്ങളുടെ ഏകദിന പരമ്പരക്കെത്തിയ ദക്ഷിണാഫ്രിക്കന്‍ ക്രിക്കറ്റ് ടീമും നിരീക്ഷണത്തില്‍. കോവിഡ് 19 സ്ഥിരീകരിച്ച ബോളിവുഡ് ഗായിക കനിക കപൂര്‍ താമസിച്ച അതേ ഹോട്ടലിലാണ് ദക്ഷിണാഫ്രിക്കന്‍ ടീമും താമസിച്ചിരുന്നത്. ബ്രിട്ടനില്‍ നിന്ന് തിരിച്ചെത്തിയശേഷം ലഖ്‌നൗവിലെ പഞ്ചനക്ഷത്ര ഹോട്ടലില്‍ കനിക റൂമെടുത്തിരുന്നു. ഇവിടെയാണ് ലക്‌നൗവില്‍ ഏകദിനത്തിനെത്തിയ ദക്ഷിണാഫ്രിക്കന്‍ ടീമും താമസിച്ചത്. മാര്‍ച്ച് 15നായിരുന്നു ലഖ്‌നൗവില്‍ രണ്ടാം ഏകദിനം തീരുമാനിച്ചിരുന്നത്. എന്നാല്‍ കൊറോണ ഭീതിയെ തുടര്‍ന്ന് ഏകദിന പരമ്പര തന്നെ റദ്ദാക്കി. തുടര്‍ന്ന് ദക്ഷിണാഫ്രിക്കന്‍ താരങ്ങള്‍ നാട്ടിലേക്ക് മടങ്ങുകയും […]
India National

ശബരിമല യുവതീ പ്രവേശനം തടയാൻ ലോക്സഭയിൽ സ്വകാര്യ ബിൽ

Posted on Author Malayalees

സംസ്ഥാനത്ത് ലോക്സഭ തിരഞ്ഞെടുപ്പ് ഫലത്തെ സ്വാധീനിച്ച ശബരിമല യുവതീ പ്രവേശന വിഷയം വെള്ളിയാഴ്ച ലോക്സഭയിലെത്തുന്നു. കൊല്ലം എം.പി എന്‍ കെ പ്രേമചന്ദ്രൻ അവതരിപ്പിക്കുന്ന ബിൽ പതിനേഴാം ലോക്സഭയിലെ ആദ്യ സ്വകാര്യ ബില്ലായിരിക്കും. 2018 സെപ്തംബര്‍ ഒന്നിനു മുമ്പുണ്ടായിരുന്ന ആചാര അനുഷ്ഠാനങ്ങള്‍ നിലനിർത്തണമെന്നാണ് ആവശ്യം. ബില്ല് ചർച്ചക്കെടുക്കുക നറുക്കെടുപ്പിന്റെ അടിസ്ഥാനത്തിലാണ്. ജൂൺ 25 നു നറുക്കെടുപ്പ് നടക്കും, അവസരം ലഭിച്ചാല്‍ ജൂലൈ 12 നു ചർച്ച ചെയ്യും.
India

താലിബാനുമായി ട്രംപിന്റെ കരാര്‍; മേഖലയില്‍ ആശങ്ക

Posted on Author Malayalees

ഇന്ത്യാ സന്ദര്‍ശനത്തിനു പിന്നാലെ താലിബാനുമായി സമാധാന കരാര്‍ ഒപ്പുവെക്കാനൊരുങ്ങുന്ന ട്രംപിന്റെ നീക്കം മേഖലയില്‍ ആശങ്ക പടര്‍ത്തുന്നു. അന്താരാഷ്ട്ര അംഗീകാരത്തോടെ താലിബാന്‍ അഫ്ഗാനിസ്ഥാനില്‍ മടങ്ങിയെത്തുന്നതിനാണ് പുതിയ സമാധാന കരാര്‍ വഴിയൊരുക്കുക. കഴിഞ്ഞ രണ്ടു വര്‍ഷമായി അമേരിക്ക നടത്തി വരുന്ന ചര്‍ച്ചകള്‍ വീക്ഷിക്കുന്നുണ്ടായിരുന്നെങ്കിലും പുതിയ കരാറിനെ കുറിച്ച് ഇന്ത്യ ഇതുവരെ പ്രതികരിച്ചിട്ടില്ല.