മുസ്‍ലിംകള്‍ക്കെതിരെ വിദ്വേഷ പരാമർശവുമായി വീണ്ടും ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. വിഭജനശേഷം ഇന്ത്യയിൽ തുടരാൻ മുസ്ലിങ്ങൾ തീരുമാനിച്ചെങ്കിലും രാജ്യത്തിനുവേണ്ടി അവർ ഒരു സഹായവും ചെയ്തില്ലെന്നാണ് അദ്ദേഹം പരാമർശം നടത്തിയത്. ഡൽഹി നിയമസഭാ തെരഞ്ഞെടുപ്പിന്‍റെ പ്രചാരണം അവസാനഘട്ടത്തിൽ എത്തിനിൽക്കവെയാണ് ബി.ബി.സി ഹിന്ദിക്ക് നൽകിയ അഭിമുഖത്തിൽ യോഗിയുടെ വിദ്വേഷ പരാമർശം. പാക്കിസ്ഥാൻ എന്ന രാജ്യത്തിന്‍റെ രൂപീകരണത്തിന് കാരണമായ വിഭജനത്തെ എതിർക്കുകയായിരുന്നു മുസ്ലിങ്ങൾ ചെയ്യേണ്ടിയിരുന്നതെന്നും യോഗി പറഞ്ഞു.
