പത്തനംതിട്ടയിലെ മലയോരമേഖലയില്‍ ശക്തമായ മഴ. അച്ഛൻകോവില്‍, പമ്പ ആറുകളില്‍ ജലനിരപ്പ് ഉയരുന്നു . കൊക്കാത്തോട്, കല്ലേലി, വയക്കര പ്രദേശങ്ങള്‍ ഒറ്റപ്പെട്ടു. ചെങ്ങന്നൂർ വെൺമണിയിലും ജലനിരപ്പ് ഉയരുന്നു. ശാർങ്ങക്കാവ് ദേവി ക്ഷേത്രത്തില്‍ വെള്ളം കയറി. സീതത്തോട്ടിൽ ഇടവിട്ട് ശക്തമായ മഴ പെയ്യുന്നു.
50 കുടുംബങ്ങളെ മാറ്റിപ്പാര്‍പ്പിച്ചു. തിരുവല്ല തിരുമൂലപുരം കുറ്റൂര്‍ മേഖലയില്‍ എംസി റോഡില്‍ വെള്ളംകയറിയതോടെ ഗതാഗതക്കുരുക്ക് രൂക്ഷമായി. രാത്രിയോടെ വെള്ളം കുറയുമെന്നാണ് പ്രതീക്ഷ. തിരുവല്ല കോഴഞ്ചേരി റോഡില്‍ ചില ഭാഗത്ത് ചെറിയവാഹനങ്ങള്‍ നിരോധിച്ചു.
