സംസ്ഥാന മദ്യവർജനസമിതിയുടെ കർമശ്രേഷ്ഠ പുരസ്കാരം മാധ്യമം ദിനപത്രത്തിന്. ലഹരി വിരുദ്ധ പ്രവർത്തനത്തിൽ അധിഷ്ഠിതമായ വാർത്തകൾ കണക്കിലെടുത്താണ് പുരസ്കാരമെന്ന് സമിതി പ്രസിഡന്റ് എം. റസീഫും സെക്രട്ടറി റസൽ സബർമതിയും വാർത്താസമ്മേളനത്തിൽ അറിയിച്ചു. ജസ്റ്റിസ് ഡി. ശ്രീദേവിയുടെ രണ്ടാം ചരമവാർഷികവും വിവിധ മേഖലകളിൽ കഴിവ് തെളിയിച്ച വ്യക്തികൾക്കുള്ള പുരസ്കാരദാനവും ഇതോടൊപ്പം നടക്കും.
ജസ്റ്റിസ് ഡി. ശ്രീദേവി അനുസ്മരണവും പുരസ്കാരവിതരണവും മാർച്ച് അഞ്ചിന് തിരുവനന്തപുരം പ്രസ്ക്ലബിൽ മുൻ മുഖ്യമന്ത്രി ഉമ്മൻ ചാണ്ടി നിർവഹിക്കും. 22 അധ്യാപകരെയും ഏഴ് പ്രഥമ അധ്യാപകരെയും നാല് സാമൂഹികപ്രവർത്തകരെയും രണ്ട് പൊലീസ് ഉദ്യോഗസ്ഥരെയും പുരസ്കാരം നൽകി ആദരിക്കും. സി.പി.ഐ നേതാവ് പന്ന്യൻ രവീന്ദ്രൻ ലഹരി വിരുദ്ധ പ്രഭാഷണം നടത്തും.
