തിരുവനന്തപുരം നഗരത്തിൽ ലോക്ഡൗൺ പിൻവലിച്ചു

മാളുകൾക്കും ജിമ്മുകൾക്കും ഉൾപ്പെടെ പ്രവർത്തനാനുമതി നൽകി. ഇന്നലെ 310 പേർക്ക് ജില്ലയിൽ കൊവിഡ് സ്ഥിരീകരിച്ചു

തിരുവനന്തപുരം നഗരത്തിൽ ലോക്ഡൗൺ പിൻവലിച്ചു. മാളുകൾക്കും ജിമ്മുകൾക്കും ഉൾപ്പെടെ പ്രവർത്തനാനുമതി നൽകി. ഇന്നലെ 310 പേർക്ക് ജില്ലയിൽ കൊവിഡ് സ്ഥിരീകരിച്ചു. പൂജപ്പുര സെൻട്രൽ ജയിലിൽ കോവിഡ് രോഗികളുടെ എണ്ണം 124 ആയി

കണ്ടെയ്ന്‍മെന്‍റ് സോൺ ഒഴികെയുള്ള തിരുവനന്തപുരം കോർപ്പറേഷൻ പരിധിയിലെ പ്രദേശങ്ങളിലാണ് ലോക് ഡൗൺ മാറ്റിയത്. എല്ലാ കടകള്‍ക്കും രാവിലെ ഏഴുമുതല്‍ വൈകിട്ട് ഏഴുമണിവരെ പ്രവര്‍ത്തിക്കാം. റസ്റ്റോറന്‍റുകള്‍ക്ക് രാത്രി ഒന്‍പതു വരെ പ്രവര്‍ത്തന അനുമതിയുണ്ട്. പാർസൽ സർവീസ് മാത്രമേ നടത്താവു. മാളുകള്‍, ഹൈപ്പര്‍മാര്‍ക്കറ്റുകള്‍, സലൂണ്‍, ബ്യൂട്ടിപാര്‍ലര്‍, ബാര്‍ബര്‍ ഷോപ്പ്,ബാറുകള്‍, ബീയര്‍ പാര്‍ലറുകള്‍ , ജിമ്മുകള്‍ എന്നിവയും മാനദണ്ഡങ്ങൾ പാലിച്ച് പ്രവർത്തിക്കാം.

50 ശതമാനം ജീവനക്കാരെ ഉള്‍ക്കൊള്ളിച്ച് ഓഫീസുകൾക്കും ബാങ്കുകൾക്കും പ്രവര്‍ത്തിക്കാം. സിനിമ ഹാള്‍, വിനോദ പാര്‍ക്കുകള്‍ക്ക് പ്രവർത്തനാനുമതിയില്ല. പൊതു പരിപാടികളും പാടില്ല. ഇന്നലെ രോഗം സ്വീകരിച്ച 310 പേരിൽ 300 പേർക്കും സമ്പർക്കത്തിലൂടെ രോഗം ബാധിച്ചത്. വലിയതുറ 16 പൊഴിയൂർ 13 കോട്ടപ്പുറം 13 അഞ്ചുതെങ്ങ് 10 ബാലരാമപുരം 9

ഇവയാണ് ഏറ്റവും കൂടുതൽ കേസുകൾ റിപ്പോർട്ട് ചെയ്ത സ്ഥലങ്ങൾ. ഇന്നലെ 63 പേർ കൂടി രോഗബാധ സ്ഥിരീകരിച്ചതോടെ പൂജപ്പുര സെൻട്രൽ ജയിലിൽ രോഗ ബാധ സ്ഥിരീകരിക്കുന്നവരുടെ എണ്ണം 124 ആയി. ഇന്നലെ കൊവിഡ് ബാധിച്ച് മരിച്ചതായി റിപ്പോർട്ട് ചെയ്ത 10 പേരിൽ ആറ് പേരും ആറു പേരും തിരുവനന്തപുരം സ്വദേശികൾ ആണ്.