ഭൂമി വിവരങ്ങള്‍ ആധാറുമായി ബന്ധിപ്പിക്കാന്‍ നീക്കം. ഭൂമിയുടെ തണ്ടപ്പേര്‍ ആധാറുമായി ബന്ധിപ്പിക്കാനുള്ള പദ്ധതിക്ക് റവന്യു വകുപ്പിന് അനുമതി നല്‍കിക്കൊണ്ട് സര്‍ക്കാര്‍ ഉത്തരവ് പുറത്തിറക്കി. ഓരോ ഭൂവുടമകള്‍ക്കും ആധാര്‍ അധിഷ്ഠിത യൂണിക് തണ്ടപ്പേര്‍ നല്‍കുമെന്നാണ് ഉത്തരവില്‍ പറയുന്നത്. ഇതോടെ ഓരോ വ്യക്തിക്കും കേരളത്തിലെവിടെയുമുള്ള ഭൂമിയുടെ അളവ് കണ്ടെത്താനാകുമെന്നും വ്യക്തികള്‍ അധിക ഭൂമി കൈവശം വെക്കുന്നത് തടയാനാകുമെന്നും സര്‍ക്കാര്‍ വിശദീകരിക്കുന്നു.
