മിസോറം ഗവര്‍ണര്‍ സ്ഥാനം രാജിവെച്ച കുമ്മനം രാജശേഖരനെ സ്വാഗതം ചെയ്ത് ബി.ജെ.പി സംസ്ഥാന അധ്യക്ഷന്‍ പി.എസ് ശ്രീധരന്‍ പിള്ള. കുമ്മനം തെരഞ്ഞെടുപ്പ് രംഗത്ത് സജീവമായുണ്ടാകുമെന്നും പാര്‍ട്ടിയില്‍ ആശയപരമായോ വ്യക്തിപരമായോ ഭിന്നതയില്ലെന്നും ശ്രീധരന്‍പിള്ള പറഞ്ഞു.
കുമ്മനത്തിന്റെ പ്രവര്‍ത്തന രംഗം തിരുവനന്തപുരം ആകും. ബി.ജെ.പിയുടെ ആത്മബലം തകര്‍ക്കാന്‍ ഗൂഢശ്രമം നടക്കുന്നുണ്ട്. കേരളത്തില്‍ ബി.ജെ.പി ഒറ്റക്കെട്ടായി മുന്നോട്ടുപോകുമെന്നും ശ്രീധരന്‍പിള്ള മാധ്യമങ്ങളോട് പറഞ്ഞു.
