മലപ്പുറം ജില്ലയിൽ വീണ്ടും 2000 കടന്ന് കൊവിഡ് കേസുകൾ(2752). നേരിട്ടുള്ള സമ്പര്‍ക്കത്തിലൂടെ 2,673 പേര്‍ക്കാണ് ജില്ലയിൽ കൊവിഡ് സ്ഥിരീകരിച്ചത്. 17.99 ശതമാനമാണ് ജില്ലയിലെ ടെസ്റ്റ് പോസിറ്റിവിറ്റി നിരക്ക്. ജില്ലയിൽ 2,453 പേര്‍ കൊവിഡ് ബാധക്കുശേഷം രോഗമുക്തരുമായി.
സംസ്ഥാനത്ത് എട്ട് ജില്ലകളിൽ ആയിരത്തിന് മുകളിലാണ് പ്രതിദിന കൊവിഡ് ബാധിതർ. അതേസമയം സംസ്ഥാനത്ത് ഇന്ന് 16,848 പേര്‍ക്കാണ് കൊവിഡ്-19 സ്ഥിരീകരിച്ചത്. 104 കൊവിഡ് മരണവും റിപ്പോർട്ട് ചെയ്തു. ഇതോടെ സംസ്ഥാനത്ത് കൊവിഡ് ബാധിച്ച് മരിച്ചവരുടെ എണ്ണം 15,512 ആയി. ഇതിനിടെ തുടർച്ചയായ രണ്ടാം ദിവസവും ടി പി ആർ 11 ശതമാനത്തിന് മുകളിൽ തന്നെയാണ്. 11.91 ശതമാനമാണ് സംസ്ഥാനത്ത് ഇന്നത്തെ ടി പി ആർ നിരക്ക്.
