കോവിഡ് 19 ഭീതിയുടെ പശ്ചാത്തലത്തില്‍ സംസ്ഥാനത്തെ വിമാനത്താവളങ്ങളില് നിയന്ത്രണം ഏര്‍പ്പെടുത്തി. നെടുമ്പാശ്ശേരി വിമാനത്താവളത്തില്‍ സന്ദര്‍ശകരെ വിലക്കി സിയാല്‍ നിര്‍ദ്ദേശമുണ്ട്. ടെര്‍മിനല്‍ കെട്ടിട പരിസരത്തും സന്ദര്‍ശന ഗ്യാലറിയിലും പ്രവേശനമനുവദിക്കില്ലെന്നും സിയാല്‍ പറഞ്ഞു. കോഴിക്കോട് കരിപ്പൂര്‍ വിമാനത്താവളത്തിലും സന്ദര്‍ശകര്‍ക്ക് വിലക്കുണ്ട്. യാത്രക്കാരുടെ വാഹനങ്ങള്‍ അല്ലാത്ത എല്ലാ വാഹനങ്ങളും വിമാനത്താവളത്തിന് ഒരു കിലോമീറ്റര്‍ അകലെ തടയുകയാണ്. സന്ദര്‍ശകര്‍ക്കും വിലക്ക് ബാധകമാണ്.
