പാർട്ടി പ്രതിനിധിയായി ജയിച്ച ശേഷം നിർദേശങ്ങൾ പാലിക്കാത്തത് ജനാധിപത്യ അധാർമികതയെന്ന് ഹൈകോടതി. പാർട്ടി നിർദേശം ലംഘിച്ചതിന് തിരുവല്ല നഗരസഭാ അധ്യക്ഷനെ അയോഗ്യനാക്കിയത് ശരിവെച്ചു. തെഞ്ഞെടുക്കപ്പെട്ട വ്യക്തി താൻ അംഗമായ പാർട്ടിയുടെ നിർദേശം പാലിക്കാത്തത് കൂറുമാറ്റമാണെന്ന് കോടതി ചൂണ്ടിക്കാട്ടി. ഒരു പാർട്ടിയുടെ പ്രതിനിധിയായി മത്സരിച്ചു ജയിക്കുന്ന വ്യക്തി ആ പാർട്ടിയോടു കൂറു കാണിക്കണമെന്നാണ് വോട്ടർമാർ ആഗ്രഹിക്കുന്നത്. ഇതു തന്നെയാണ് ജനാധിപത്യ ഭരണ ക്രമത്തിന്റെ മുഖമുദ്ര. താൻ അംഗമായ പാർട്ടിയുടെ നിയമം കൂടി പാലിക്കാൻ അംഗമെന്ന നിലയിൽ ആ വ്യക്തി ബാധ്യസ്ഥനാണ്. ഭരണ സ്ഥിരതയ്ക്കുവേണ്ടി ധാരണകൾ പാലിക്കാൻ രാഷ്ട്രീയ കക്ഷികളുടെ ഭാഗമായ ജനപ്രതിനിധികൾ ബാധ്യസ്ഥരാണന്നും കോടതി.
