ടൂറിസ്റ്റ് ബസിനെ മറികടക്കാൻ ശ്രമിച്ച ആംബുലൻസ് ഡ്രൈവറെ ടൂറിസ്റ്റ് ബസ് ജീവനക്കാർ ക്രൂരമായി മർദ്ദിക്കുന്നതിന്റെ ദൃശ്യങ്ങള്‍ പുറത്ത്. ആംബുലന്‍സിന് വഴി നല്‍കാതെയായിരുന്നു ബസിന്റെ യാത്ര. കോഴിക്കോട് മെഡിക്കൽ കോളജ് സഹായി ആംബുലൻസ് ഡ്രൈവർ സിറാജിനെയാണ് ഈങ്ങാപ്പുഴയിൽ വെച്ചു മർദിച്ചത്. ഇതേത്തുടര്‍ന്ന് നാട്ടുകാർ ബസ് തടഞ്ഞുവെച്ചു പൊലീസിൽ ഏൽപ്പിച്ചു. അക്രമത്തിൽ പരുക്കേറ്റ ആംബുലൻസ് ഡ്രൈവറെ താമരശ്ശേരി താലൂക്ക് ആശുപത്രിയിൽ പ്രവേശിപ്പിച്ചു. ഇന്ന് രാവിലെ ഏഴുമണിക്ക് ആയിരുന്നു സംഭവം.
